Jeremia 48:8 - ÎVUKU RÎA ÛVORO MWARO

⁸ Mûcûkangia akaathiî matûûrarî monthe, gûtirî îtûûra rîkaavonoka; indo cionthe ciandarî nîikaathira, kûndû kûrîa gûtûgîru nîgûkoomomorwa, wata ûrîa Ngai-Mûnene augîte.

Jeremia 48:8 ပူးပေါင်းရင်းမြစ်များ

Jeremia 15:8

Nîndûmîte aka ao a ndigwa mongerereke, na mengîve gûkîra mûthanga ûrîa ûrî îriarî. Aciari a andû ethî nînîmareterete, ûndû wa kûmacûkangia mûthenya. Nîndûmîte manyitwe nî ûrûrû na kîmako wa rîmwe.

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 48:18

Mue atûûri a Diboni, umani itîîrî cienyu cia gîtîîo, mwîkare nthî rûkûngûrî. Nîûndû mûcûkangia wa Moabu nîwakinya, nîacûkangîtie kûrîa kûgitîre.

Jeremia 51:56

Nthû nîciûkîte gûcûkangia Babuloni; athigari a kuo nîanyite; moota mao nîmaunange, nîûndû nie Ngai-Mûnene nî Ngai ûverithanagia, nwa nginya nîîrîvîrîrie.

Jeremia 6:26

Ngai-Mûnene arauga atîrî, “Îkîrani nguo cia macakaya mue andû akwa, na mwîgaragarie mûurî, cakayani mûrî na ûrûrû, ta mûndû agîcakaîra mûvîcî wa kîmomwe, nîûndû nthû îgaûka kûmûthiria wa rîmwe.

Ezek 25:9

Kwoguo nîngaatûma matûûra marîa matumîtwe mûvakarî wa Moabu matharîkîrwe, wa vamwe na matûûra marîa marî riiri ma Bethijeshimothu, Baali-meoni, na Kiriathaimu.

Josh 13:17

Nîwanyitanîte na îtûûra rîa Heshiboni vamwe na matûûra monthe marîa maarî kûndû kwaraganu ma: Diboni, Bamothi Baali, Bethi Baali-meoni,

Josh 13:21

Vûrûri ûcio wagaîrwe mûvîrîga wa Reubeni nîwanyitîte matûûra monthe ma vûrûri ûrîa mwaraganu na nîwanyitîte vûrûri wonthe wa mûthamaki Sihoni wa Amori, ûrîa wathanaga arî îtûûra rîa Heshiboni. Musa nîwavootete mûthamaki Sihoni na akîvoota athamaki engî atano a Midiani. Athamaki acio maarî: Evi, Rekemu, Zuri, Huri na Reba. Nao maathanaga marî rungu rwa mûthamaki Sihoni.

Josh 13:9

Naguo waumîte îtûûrarî rîa Aroeri rûtere rwa Kîamnda Kîam Arinoni, vamwe na îtûûra rîrîa rîarî gatagatî ga Kîamnda kîu, na vûrûri ûrîa wonthe mwaraganu kuuma îtûûrarî rîa Medeba nginya Diboni.