Jeremia 46:22 - ÎVUKU RÎA ÛVORO MWARO

²² Misiri îrutaga mûgambo ta wa njoka, nîûndû nthû ciake imûthithûkagîra na vinya, imûthithûkagîra na mathanwa ta atemi a mîtî.

Jeremia 46:22 ပူးပေါင်းရင်းမြစ်များ

Isaia 29:4

Nîûgaatungumanua nthî kûndû kûraca; nîûkaaruta mûgambo kuuma rungu rwa mûthetu, nîûkaarutaga mûgambo ûrî rungu rwa mûthetu, mûgambo waku ûkaaumaga na kûu mûtheturî wîkariî ta mûgambo wa ngoma, na mûgambo waku ûkeguîkaga ûkîaria na kîvwe kuuma mûtheturî.

Isaia 14:8

Mîthithinda na mîtarakwe ya Lebanoni nîîrakena, îrakenerera kûgwa kwa mûthamaki îkiugaga atî, ‘nîûndû rîu nîûgwîthîtue, gûtirî mûndû ûgaaûka gûtûtema!’

Zakaria 11:2

Mue mîthithinda, rîrani nîûndû mîtarakwe nîmîgwîu nthî, mîtî îrîa îrî riiri nîmiunangîku. Mue mîvuru ya Bashani rîrani, nîûndû mîtî ya mûtitû ûrîa mûnene nîîragwîthua!

Mika 7:16

Nacio ndûrîrî ciona maûndû mau nîigaaconoka, wana ethîrwa marî na vinya. Nîmakaanyitwa nî kîmako na makunîke tûnyua twao na makire ta andû mategucaga.

Mika 1:8

Nîûndû wa ûguo nîngûrîra na njakae; nînthiî nîrî njaga na ndarî iratû. Nîndîra ta Kîamthi, na ndîre ta nyaga.

Isaia 37:24

We nîwathekerere Mwathani na njîra ya ndungata ciaku, na ûkiuga atî, nîndwîte irîma irîa ndaca na ikaari ciakwa nyîngî cia mbaara, nginya ngakinya gacûmbîrî ka Lebanoni. Nînakindire mîtarakwe îrîa mîraca mûno, na mîthithinda yakuo îrîa mîaro mûno; nînginyîte mîthiia ya Lebanoni kûrîa kûraca mûno, na ngakinya kûrîa mûtitû ûrumîrîte.

Isaia 10:15

Îthanwa nwa rîtîîre mûndû ûrîa ûrarîtûmîra? Mûcumano nwa wîneneverie mûndû ûrîa ûtinagia naguo? Nîkwa rûthanju rûngîambararia mûndû ûrîa ûrûkagîrîria, kana mûragi ûkîrîrie mûndû ûrîa ûûtûmagîra!”

Josh 9:21

Tigana nao matûûre mwoyo, nwatî nwanginya matuunagîre ngû na matûtavagîre manjî.” Ûguo nîguo atongoria a Isiraeli maaugire.

Thaburi 74:5

Ciekariî ta andû marî mûtitûrî magîkinda mîtî na mathanwa mao.

Jeremia 46:21

Wana athigari ake a gûkomborwa, nîta njaû noru; wanao nîagarûrûku makavinyûra vamwe, matiavota kûmîrîria, nîûndû mûthenya wao wa gûcûkangua nî mûkinyu, îvinda rîao rîa kûverithua nîrîkinyu.

Jeremia 46:23

Nîmagaatema mûtitû wake wana ethîrwa ndûngîtonyeka, nîûndû o nî eengî gûkîra ngige matingîtarîka. Ûguo nîguo nie Ngai-Mûnene nauga.