Jeremia 49:19 - ÎVUKU RÎA ÛVORO MWARO

¹⁹ Taroria, wata ûrîa mûnyambû umagîra mûtitûrî wa rûnjî rwa Njorodani, na ûgatonya ndîthiarî mbaro ya ng'ondu, nwataguo ngengata andû a Edomu wa rîmwe kuuma vûrûrirî wao. Nîngaiga mûtongoria wa ûrîa ngathuura kuo. Nîûndû, nû ûngîringithanua nanie? Nû ûngînjirithia? Nî mûrîthi ûrîkû ûngîregana nanie?

Jeremia 49:19 ပူးပေါင်းရင်းမြစ်များ

1Maû 12:15

Mwerirî wa mbere wa mwaka, rîrîa rûnjî rwa Jorodani rwîcûraga andû aya nîmaaringire rûnjî na makîngata andû arîa maatûûraga ciandarî na andû acio makînyaganîria mîenarî ya îrathîro na îthûîro rîa rûnjî rwa Jorodani.

2Maû 20:6

na nîwavoire akiugaga atîrî, “Ngai-Mûnene, Ngai wa methe metû, kinthî tîwe Ngai ûrîa ûrî Îgûrû? Na kinthî tîwe wathaga mothamaki monthe ma nthî? We ûrî na vinya na ûvoti, kwoguo gûtirî mûndû ûngîgwîtirîria.

Ayubu 41:10

Gûtirî njamba îngîvota kûmîvavûkia, gûtirî mûndû ûngîmîtirîria.

Ayubu 9:19

Wana ethîrwa nî kûvirana îgootirî, nû ûngîmûthitanga, ethîrwa nî kûvirana îgootirî, nû ûngîmwîta?

Ayubu 9:21

Ndirî na ûcuke, na ndiîmakagîra, ndirî na vata na mwoyo wakwa.

Thaburi 143:2

Ndûkanjirithie nie, ndungata yaku, nîûndû gûtirî mûndû mûthingu mbere yaku.

Thaburi 76:7

Nwatî we Ngai, wîtigîrîtwe nî andû onthe. Gûtirî mûndû ûngîrûngama mbere yaku rîrîa wî mûrakaru.

Thaburi 76:8

Nîwamenyithanirie îtuîro rîaku ûrî îgûrû; nthî nîyetigîrire na îgîkira,

Thaburi 89:6

Nîûrîkû ûngîringithanua nawe Ngai-Mûnene kûu îgûrû? Nî kîûmbe kîrîkû Kîam îgûrû kîganene nawe?

Thaburi 89:8

We Ngai-Mûnene, Ngai mwene vinya wonthe, nîûrîkû ûrî vinya tawe, We Ngai-Mûnene, ûrî mwîvokeku maûndûrî monthe.

Ntha 15:11

Ngai-Mûnene, nî ngai îrîkû gatagatî ka ngai îkariî tawe? Nî ûrîkû wîkariî tawe, we ûrî ûthingu wa magegania? Nî ûrîkû ûngîringa ciama na ciîko cia vinya ta ciaku?

Isaia 40:25

Ûrîa Mûtheru araûria atîrî, “Nîûrîkû mûngîningithania nake, kûrî na wîngî wîkariî tanie?”

Isaia 46:9

Ririkanani maûndû marîa meekirwe tene; nîûndû Nie nînie Ngai na gûtirî wîngî, nie nînie Ngai na gûtirî wîngî tanie.

Jeremia 12:5

Ngai-Mûnene arauga atîrî, “Ethîrwa nîûcindanîte na arîa mathiîcaga na magûrû na ûkanoga, nwa ûvote gûcindana na mbarathi? Na ethîrwa we ûgûcaga kûrîa gûtarî na kîndû gîa gûkûvînga, ûgeka atîa mûtitûrî wa Jorodani?

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 30:21

Mûtongoria wao akethîrwa arî ûmwe wao, mwathi wao akauma gatagatîrî kao, nîngamwîta nake nîakanguvîvîria, nîûndû nû ûngîgeria kûnguvîvîria na vinya wake? Ûguo nîguo nie Ngai-Mûnene nîrauga.”

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Danieli 7:4

Ya mbere yekariî ta mûnyambû, na yarî na mathagu maîrî mekariî ta ma nderi. Wa ndoretie, mathagu mayo nî maagûkire na îgîûkîrua îkîrûngama ta mûndû; na îgîcoka îgîkîrwa meciria ta ma mûndû.

Nahumu 1:6

Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Zakaria 11:3

Tathikîrîriani kîrîro Kîam arîthi, nîûndû riiri wao nîmûthiru! Tathikîrîriani mûraramo wa mînyambû, nîûndû mîtitû îrîa îrî rûtere rwa rûnjî rwa Jorodani nîmîanangîku!

Ndari 16:5

Nîwacokire akîra Kora na arûmîrîri ake onthe atîrî, “Rûyû kîraûko Ngai-Mûnene nîagaatwonia mûndû ûrîa athuurîte atuîke wake. Mûndû ûcio nîke ûkaavotithagua nî Ngai-Mûnene kûthiî metharî yake.

Josh 3:15

Rîrîa makinyo ma athînjîri-Ngai acio maakuuîte îthandûkû rîa kîrîkanîro maakinyire manjî rûtererî rwa rûnjî rwa Jorodani, (vîndî ya maketha, rûnjî rwa Jorodani nîrwecûraga na rûkauna),

Kûguû 6:17

Nîûndû mûthenya wao Mûnene wa marakara nîmûkinyu. Nû ûngîvota kûmîrîria îverithania rîu?”