Jeremia 46:14 - ÎVUKU RÎA ÛVORO MWARO

¹⁴ “Anîrîra vûrûrirî wa Misiri, na ûmenyithanie kûu Migidoli, anîrîra kûu Memufisi na Tahipanesi. Meere atî: ‘Îkarani mwîvarîrîtie, nîûndû mbaara nîgaacûkangia kûndû kuonthe.’

Jeremia 46:14 ပူးပေါင်းရင်းမြစ်များ

2Sam 2:26

Abineri nîwetire Joabu na akîmûria atîrî, “Nîkwa tûgûtûûra tûrûaga tene na tene? Nîkwa ûtaramenya atî mûthiiarî gûtikethîrwa kûrî na umithio tiga marûrû matheri? Tûrî a îthe ûmwe. Nîkwa ûgakaania andû aku matige gûtûvinyûria rî?”

Ntha 14:2

“Îra andû a Isiraeli magarûrûke macoke vuva makambe magema mao mbere ya Pi Hahirothu gatagatî ka Migidoli na Îria Îtune vakuvî na Baali-zefoni.

Isaia 1:20

Nwatî mwatuîka nthande na mûregane nanie, nîmûkaaûragwa na rûviû. Nînie Ngai-Mûnene naria.”

Isaia 19:13

Atongoria a Zoani nî aritu, na atongoria a Memufisi nîaveenie; magîrîrwe nî gûtongoria andû, nwatî nîmavîtithîtie vûrûri wa Misiri.

Isaia 31:8

Vîndî îo Asîria makaaûragwa na rûviû na tî rwa mûndû; makaathirua na rûviû rwa vinya gûkîra rwa mûndû, nao nîmakaaûra nî rûviû rûu, na anake ao arîa ethî nîmakaarutithua wîra na vinya.

Isaia 34:6

Ngai-Mûnene arî na rûviû na rwîcûrîte nthakame, nî rûvake maguta, na rûrî na nthakame ya ng'ondu na ya mbûri, na maguta ma mbigo cia ndûrûme. Nîûndû Ngai-Mûnene arî na îgongoona kûu Bozira, nîakaaûraga andû eengî mûno kûu vûrûrirî wa Edomu.

Jeremia 12:12

Îgûrû rîa irîma cionthe werûrî, andû arîa manjûkangagia nî akinyu, nîûndû rûviû rwa Ngai-Mûnene nîrûgûcûkangia vûrûri wonthe, kuuma mwena ûmwe wa vûrûri nginya ûrîa wîngî, gûtirî mûndû ûgaatûra na thayû.

Jeremia 2:16

Îgûrû rîa ûguo andû a Memufisi na Tahifanihesi, nîmaunangîte nthûmbî yake.

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 44:1

Kiugo Kîam Ngai-Mûnene nîgîakinyire kûrî Jeremia kîgiî Ayahudi onthe arîa maatûûraga Misiri matûûrarî ma Migidoli, Tahifanihesi, Memufisi na gîcunjî Kîam Pathirosi.

Jeremia 46:10

Mûthenya ûcio nî wa Ngai-Mûnene Mwene Vinya Wonthe, nî mûthenya wa kwîrîvîrîria; mûthenya wa kwîrîvîrîria kûrî nthû ciake. Rûviû nîrûkamathiria na rwîganîre, na rûnyue nthakame yao rûvae. Nîûndû Ngai-Mûnene mwene vinya arî na îgongoona, kûu mwena wa rûgûrû vakuvî na rûnjî rwa Farati.

Jeremia 46:19

Mue atûûri a Misiri, varîriani mîrigo yenyu nîguo mûthiî îthamîriorî! Nîûndû îtûûra rîa Memufisi nîrîgacûkangua viû, rîgaatuîka îganjo kûndû gûtatûûragwa nî andû.

Jeremia 46:2

Ûvoro wîgiî Misiri: aaugire atî, athigari a mbaara a mûthamaki wa Misiri arîa marî vakuvî na Karikemishi vakuvî na rûnjî rwa Farati, arîa Nebukadinezarû mûthamaki wa Babuloni aavotire mwakarî wa kana wa wathani wa Jehoiakimu mûvîcî wa Josia, mûthamaki wa Juda. Ngai-Mûnene augîte atîrî:

Ezek 21:28

“We mûndû, ratha ûvoro wîgiî andû a Aamoni nîûndû wa rûmena rûrîa mamûmenete uge Ngai-Mûnene augîte atî, rûviû rwa njûra, rûviû nîrûcomoretwe nîguo rûragane. Rûtheretue mûno nîguo rûvenie ta rûveni.

Ezek 30:13

Ngai-Mûnene Ngai arauga atîrî, “Nîngaacûkangia mîvuanano na njûkangie ngai cia maveeni irîa igoocagwa îtûûrarî rîa Mefisi. Gûtikaagîa na mûthamaki rîngî kûu Misiri, na nîngaatûma andû a vûrûri ûcio mecûrwe nî guoya.

Hosea 9:6

Rîrîa mûkaûrîra gûcûkangua kwa vûrûri wenyu, nîmûkaagwatwa ûgeni Misiri, nwatî mûkathikwa Memufisi. Igîîna cienyu cia sîlûva igecûra mavûngo, mîgua îgecûra magemarî menyu.

Nahumu 2:13

“Taroriani, Nie Ngai-Mûnene mwene vinya wonthe, nîngûrûa namue: nîngûvîvia ikaari icio cienyu cia mbarathi, athigari enyu nîmakaaûragîrwa mbaararî, na nîngoca indo cionthe irîa mwocire kuuma kûrî andû engî. Mûgambo wa anjaama enyu ndûkeguîka rîngî.”

Gûco 32:42

Nîngaatûma mîguî yakwa înyue nthakame. Rûviû rwakwa rûrîe nyama, na rûconjwe nî nthakame ya andû arîa aûrage na mîgwate, na nthû irîa irî njuîrî ndaca.