Jeremia 44:7 - ÎVUKU RÎA ÛVORO MWARO

⁷ “Na rîu Ngai-Mûnene, Ngai mwene vinya wonthe, Ngai wa Isiraeli arakûûria atî: Nîndûî gîtûmîte mwîreterera maûndû macûku ûguo, na mwîcûkangia mue ene? Gûtirî mûndû wanarî ûmwe wenyu ûtigarîte Juda, mûndûmûrûme kana mûndûmûka, ngenge na ciana.

Jeremia 44:7 ပူးပေါင်းရင်းမြစ်များ

Nthi 1:18

Nwatî andû ta acio methithagîra andû, meyûragaga o ene, meyovagîra o ene na makeyûraga.

Nthi 15:32

Mûndû ûrîa ûregaga gûtaarwa enyararaga ke mwene, nwatî mûndû ûrîa wîtîkagîra kûrutwa mavîtia nîagîcaga na ûmenyo.

Nthi 5:22

Mevia ma mûndû ûrîa mwaganu mamûnyitaga ta mûtego, na anyitagwa nîguo wa akîvagia.

Nthi 8:36

Nwatî arîa matamonaga metivagia o ene, arîa mamenete nîmendete gîkuû.”

Jeremia 25:6

Mûtikarûmîrîre ngai ciîngî mûigooce kana mûitungatîre, wana kana mûndakarie nîûndû wa kûgooca mîvuanano îrîa mwerûthîre na njara cienyu. Mwathîkîra Ngai-Mûnene, ke ndakaamûverithia.

Jeremia 25:7

Kûnarî ûguo, Ngai-Mûnene arauga atî mue nîmwaregire kûmûthikîrîria. Nîmwamûrakaririe nîûndû wa mîvuanano îrîa mwerûthîîre na mûkîîretera thîna mue ene.”

Jeremia 26:19

“Mûthamaki Hezekia wa Juda na andû onthe a Juda nîmaamûragire? Kinthî tîkwa Hezekia etigîre Ngai-Mûnene na agîcaria wendi wake nake Ngai-Mûnene akîricûkwa gwîka maûndû macûku marîa augîte nîakûmeka? Nwatî tue nîkwa tûregîrîra ûndû mûcûku mûno.”

Jeremia 3:24

Nwatî kuuma tûrî andû ethî, ûndû ûyû wa gîconoko nîûcûkangîtie indo cionthe irîa methe metû maacaririe na nthithina: ng'ondu, ng'ombe anake ao na erîtu ao.

Jeremia 38:17

Jeremia nîwacokire akîra Zedekia atîrî, “Ngai-Mûnene Ngai wa Isiraeli augîte atî, ûngîtîkîra we mwene kwîvecana kûrî atongoria a mûthamaki wa Babuloni, nîûkwîvonokia we mwene na ûvonokie îtûûra rîîrî rîtikavîvue na mwaki, na we vamwe na andû a mûciî waku nîmûgûtûûra mwoyo.

Jeremia 42:20

namwîra atî mûrî aûru, na mûtûûrîre wenyu ûrî ûgwatirî nîûndû nîmwandûmire kûrî Ngai-Mûnene Ngai wenyu na mûkîmbîîra atî, ‘Tûvoere kûrî Ngai-Mûnene Ngai wetû, na ûrîa wonthe Ngai-Mûnene Ngai wetû akauga, nîtûgeka.’

Jeremia 44:14

Kwoguo gûtirî mûndû wanarî ûmwe wa arîa matigarîte Juda, na mathiîte gûtûûra Misiri, ûkavonoka kana atûûra mwoyo kana acoka vûrûrirî wa Juda kûrîa meriragîria gûcoka gûtûûra. Matigacoka kuo tiga andû amwe arîa matûûraga maûrûraga.”

Jeremia 44:8

Mûrandakaria nîkî mûkîgooca ngai irîa mwîrûthîrîte mue ene, na kûvîvîria ngai cia mîvuanano ûbani Misiri kûrîa mûraûkire gûtûûra? Mûrenda gwîcûkangia mue ene na gûtuîka kîrumi na gîconoko mbere ya mavûrûri monthe ma nthî?

Jeremia 51:22

Nîwe ndûmagîra kûraga arûme na aka, andû arîa akûrû na arîa ethî, wana tûvîcî na twîrîtu.

Jeremia 7:19

Nama, nînie mararakaria? Naarî, nî o ene marerakaria na makeretera gîconoko.

Jeremia 9:21

Nîûndû gîkuû nîgîtonyererete ndiricarî cietû, nîgîtonyete nyombarî cietû irîa mbaro, nîkîûragîrîte ciana njîrarî cia îtûûra, na gîkathiria andû ethî thokorî.

Maca 2:11

Metho makwa mecûrîtwe nî methori, ngoro yakwa nî nthînîku mûno, mwoyo wakwa ûrî na kîeva kîngî mûno nîûndû wa andû akwa gûcûkangua, nîûndû ciana irîa nini iragirîkîra mîcemaniorî ya matûûra.

Maca 2:22

Wetire nthû ciakwa kuuma mîena yonthe, nîmaûkire kûrî nie ta andû metîtwe kîrugorî; mûthenya ûrîa watumûkire na marakara, nthû ciaûragire ciana ciakwa, irîa njiarîte na ngarera.

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

Habakuku 2:10

Nwatî we nîwîreterete kînyûrûri mûciî gwaku, na njîra ya gûcûkanaia mavûrûri meengî, nîûcûkangîtie ûtûûro waku we mwene.

Ndari 16:38

Tûnyûngû tûu twa andû arîa maaûragirwe nîûndû wa wîvia wao nîtûturwe tûtuîke ikunîko cia metha ya kîgongoona, nîûndû nî twatuîkire tûtheru vîndî îrîa twavirirwe metharî ya kîgongoona. Kîu gîgaatuîka kîririkano kûrî andû a Isiraeli.”

Gûco 32:25

Nthû ciao nîikaamaûragîra vûrûrirî, na andû mecûrwe nî guoya mîciîrî yao. Anake na erîtu nîmakaaûragwa, ngenge na athuuri akûrû wanao nîmakaaûragwa.

Josh 6:21

Andû a Isiraeli nîmaaûragire andû onthe arîa maarî îtûûrarî arûme na aka, andû ethî wana arîa akûrû, ng'ombe, ng'ondu na mvunda. Maaûragire andû na nyamû icio na mviû.

Atir 21:11

Mûrage arûme onthe na aka onthe arîa matarî nthingi.”

1Sam 15:3

Rîu thiî na ûûrage andû onthe a Amaleki na ûcûkangie indo ciao cionthe viû. Ndûgatigarie wanarî kîndû: ûûrage arûme onthe, aka, ciana na tûkenge, ng'ombe, ng'ondu, ngamîîra na mvunda.”

1Sam 22:19

Saûlo nîwacokire akîathana atî andû onthe arîa matûûraga Nobu îtûûra rîa athînjîri-Ngai maûragwe. Arûme, aka, ciana na tûkenge, ng'ombe, mvunda na ng'ondu; cionthe nîciaûragirwe.