Jeremia 48:11 - ÎVUKU RÎA ÛVORO MWARO

¹¹ “Moabu atûûraga na thayû kuuma arî mûnini, akirîrîtie ta ndivei îtarî ngerûre, ndivei îtanonoranua kuuma mûtûngirî ûmwe kûthiî wîngî. Moabu ndanavirwa îthamîriorî, kwoguo ndanathira mûcamo wake, na atûûraga anungaga waro.

Jeremia 48:11 ပူးပေါင်းရင်းမြစ်များ

Thaburi 123:4

Tûrî anyarare nî itonga gwa kavinda karaca mûno, na tûkairwa mûno nî andû arîa etîi.

Thaburi 55:19

Ngai ûrîa ûtûûraga athanaga kuuma tene, nîakûmbîgua na amavoote; nîûndû nîaregu kûgarûrûka, na matimwîtigagîra.

Nthi 1:32

Nîûndû irimû ikucaga ciarega kûthikîrîria ûtaaro, na andû arîa aritu mathiragua nî ûrimû wao.

Isaia 16:6

Andû a Juda maugaga atîrî, “Nîtwîguîte ûrîa andû a Moabu marî ecaari, nîtwîcî ûrîa maarî etîi mûno. Nîtwîcî ûrîa marî rûng'athio, mwîkumio na metûûgagîria; nwatî mwîtîîo ûcio wao nî wa mana.”

Isaia 24:3

Nthî nîgaacûkangua yanangîke viû; nîûndû Ngai-Mûnene nîaugîte guo.

Isaia 25:6

Kîrîmarî gîkî gîa Zayuni, nîkuo Ngai-Mûnene mwene vinya wonthe akaavarîrîria andû onthe kîrugo Kîam nyamû noru, ndivei îrîa mbaro ya kûvivwa, nyamû noru irî na maguta mavîndîrî na ndivei îno ntheru îvivîtwe waro.

Jeremia 22:21

Ngai-Mûnene aamwarîrie rîrîa mweganîrîte, nwatî mue mûkiuga atîrî: “Tîtûthikîrîria.” Mûtwîre mwîkaga ûguo kuuma mûrî ethî, mûtirî mwathîkîra mûgambo wakwa.

Jeremia 48:12

“Kwoguo îvinda nîrîgûkinya, nîguo Ngai-Mûnene arauga rîrîa ngatûma andû mamwînamie, na metûrûre ndivei, na maûrage nyûngû ciake cia gwîkîra ndivei.

Jeremia 48:29

Nîtwîguîte ûrîa andû a Moabu marî etîi. Nîtwîguîte ûrîa marî ecaari, eyongi na ethûnûri, na ûrîa metucaga na ngoro atî nî aro.

Jeremia 51:34

Nebukadinezarû mûthamaki wa Babuloni nîacûkangîtie Jerusalemu na agakwananga. Agûtigîte gwîkariî ta nyûngû îtarî na kîndû, akûmeretie ta njûnamatu. Eyocerete kîrîa kîonthe akwenda, agacoka agata indo icio ciîngî.

Nahumu 2:10

Îtûûra rîa Nineve nîrîomomore na rîgacûkangua viû! Andû matirî na vinya ngoro na maru nîmakovovoku, vinya nî nthiru, mothiû mao makathita.

Nahumu 2:2

(Ngai-Mûnene arî vakuvî gûcokeria Jakovu riiri wake, cokerie andû a Isiraeli riiri ûrîa maarî naguo mbere ya matharîkîrwa nî nthû, na mbere ya macûkangia nvûa ciaguo. Nwatî nîakûmacokeria vinya wao na riiri.)

Zefania 1:12

Vîndî îo nîngoca taa na nthiî Jerusalemu ngîcaragia; Nîngaverithia andû arîa meganaga na makeîraga na ngoro atî, ‘Ngai-Mûnene ndarî ûndû ekaga: mwaro kana mûcûku.’

Zakaria 1:15

Nîrîmûrakaru mûno nî mavûrûri marîa marî na thayû, nîûndû rîrîa narakarîrîte andû akwa vanini, mavûrûri mau maathiîre na mbere kûmanyamaria makîria.