Jeremia 46:6 - ÎVUKU RÎA ÛVORO MWARO

⁶ Arîa marî îvenya mativotaga kûûra, wana athigari njamba matingîvota kwîthara, mwena wa rûgûrû wa rûnjî rwa Farati, nîavîngîce na makagwa.

Jeremia 46:6 ပူးပေါင်းရင်းမြစ်များ

2Atha 23:29

Vîndî wa îo Josia aarî mûthamaki, Neko, mûthamaki wa Misiri nîwathiîre rûnjîrî rwa Farati gûtethereria mûthamaki wa Asîria. Mûthamaki Josia nîwathiîre kûrûa nake; nwatî mûthamaki Neko nîwamûragîre mbaararî kûu Megido.

2Atha 24:7

Mûthamaki wa Misiri ndaauma rîngî vûrûrirî wake, nîûndû mûthamaki wa Babuloni nîwocete vûrûri wonthe ûrîa warî wa mûthamaki wa Misiri, kuuma karûnjîrî ka Misiri nginya rûnjîrî rwa Farati.

Thaburi 27:2

Rîrîa andû arîa acûku mantharîkîra makîenda kûmbûraga, mavîngagwa na makagwa.

Mûvunjia 9:11

Nînacokire ngîmenya ûndû wîngî atî gûkû nthî andû arîa marî îvenya mativootanaga îvenyarî vîndî cionthe, na arîa marî vinya mativootanaga mbaararî vîndî cionthe. Andû arîa aûgî matinyitaga kîrîa mendaga vîndî cionthe, andû arîa aûgî matitongaga, nao andû arîa marî ûmenyo matinenevagua maûndûrî. Maûndû macûku maûkaga kûrî andû onthe.

Isaia 8:15

Andû eengî nîmakaavîngwa; nîmakaagwa na maunîkange. Nîmakaanyitwa nî mûtego ûcio na mathiîwe nao.”

Jeremia 1:14

Ngai-Mûnene nîwacokire akîmbîra atî, mûthiro nîûkaarekererua kuuma mwena wa rûgûrû ûkinyîre andû onthe arîa matûûraga vûrûrirî ûyû.

Jeremia 20:11

Nwatî we Ngai-Mûnene ûrî vamwe nanie, kûrî nie we ûrî mûthigari njamba ya kûmakania; kwoguo arîa manyariraga matikamvoota, nîmagaconoka mûno nîûndû matikavootana. Gîconoko Kîamo nîgîtûûra tene na tene gîtikariganîra.

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 4:6

Igani kîmenyithia njîrarî ya Zayuni! Vinyûrani mwîgitîre! Mûtigacererwe! Ngai-Mûnene nîakûrete mûthiro kuuma mwena wa rûgûrû, na gûcûkangua kûnene.

Jeremia 46:10

Mûthenya ûcio nî wa Ngai-Mûnene Mwene Vinya Wonthe, nî mûthenya wa kwîrîvîrîria; mûthenya wa kwîrîvîrîria kûrî nthû ciake. Rûviû nîrûkamathiria na rwîganîre, na rûnyue nthakame yao rûvae. Nîûndû Ngai-Mûnene mwene vinya arî na îgongoona, kûu mwena wa rûgûrû vakuvî na rûnjî rwa Farati.

Jeremia 46:12

Mavûrûri nîmeguîte gîconoko kîenyu, na nthî îcûrîtwe nî kîrîro kîenyu; nîûndû athigari njamba maravîngîcana o ene kwa ene; onthe vamwe nîagwîu.

Jeremia 46:16

Andû engî nîmaavîngirwe na makîgwa, nao nîmeeranire o ene atî: ‘Ûkîrani tûcoke kûrî andû etû, vûrûrirî wetû kûrîa twaciarîrwe, tûrîre mbaara ya nthû cietû.’

Jeremia 50:32

Ûrîa mwîtîi nîakaavîngwa na agwe nthî, gûtirî mûndû ûkamûtethia kûrûngama, na nîngaakia mwaki matûûrarî ma Babuloni, naguo nîûkavîvia kîndû kîonthe kîrî vakuvî naguo.”

Jeremia 6:1

Mue andû a Benjamini, ûrani mûkegitîre! Ûrani mume Jerusalemu! Vuvani karumbeta mûrî Tekoa; na mwonanie rûûri rwa ûgwati kûu Bethi-hakeremu! Nîûndû ûndû mûcûku na mwanangîko kuuma mwena wa rûgûrû nîûkîte.

Danieli 11:19

Nî akaagarûrûka acoke vûrûrirî wake ûrîa mwirigîre na rûthingo rwa vinya, nwatî nî akaavootwa na ndakeguîka rîngî.

Danieli 11:22

Athigari a mbaara arîa makaaregana nake, wana ethîrwa nî mûthînjîri-Ngai mûnene; nî makaaûragwa mathirue viû.