Jeremia 47:4 - ÎVUKU RÎA ÛVORO MWARO

⁴ Mûthenya nî mûkinyu wa kûûraga Afilisiti onthe, kûthiria ûtethio wonthe ûrîa watigarîte kuuma Turo na Sidoni. Nîûndû Ngai-Mûnene nîaracûkangia Afilisiti, andû onthe arîa matigarire gîcîgîrîrarî gîa Kirete.

Jeremia 47:4 ပူးပေါင်းရင်းမြစ်များ

Kîam 10:15

Ariû a Kanaani maarî Sidoni, ûrîa warî mûkûrû, Hethi,

1Maû 1:12

Pathirusimu, Kasiluhimu, na Kafutorimu. Afilisiti nî njiarwa cia Kasiluhimu.

Ayubu 9:13

“Marakara ma Ngai matingîgirîrîkia; arîa matethagia njûnamatu îrîa îtagwa Rahabu, nîmamwînamagîrîra.

Thaburi 37:13

Nwatî Ngai-Mûnene nîathekagîrîra andû arîa aganu, nîûndû nîecî atî nîmakûthirua vuva wa kavinda kanini.

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Isaia 14:31

“Rîrani mue matûûra monthe ma Afilisiti! Mue Afilisiti muonthe, gîani na guoya! Nîûndû rûkûngû rwa athigari rûkîte rumîte mwena wa rûgûrû: nî gîkundi Kîam athigari matarî guoya.”

Isaia 20:6

Nao andû arîa matûûraga rûtererî rwa îria, mûthenya ûcio nîmakaauga atîrî, ‘Taroriani ûrîa gwekîkire kûrî andû arîa tûrevokete atî nîmagûtûgitîra kûrî mûthamaki wa Asîria! Rîu tue-î, nîtûkûvonoka?’ ”

Isaia 31:8

Vîndî îo Asîria makaaûragwa na rûviû na tî rwa mûndû; makaathirua na rûviû rwa vinya gûkîra rwa mûndû, nao nîmakaaûra nî rûviû rûu, na anake ao arîa ethî nîmakaarutithua wîra na vinya.

Jeremia 46:10

Mûthenya ûcio nî wa Ngai-Mûnene Mwene Vinya Wonthe, nî mûthenya wa kwîrîvîrîria; mûthenya wa kwîrîvîrîria kûrî nthû ciake. Rûviû nîrûkamathiria na rwîganîre, na rûnyue nthakame yao rûvae. Nîûndû Ngai-Mûnene mwene vinya arî na îgongoona, kûu mwena wa rûgûrû vakuvî na rûnjî rwa Farati.

Ezek 21:25

“Nawe we mûtongoria wa Isiraeli, mûtongoria mwaganu na ûtarî mûtheru, mîthenya yaku ya îverithia rîa mûthiia nîmîkinyu.

Ezek 21:29

Cioneki irîa mwonaga nî cia mana, na mamûrathagîra maveeni matheri. Rûviû nîrûvarîrîrie nîguo rûteme andû arîa aganu. Kavinda kao ka mûthiia ga kûverithua nîgakinyu.

Ezek 25:16

Kwoguo nie Ngai-Mûnene Ngai nîngaatambûrûkia njara yakwa îgûrû rîa Afilisiti na mbûrage andû onthe a Kerethi na nthirie andû arîa matûûraga rûtere rwa îria.

Ezek 30:8

Rîrîa ngaakia mwaki kûu Misiri na mbûrage arîa onthe mamatethagia, nîmûkaamenya atî nie nînie Ngai-Mûnene.

Ezek 7:12

“Kavinda nîgakinyu na mûthenya nwa ûrakuvîvîria. Mûgûri wa indo nîatige gûkena, kana mwendia wa indo egue kîeva nîûndû marakara ma Ngai magaakinyîra andû onthe.

Hosea 9:7

Mîthenya ya kûverithania nî mîkinyu, mîthenya ya kwîrîvîrîria nîmîkinyu; andû a Isiraeli nwa nginya mamenye mûthenya ûcio. Mue mugaga atî, “Mûrathi nî kîrimû na mûndû ûrîa ûrî na Roho arî na ngoma.” Mugaga ûguo nîûndû wa mevia menyu meengî, na nîûndû wa rûmena rwenyu rûnene îgûrû rîake.

Amosi 9:7

Ngai-Mûnene arauga atîrî, “Mue andû a Isiraeli, nîmwîciragia wata ûrîa nîîciragîria andû a Ethiopia. Nînarutire andû a Isiraeli vûrûrirî wa Misiri, na ngîruta Afilisiti kuuma Kirete, na andû a Sîria ngîmaruta Kiru.

Luka 21:22

Nîûndû mîthenya îo nîo îkethîrwa îrî ya kûverithania nîguo maûndû monthe marîa Mandîko Matheru maugîte mavinge.

Gûco 2:23

Vûrûri ûrîa ûrî rûtere rwa îria rîa Mediterania nginya îtûûra rîa Gaza watûûragwa nî andû a Avimu mbererî. Andû a kuuma gîcîgîrîrarî gîa Kirete nîmaamathiririe na magîoca vûrûri ûcio na magîtûûra kuo.)

Josh 22:30

Rîrîa Finehasi ûrîa warî mûthînjîri-Ngai na atongoria îkûmi arîa maarî nake na anene a mîvîrîga îrîa yarî mwena wa îthûîro megwire ûrîa andû a mûvîrîga wa Reubeni, Gadi na Manase ya mwena wa îrathîro maaugire nîmaakenire.