Jeremia 46:5 - ÎVUKU RÎA ÛVORO MWARO

⁵ “Nwatî nîndûî nîrona? Nîmacokete na vuva. Njamba ciao cia mbaara nî mvoote, na makaûra na îvenya, wana matiraroria na vuva. Guoya wîcûrîte kûndû kuonthe. Ûguo nîguo Ngai-Mûnene arauga.

Jeremia 46:5 ပူးပေါင်းရင်းမြစ်များ

Kîam 19:17

Nîmaacokire makîmeera atîrî, “Vinyûrani mwîvonokie! Mûtikarorie vuva kana mûrûngama wanarî vandû Kîamndarî. Vinyûrani na kûu irîmarî nîguo mûtikaûragwe.”

Isaia 13:8

Nîmakegua guoya na ruuo, megue ruuo ta rwa mûndûmûka akîgîa mwana. Makaaroranagia wa mûndû amakîtue nî ûrîa wîngî, namo mothiû mao makethîrwa mecûrîtwe nî nthoni.

Isaia 19:16

Mûthenya ûcio andû a Misiri nîmakegua guoya ta aka, mainaine nî guoya rîrîa makoona Ngai-Mûnene mwene vinya wonthe aûkîrîrîtie njara yake nîguo amaverithie.

Isaia 42:17

Arîa onthe mevokete mîvuanano, arîa metaga mîvuanano ya kumua ngai ciao, nîmagaacokithua na maconorithue.”

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Jeremia 20:10

Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Jeremia 46:15

Apisi ngai yaku yavinyûrire nîkî? Ndegwa yaku îrîa îrî vinya yagwîre nîkî? Nîûndû Ngai-Mûnene nîwamîgwîthirie nthî!

Jeremia 46:21

Wana athigari ake a gûkomborwa, nîta njaû noru; wanao nîagarûrûku makavinyûra vamwe, matiavota kûmîrîria, nîûndû mûthenya wao wa gûcûkangua nî mûkinyu, îvinda rîao rîa kûverithua nîrîkinyu.

Jeremia 49:29

Ocani magema mao na ndîthia ciao, wana mbathia na indo ciao cionthe; macuneni ngamîîra ciao na mûmeere atîrî, ‘Guoya wîcûrîte kûndû kuonthe!’

Jeremia 49:5

Taroria, nîngûmûretera maûndû ma kûmwîguithia guoya, kuuma kûrî andû onthe arîa mamûrigicîrîtie, namue nîmûkavinyûrua wa mûndû aûre njîra yake, na gûtikaagîa mûndû wa gûcokanîrîria arîa maaûrire. Ûguo nîguo nie Ngai-Mûnene nîrauga.

Jeremia 6:25

Tûtingîthiî mîgûndarî, kana tûthiîrîra varavararî, nîûndû nthû igwatîte indo cia mbaara, na guoya wîcûrîte kûndû kuonthe.”

Ezek 32:10

Andû eengî nîmakaamaka nîwe megua ûvoro ûcio, na athamaki ao mainaine nîûndû waku. Vîndî îrîa ngaatambûrûkia rûviû rwakwa, wa mûndû nîakeguîra ûtûûro wake guoya na agekara agîtetemaga.”

Ezek 39:18

Nîikaarîa nyama cia athigari njamba na inyue nthakame ya anene a nthî arîa makaaûragwa ta ndûrûme, tûgondu, mbûri kana ndegwa irîa noru cia Bashani.

Nahumu 2:8

Nineve îkariî ta îria rîrî rîomomoku, andû nîmarauma kuo makaûra. Maugagîrîria atîrî, “Rûngamani! Rûngamani!” Nwatî gûtirî ûcokaga vuva.

Nahumu 2:9

Tavani sîlûva! Tavani thaavu! Mûthithû wayo ndûrî mûthiia; kûrî na wîngî wa indo cionthe cia goro.

Zefania 1:14

Mûthenya mûnene wa Ngai-Mûnene nîûkuvîvîrie, ûrî vakuvî na ûraûka narua mûno. Mûgambo wa mûthenya wa Ngai-Mûnene nî mûrûrû mûno, athigari arîa aûmîrîru mûno nîmakaarîra na mûgambo mûnene.