Jeremia 49:15 - ÎVUKU RÎA ÛVORO MWARO

¹⁵ Nie Ngai-Mûnene nîngûgûtua we Edomu, vûrûri mûnini gûkîra mavûrûri marîa mengî, na ûnyararagwe nî andû onthe.

Jeremia 49:15 ပူးပေါင်းရင်းမြစ်များ

Thaburi 53:5

Marî kûu nîmakaanyitwa nî guoya nyîngî mûno, guoya matarî magîa nayo rîngî, nîûndû Ngai nîakaanyagania mavîndî ma nthû cia andû ake. Andû acio nîmagaaconorithua nîûndû Ngai nîamaregete.

Jeremia 49:14

Nînyitîte ndûmîrîri kuuma kûrî Ngai-Mûnene. Mûnjaama nîmûtûme anîrîre kûrî mavûrûri atîrî, “Gomanani vamwe na mûregane na Edomu, thiîni mûkaûtharîkîre.

Jeremia 49:16

Guoya îrîa wîkîrîte andû na mwîtîîo waku nîikûveenetie, we wîkaraga ngurungarî cia mathiga na ûtûûraga kîrîmarî îgûrû! Nwatî wana gwatuîka ûtûûraga îgûrû ta nderi, nîngakûnyûrûrûkia kuuma kûu ûtûûraga. Ûguo nîguo nie Ngai-Mûnene nauga.”

Obadia 1:2

Ngai-Mûnene erîte vûrûri wa Edomu atîrî, “Nîngaagûtua rûrîrî rûnini gatagatî ka ndûrîrî cionthe, andû onthe nîmagaakûnyarara.

Mika 7:10

Nthû ciakwa nîikona ûguo, na ciîcûrwe nî gîconoko, nîûndû cianthekagîrîra îkîmbûragia atîrî, “Arî kû Ngai-Mûnene, Ngai waku?” Nîngoona nthû ciakwa ikîgwa nthî, na nîigaakinyangwa ta ndaka îrî njîrarî.

Luka 1:51

Nî ekîte maûndû manene na njara ciake, nîanyagarûkanîtie arîa etîi wa na mîvango yao.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.