Jeremia 46:18 - ÎVUKU RÎA ÛVORO MWARO

¹⁸ Wata ûrîa nie Mûthamaki ndûûraga mwoyo, nie Ngai-Mûnene mwene vinya wonthe, nthû nîgaûka kûmûtharîkîra, ta Taboru gatagatî ka irîma, na ta kîrîma gîa Karimeli kîrî rûtere rwa îria.

Jeremia 46:18 ပူးပေါင်းရင်းမြစ်များ

Thaburi 89:12

Nîwe waûmbire mwena wa rûgûrû wana mwena wa îveti, kîrîma gîa Taboru na gîa Herimoni nîirakwinîra na gîkeno.

Isaia 47:4

Rîîtwa rîa mûkûri wetû nî Ngai-Mûnene mwene vinya wonthe, Ûrîa Mûtheru wa Isiraeli.

Isaia 48:2

Kûnarî ûguo mwîtîîaga mûgîîtanagia na îtûûra rîtheru, na mugaga atî mwîvokaga Ngai wa Isiraeli, ûrîa rîîtwa rîake nî Ngai-Mûnene mwene vinya wonthe.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 10:16

Ngai wa Jakovu ndavana ta cio, nîûndû nîke waûmbire indo cionthe, na nîathuurîte Isiraeli matuîke andû ake, Ngai-Mûnene mwene vinya wonthe nîrîo rîîtwa rîake.

Jeremia 4:13

Taroria nthû yûkîte ta matu, ikaari ciake cia mbaara nîta rûkûngi rûnene; mbarathi ciake irî na îvenya gûkira nderi, kaî tûrî na thîna-î, tûrî athirie!

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 44:26

Kwoguo ta thikîrîriani kiugo Kîam Ngai-Mûnene mue andû Juda na mûtûûraga vûrûri wa Misiri: nevîta na rîîtwa rîakwa rînene atî, ndigetîkîria mûndû wana ûmwe gatagatîrî kenyu evîta na rîîtwa rîakwa akiugaga atî, ‘wata ûrîa Ngai-Mûnene atûûraga mwoyo.’

Jeremia 48:15

Mûcûkangia wa Moabu na matûûra make nîwakinya, anake ake arîa aro nîmaûragwa. Nîguo nauga nie mûthamaki ûrîa wîtagwa Ngai-Mûnene mwene vinya wonthe.

Jeremia 51:17

Mûndû wa wonthe nî mûritu na ndarî ûmenyo, mûturi wa indo cia thaavu aconorithagua nî indo ciake; nîûndû mîvuanano îo arûthaga tî ya ma, na ndîrî mwoyo.

Jeremia 51:57

Nîngûtûma anene na andû arîa aûgî akuo marîwe nî njovi; wa vamwe na athani athigari a mbaara na atongoria ao, onthe makamama toro matagaûkîra tene na tene. Ûguo nîguo nie Mûthamaki ûrîa wîtagwa Ngai-Mûnene mwene vinya wonthe nauga.”

Amosi 4:13

Ngai nîke waûmbire irîma na akîûmba mvuvo. Nîke ûmenyithagia mûndû meciria make, na nîke ûtûmaga mûthenya ûtuîke ûtukû. Athiîcagîrîra nthî kûrîa gûtûgîru. Rîîtwa rîake nî Ngai-Mûnene, Mwene vinya wonthe.

Malaki 1:14

Kûgwatwa nî kîrumi nî mûndû ûrîa wîranagîra na njîra ya mwîvîtwa atî nîakûndutîra îgongoona rîa nyamû ntheru kuuma ndîthiarî yake, nwatî agacoka akandutîra nyamû îrî na wonje. Taroria, nie nî mûthamaki mûnene, Ngai-Mûnene mwene vinya wonthe na andû a mavûrûri monthe nîmagoocaga rîîtwa rîakwa.”

Mathaayo 5:35

kana wîvîte na nthî, nîûndû îo nîyo njûng'wa îrîa aigagîrîra magûrû make. Ndûkanevîte na Jerusalemu nîûndû rîu nîrîo îtûûra rîa Mûthamaki mûnene.

1Tim 1:17

Mûthamaki ûrîa ûtûûraga tene na tene, ûrîa ûtathiraga na ûtonekaga na nwake Ngai tu, arotîîwa na agakumua tene na tene! Ameni.

Josh 12:22

Îtûûra rîa Kedeshi, Jokineamu rîrîa rîrî Karimeli,

Josh 19:22

Mûvaka nîwacokete ûkanyita Taboru, Shahazuma na Bethi Shemeshi na ûkathirîra rûnjîrî rwa Jorodani. Mau maarî matûûra manene îkûmi na matandatû wa vamwe na icagi irîa ciarî vakuvî namo.

Atir 4:12

Rîrîa Sisera aamenyire atî Baraki mûvîcî wa Abinoamu nîmûthiîu kîrîmarî gîa Taboru,

Atir 4:6

Nîwatûmanire Baraki mûvîcî wa Abinoamu wa îtûûra rîa Kadeshi vûrûrirî wa Nafutali na akîmwîra atîrî, “Ngai-Mûnene, Ngai wa Isiraeli akwathîte atîrî, ‘Thiî woce arûme ngiri îkûmi kuuma mîvîrîgarî ya Nafutali na Zebuluni na ûmatongorie mûthiî kîrîmarî gîa Taboru.