Jeremia 48:26 - ÎVUKU RÎA ÛVORO MWARO

²⁶ “Vani Moabu ndivei nîguo arîwe viû, nîûndû nîwenenevirie gûkîra Ngai-Mûnene. Moabu nîakagaraga matavîkarî make na nîakaathekererwa nî andû.

Jeremia 48:26 ပူးပေါင်းရင်းမြစ်များ

Ayubu 15:25

Nîûndû nîakûnjagîra Ngai ngundi, na akang'athîria Mwene Vinya Wonthe.

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Thaburi 2:4

Ûrîa wîkaragîra gîtî Kîam ûthamaki kûu îgûrû nîathekaga; Ngai-Mûnene nîamanyûrûragia.

Thaburi 59:8

Nwatî we Ngai-Mûnene, nîûramathekerera; nîûnyararaga andû arîa onthe matagwicî.

Thaburi 60:3

We nîûtûmîte andû aku manyamare mûno; tûtûgûgaga ta mîrîu ya ndivei.

Thaburi 75:8

Ngai-Mûnene anyitîte gîkombe na njara, gîcûrîte ndivei ndûrû ya marakara make. Nîaramîtûrûra, na andû onthe arîa aganu nîmaramînyua; maramînyua yonthe nginya îtata rîa mûthiia.

Ntha 5:2

Nake mûthamaki nîwaûririe atîrî, “Ngai-Mûnene nîke ûû, na nînîmûthikîrîria nîkî na mbîtîkîrie andû a Isiraeli mathiî? Nie ndiîcî Ngai-Mûnene ûcio na ndingîtîkîria andû a Isiraeli mathiî.”

Ntha 9:17

Nawe nwakwa ûretûgîria na ûkarega andû akwa mathiî.

Isaia 10:15

Îthanwa nwa rîtîîre mûndû ûrîa ûrarîtûmîra? Mûcumano nwa wîneneverie mûndû ûrîa ûtinagia naguo? Nîkwa rûthanju rûngîambararia mûndû ûrîa ûrûkagîrîria, kana mûragi ûkîrîrie mûndû ûrîa ûûtûmagîra!”

Isaia 19:14

Ngai-Mûnene nîatûmîte mavecane mataaro mavîngîcanu, nîmatûmîte andû a Misiri magaage mawîrarî mao monthe, na magatûgûga ta ûrîa mûrîu atûgûgaga agîtavîkaga.

Isaia 28:8

Metha cionthe ciîcûrîte matavîka, gûtirî wanarî vandû vatarî na gîko.

Isaia 29:9

Îritieni na mûtuîke irimû! Vingani metho na mûtuîke ndumumu! Rîwani, nwatî mûtikarîwe nî ndivei; tûgûganani, nwatî mûtigatûgûgithue nî njovi ndûrû!

Isaia 51:17

Ûkîra, ûkîra, rûngama, we Jerusalemu! We ûnyuithîtue nî Ngai-Mûnene gîkombe Kîam marakara make, we ûkînyuîte nginya wakîthiria, wanyinyûkîrîrie mbakûri na îgîtûma ûtûgûge.

Isaia 63:6

Nînakinyangire andû a ndûrîrî nîrî na marakara, ngîtûma manyue mang'ûrîka makwa nginya makîrîwa, na ngîtûrûra nthakame yao nthî.”

Jeremia 48:39

Taroria ûrîa maunîkangîte! Ûrîa mararîra! Ûrîa magîte na gîconoko. Vûrûri wa Moabu ûtuîkîte kîndû gîa kûthekererwa na kîmako kûrî mavûrûri monthe marîa ûriganîtie namo.”

Jeremia 48:42

Andû a Moabu nîmagacûkangua matige gûtuîka rûrîrî, nîûndû nîmenenevirie gûkîra Ngai-Mûnene.

Jeremia 50:29

Îrani andû arîa marûaga na mîguî makatharîkîre Babuloni. Rigicîriani îtûûra rîu na mûtikareke mûndû wana ûmwe ethare. Rîverithieni kûringana na ciîko ciarîo, mûrîke wata ûrîa rîkîte mavûrûri marîa mengî, nîûndû rîthîrîtwe rîkînyarararithie Ngai-Mûnene Ûrîa Mûtheru wa Isiraeli na mwîtîîo warîo.

Jeremia 51:39

Wana marakarîte ûguo, nîngûmarûthîra kîrugo, nînîmava ndivei nginya marîwe na mamame, macoke mamame toro matagaûkîra rî kana rî.” Nînie Ngai-Mûnene nauga ûguo.

Jeremia 51:57

Nîngûtûma anene na andû arîa aûgî akuo marîwe nî njovi; wa vamwe na athani athigari a mbaara na atongoria ao, onthe makamama toro matagaûkîra tene na tene. Ûguo nîguo nie Mûthamaki ûrîa wîtagwa Ngai-Mûnene mwene vinya wonthe nauga.”

Jeremia 51:7

Babuloni yekariî ta gîkombe Kîam thaavu, kîrî njararî cia Ngai-Mûnene, gîatûmaga nthî yonthe îrîwe; mavûrûri maanyunyaga ndivei kuuma kûrî kîo makauma ngoma.

Maca 1:21

“Tathikîrîria gûcakaya gwakwa, gûtirî mûndû wa kûmvoreria. Nthû ciakwa nîimenyete mathîna makwa, nîirakenerera kûthîna gwakwa, tûma nthû ciakwa cione mathîna ta nie.

Maca 3:15

Atûmîte ngîa na mathîna meengî, na ngîa na ûrûrû mwîngî.

Maca 4:21

Kena na ûcanjamûke we mwarî wa Edomu, wana mue mûtûûraga Uzi kenani, nwatî îvinda rîenyu rîa mathîna nîrîgûkinya, mûkathiîcaga mûgîtûgûgaga na mûrî njaga.

Danieli 11:36

“Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Danieli 8:10

Karûvîa kau nîkaagîre na vinya mûno na gakîneneva îgûrû rîa ciûmbe cia îgûrû, nîkagwîthirie imwe cia njata icio na gagîikinyanga.

Nahumu 3:11

Nineve, wanawe nîûkaarîwa! Wanawe nîûkaaûra nî nthû yaku.

Habakuku 2:16

Ûgecûrwa nî guoya vandû va gîtîîo. We mwene nîûkaanyua na ûtûgûgane! Ngai-Mûnene ke mwene nîagaatûma ûrîwe, na nthoni nîigaakunîka gîtîîo gîaku.

2Ath 2:4

Ke nîakaaregana na kîndû wa kîonthe gîtagwa ngai, kana kîndû kîonthe andû magoocaga na enenevie mûno. Ke nîagekara hekarûrî ya Ngai na etue atî ke nîke Ngai.

Kûguû 16:19

Narîo îtûûra rîrîa rînene nîrîagaûkanire icunjî ithatû. Namo matûûra marîa mengî manene nthî nîmanangîkire. Nake Ngai nîwaririkanire îtûûra rîrîa înene rîtagwa Babuloni, na agîtûma rînyue ndivei kuuma gîkomberî gîake Kîam marakara.