Jeremia 47:3 - ÎVUKU RÎA ÛVORO MWARO

³ rîrîa makegua înegene rîa mavûngû ma mbarathi, înegene rîa ikaari cia mbaara, na mûrurumo wa magûrû ma cio. Methe nîmakaariganîrwa nî ciana ciao, njara ciao ikethîrwa iregerete mûno.

Jeremia 47:3 ပူးပေါင်းရင်းမြစ်များ

Isaia 5:28

Mîguî yao nî mîûgî, na mota mao nîmatunge. Mavûngû ma mbarathi ciao maûmîte ta mathiga, na magûrû ma ikaari ciao mavinyûraga ta rûkûngi.

Jeremia 46:9

Thiîni na mbere mue mbarathi, tharîkîrani mue ikaari cia mbarathi! Athigari a mbaara nîmaumagare, arûme a Ethiopia na Puti arîa makuuaga ngo, arûme a Ludi arîa maicî kûratha na ûta.”

Jeremia 50:42

Manyitîte mîguî na matumû; nî aganu mûno na matirî ntha. Mûgambo wao nîta wa mûrurumo wa manjî îriarî, mathiîcaga mekarîrîte mbarathi, mekaraga mevarîrîtie kûrûa mbaara nawe we Babuloni.

Jeremia 8:16

Nîtûregua mbarathi ciao ikîgamba irî Dani, mûgambo wa mbarathi ciao cia njamba, ûratûma vûrûri wonthe ûthingitha. Nthû ciûkîte gûcûkangia vûrûri wetû na indo cionthe irîa irî kuo, gûcûkangia îtûûra na andû arîa matûûraga kuo.”

Ezek 23:24

Nao nîmagaakûtharîkîra kuuma mwena wa rûgûrû marî na ikaari cia mbaara na cia gûkuua mîrigo na gîkundi Kîam andû eengî. Nîmagaakûrigicîria kuuma na mîena yonthe marî na ngo nene na nini na ngovia cia cuuma cia kûgitîra ciongo. Nîngaametîkîria magûtuîre ciira, na nîmagaagûtuîra kûringana na watho wao.

Nahumu 2:4

Ikaari cia mbarathi nîivinyûraga mûno njîrarî, ithiîcaga mîena yonthe kûu kîvarorî. Imûrîkaga ta kîmûrî, ithiîcaga na îvenya ta rûveni.

Nahumu 2:8

Nineve îkariî ta îria rîrî rîomomoku, andû nîmarauma kuo makaûra. Maugagîrîria atîrî, “Rûngamani! Rûngamani!” Nwatî gûtirî ûcokaga vuva.

Kûguû 9:9

Ngige icio nîciekîrîtwe indo cia kûgitîra ithûri cia cio ciekariî ta ngo cia cuuma. Nayo mîgambo îrîa yaumaga mathagurî ma cio igûrûkîte yagambaga ta înegene rîa ikaari nyîngî cia mbarathi ivinyûrîte mbaararî.

Atir 5:22

Mavûngû ma mbarathi nîmaarumirie nthî, nîûndû wa ûrîa ciarûgarûgaga na vinya.