Jeremia 48:12 - ÎVUKU RÎA ÛVORO MWARO

¹² “Kwoguo îvinda nîrîgûkinya, nîguo Ngai-Mûnene arauga rîrîa ngatûma andû mamwînamie, na metûrûre ndivei, na maûrage nyûngû ciake cia gwîkîra ndivei.

Jeremia 48:12 ပူးပေါင်းရင်းမြစ်များ

Thaburi 2:9

Nîûgaacûkangia mavûrûri marîa mengî mathire viû, ûkaamaûraga mavaragane ta nyûngû ya yûmba.’ ”

Isaia 16:2

Ta ûrîa iconi ciûrûraga ciomba ciacio itharîtue, nwaguo aka a Moabu maagagîte marî mariûkorî ma Arinoni.

Isaia 30:14

Kwomomoka kwa rûthingo rûu nîta kwa nyûngû îrîa îkucaga îkavaragana, gûtarî wanarî karûgîo kangîkuuwa makara ma mwaki, kana kangîtava manjî kuuma kîrikorî.”

Jeremia 14:3

Anene ao nîmatûmaga ndungata ciao manjî, mathiîcaga irikorî cia manjî nwatî mationaga manjî, macokaga na mîtûngi îtarî na kîndû, makunîkaga mothiû mao nî gûconoka na kûrwa nî vinya.

Jeremia 19:10

“Nawe nîûgacoka ûrage nyûngû andû onthe arîa mwathiîte nao makîonaga,

Jeremia 25:34

Mue arîthi rîrani mugîrîrîtie, îgaragarieni mûurî mue atongoria a ng'ondu, nîûndû mîthenya yenyu ya kûthînjwa na kûnyaganua nîmîkinyu, mûkaûragwa ta ndûrûme irîa ithuurîtwe.

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 48:11

“Moabu atûûraga na thayû kuuma arî mûnini, akirîrîtie ta ndivei îtarî ngerûre, ndivei îtanonoranua kuuma mûtûngirî ûmwe kûthiî wîngî. Moabu ndanavirwa îthamîriorî, kwoguo ndanathira mûcamo wake, na atûûraga anungaga waro.

Jeremia 48:13

Nao andû a Moabu nîmagaaconoka nîûndû wa ngai yao Kemoshi, wata ûrîa andû a Isiraeli maaconokire nîûndû wa Betheli, ngai îrîa mevokete.

Jeremia 48:15

Mûcûkangia wa Moabu na matûûra make nîwakinya, anake ake arîa aro nîmaûragwa. Nîguo nauga nie mûthamaki ûrîa wîtagwa Ngai-Mûnene mwene vinya wonthe.

Jeremia 48:38

Îgûrû rîa nyomba cionthe cia Moabu na ivaarorî cia gûcemanîrua gwîcûrîte macakaya matheri. Nîûndû nîmbûragîte Moabu ta nyûngû îrîa gûtarî mûndû ûngîmîtûmîra. Ûguo nîguo nie Ngai-Mûnene nîrauga.

Jeremia 48:8

Mûcûkangia akaathiî matûûrarî monthe, gûtirî îtûûra rîkaavonoka; indo cionthe ciandarî nîikaathira, kûndû kûrîa gûtûgîru nîgûkoomomorwa, wata ûrîa Ngai-Mûnene augîte.

Nahumu 2:2

(Ngai-Mûnene arî vakuvî gûcokeria Jakovu riiri wake, cokerie andû a Isiraeli riiri ûrîa maarî naguo mbere ya matharîkîrwa nî nthû, na mbere ya macûkangia nvûa ciaguo. Nwatî nîakûmacokeria vinya wao na riiri.)