Jeremia 47:5 - ÎVUKU RÎA ÛVORO MWARO

⁵ Andû a Gaza nî menjetwe irîya magîcakaya, îtûûra rîa Ashikeloni nîrîcûkangie viû. Mue matigari ma Anaki nîmûcakaya nginya rî?

Jeremia 47:5 ပူးပေါင်းရင်းမြစ်များ

1Atha 18:28

Kwoguo arathi acio nîmaaugîrîrie na mîgambo mînene mûno na magîîtemanga na mviû na matumû kûringana na mûtugo wao, nginya makiura nthakame mûno.

Isaia 15:2

Andû a Diboni nîmaunûkîtie kûrîa magoocagîra magacakae. Andû a Moabu mararîrîra matûûra ma Nebo na Medeba. Andû onthe nî enju ciongo ciao na makenja nderu ciao,

Jeremia 16:1

Ngai-Mûnene nîwambarîrie akîmbîra atîrî,

Jeremia 16:6

Itonga na athîni onthe nîmakuîra vûrûrirî ûyû, matikathikwa na gûtirî mûndû ûkamacakaîra, kana etemanga, kana enje kîrîa nîguo onanie atî nîaramacakaîra.

Jeremia 25:20

na ageni onthe arîa matûûraga Misiri. Athamaki onthe a vûrûri wa Uzi, athamaki onthe a vûrûri wa Filisiti na nîmo: Ashikeloni, Gaza, Ekironi na matigari ma Ashidodi.

Jeremia 41:5

andû anana maumîte Shekemu, Shilo na Samaria nîmaakinyire. Nao menjetwe nderu, na marî na nguo ndembûkangu na metemangîte mîîrî nîguo monanie atî nîmarenyerekia. Maakuîte matega ma irio cia mîgûnda na ûbani mavirîte hekarûrî ya Ngai-Mûnene.

Jeremia 47:1

Ndûmîrîri ya Ngai-Mûnene îgiî Afilisiti nîyakinyîre mûrathi Jeremia, mbere ya mûthamaki wa Misiri atharîkîra îtûûra rîa Gaza.

Jeremia 47:4

Mûthenya nî mûkinyu wa kûûraga Afilisiti onthe, kûthiria ûtethio wonthe ûrîa watigarîte kuuma Turo na Sidoni. Nîûndû Ngai-Mûnene nîaracûkangia Afilisiti, andû onthe arîa matigarire gîcîgîrîrarî gîa Kirete.

Jeremia 48:37

Andû onthe nîenju ciongo na nderu ciao. Onthe nîmetemangîte njara, na makeyova nguo cia macakaya ciûnorî.

Ezek 25:16

Kwoguo nie Ngai-Mûnene Ngai nîngaatambûrûkia njara yakwa îgûrû rîa Afilisiti na mbûrage andû onthe a Kerethi na nthirie andû arîa matûûraga rûtere rwa îria.

Ezek 7:18

Nîmagekîra nguo cia macakaya na mekare mamakîte mûno. Nîmakoonekaga marî na gîconoko na menjetwe njuîrî ciongo.

Alawi 19:28

kana mwîtemange mîîrî yenyu mûgîcakaîra mûndû arî mûkuû. Nie nînie Ngai-Mûnene.

Alawi 21:5

“Gûtirî mûthînjîri-Ngai ûkenja njuîrî wanarî mwena ûmwe wa kîongo gîake ithira kana enja nderu ciake kana etemange mwîrî.

Mika 1:16

Andû a Juda enjani njuîrî cienyu mûtigwe mûrî irîa mûrîrîre ciana cienyu irîa mwendete, neneviani ivara cienyu ciîkare ta cia nderi, nîûndû ciana nîigaatavwa ivirwe îthamîriorî.

Maariko 5:5

Aatûûraga aûrûraga kûu mbîrîrarî na tûrîmarî ûtukû na mûthenya na akaugagîrîria agîîtemangaga na mathiga.

Gûco 14:1

“Mue mûrî ciana cia Ngai-Mûnene Ngai wenyu. Kwoguo vîndî îrîa mûgûcakaya mûtigatemange mîîrî yenyu kana mwenje mwena wa mbere wa ciongo cienyu nîûndû wa mûndû ûrîa ûkuîte, ta ûrîa andû a mavûrûri marîa mengî mekaga.

Atir 1:18

Andû a mûvîrîga wa Juda nîmaavootire matûûra ma Gaza, Ashikeloni, Ekironi na mavûrûri marîa maamathiûrûrûkîrîtie.