Jeremia 45:1 - ÎVUKU RÎA ÛVORO MWARO

¹ Ino nîcio ciugo irîa mûrathi Jeremia aaririe mwaka wa kana vîndî ya wathani wa Jehoiakimu mûvîcî wa Josia, nake Baruku mûvîcî wa Neria nîwandîkaga ciugo icio îvukuurî.

Jeremia 45:1 ပူးပေါင်းရင်းမြစ်များ

2Atha 24:1

Vîndî wa îo Jehoiakimu aarî mûthamaki, Nebukadinezarû, mûthamaki wa Babuloni nîwatharîkîre Juda, na Jehoiakimu agîtuîka ndungata yake îvinda rîa mîaka îthatû (3). Nîwacokire akîregana nake.

2Maû 36:5

Jehoiakimu aatuîkire mûthamaki wa Juda arî na ûkûrû wa mîaka mîrongo îîrî na îtano (25) na nîwathanire arî Jerusalemu îvinda rîa mîaka îkûmi na ûmwe (11). Nîwekire maûndû macûku mbere ya Ngai-Mûnene, Ngai wake.

Jeremia 25:1

Mwaka wa kana, Jehoiakimu mûvîcî wa Josia arî mûthamaki wa Juda, Ngai-Mûnene nîwavere Jeremia ndûmîrîri îgiî andû a Juda. Vîndî îo kwarî mwaka wa mbere wa Nebukadinezarû arî mûthamaki wa Babuloni.

Jeremia 26:1

Vîndî îrîa Jehoiakimu mûvîcî wa Josia ûrîa warî mûthamaki wa Juda ambîrîrie kwathana, Ngai-Mûnene nîwerire Jeremia atîrî,

Jeremia 32:12

Nînanenganîre maarûa îo ya ûgûri wa mûgûnda kûrî Baruku mûvîcî wa Neria; Neria ararî mûvîcî wa Mahiseia. Namûnengeere maarûa îo mbere ya Hanameli mûvîcî wa mama, na mbere ya aira aîrî arîa meekîrîte kîrore maarûarî îo ya kûgûra mûgûnda na mbere ya Ayahudi onthe arîa maarî vau nja ya kîvaro Kîam arangîri.

Jeremia 32:16

Vuva wa kûnengera Baruku mûvîcî wa Neria maarûa cia kûgûra mûgûnda nînavoire ngiuga atîrî,

Jeremia 36:1

Mwaka wa kana Jehoiakimu mûvîcî wa Josia arî mûthamaki wa Juda, kiugo Kîam Ngai-Mûnene nîgîakinyîre Jeremia akîrwa atîrî,

Jeremia 36:2

“Oca îvuku rîa gîkûnjo na wandîke maûndû monthe marîa nakwîrire megiî Isiraeli, Juda, na mavûrûri monthe, kuuma rîrîa nambîrîrie kwaria nawe, Josia arî mûthamaki nginya ûmûnthî.

Jeremia 36:26

Mûthamaki nîwathire mûvîcî Jerahimeeli, Seraia mûvîcî wa Azirieli na Shelemia mûvîcî wa Abideli manyite Baruku mwandîki, na mûrathi Jeremia, nwatî Ngai-Mûnene nîwamathithire.

Jeremia 36:32

Jeremia nîwacokire agîoca îvuku rîngî rîa gîkûnjo na akîrînengera Baruku ûrîa mwandîki, na akîandîka maûndû monthe marîa Jeremia aamwîraga. Nîwandîkire maûndû monthe marîa mandîkîtwe îvukuurî rîa mbere rîa gîkûnjo rîrîa Jehoiakimu mûthamaki wa Juda aavîvirie na mwaki. Ciugo ciîngî wata irîa ciarî îvukuurî rîa mbere nîciongereerwe.

Jeremia 36:4

Jeremia nîwacokire agîîta Baruku mûvîcî wa Neria na akîmwîra andîke îvukuurî rîa gîkûnjo maûndû monthe marîa Ngai-Mûnene aamwîrîte.

Jeremia 45:2

Ngai-Mûnene Ngai wa Isiraeli arakwîra we Baruku,

Jeremia 46:2

Ûvoro wîgiî Misiri: aaugire atî, athigari a mbaara a mûthamaki wa Misiri arîa marî vakuvî na Karikemishi vakuvî na rûnjî rwa Farati, arîa Nebukadinezarû mûthamaki wa Babuloni aavotire mwakarî wa kana wa wathani wa Jehoiakimu mûvîcî wa Josia, mûthamaki wa Juda. Ngai-Mûnene augîte atîrî:

Jeremia 51:59

Mwaka wa kana wa wathani wake, Zedekia mûthamaki wa Juda nîwathiîre Babuloni vamwe na mûnene wa athigari ake wîtagwa Seraia mûvîcî wa Neria. Neria aarî mûvîcî wa Mahaseia. Nie Jeremia nînagîre na kanya ga kwîra Seraia ndûmîrîri îno.

Danieli 1:1

Mwaka wa kathatû Jehoiakimu arî Mûthamaki wa Juda, Nebukadinezarû, Mûthamaki wa Babuloni nîwatharîkîre îtûûrarî rîa Jerusalemu na akîrîthiûrûrûkîria.