Jeremia 44:6 - ÎVUKU RÎA ÛVORO MWARO

⁶ Kwoguo nînakanirwe mûno nî marakara na mang'ûrîka na ngîmetûrûra matûûrarî ma Juda na njîrarî cia Jerusalemu. Nakuo gwatuîkire maganjo, kûndû gûtatûûragwa nî andû nginya ûmûnthî.

Jeremia 44:6 ပူးပေါင်းရင်းမြစ်များ

Isaia 1:7

Vûrûri wenyu nî mûcûkangie, namo matûûra menyu makavîvua na mwaki. Ageni maregwatîra vûrûri wenyu wa mûkîonaga, na magacûkangia indo cionthe.

Isaia 51:17

Ûkîra, ûkîra, rûngama, we Jerusalemu! We ûnyuithîtue nî Ngai-Mûnene gîkombe Kîam marakara make, we ûkînyuîte nginya wakîthiria, wanyinyûkîrîrie mbakûri na îgîtûma ûtûgûge.

Isaia 51:20

Ciana ciaku nî ngirîku, mamamîte nthî ndeererî cia njîra cionthe, ta nthwariga înyitîtwe nî mûtego. Nîanyite nî marakara ma Ngai-Mûnene, nîanyite nî îvera rîa Ngai wenyu.

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Jeremia 21:12

Mue andû a nyomba ya Daudi! Ngai-Mûnene arauga atîrî: Tucagani ciira na kîvooto mîthenya yonthe, na onthe arîa macunîtwe indo ciao ûmavonokie, kuuma kûrî arîa mamavinyagîrîria. Ethîrwa tîmwîka guo marakara makwa nîmakana ta mwaki ûrîa ûtavorekagia, nîûndû wa maûndû menyu macûku marîa mwîkaga.”

Jeremia 21:5

Nie mwene nîngarûa nawe na vinya wakwa wonthe, nîrî na marakara, mang'ûrîka na ûrûrû mwîngî.

Jeremia 34:22

Tathikîrîria, nie Ngai-Mûnene nîngaatha mûthamaki wa Babuloni na athigari ake na nîngamacokia îtûûrarî rîîrî. Nîmakaarîtharîkîra, marîtave na marîvîvie na mwaki. Nîngatûma matûûra ma Juda matuîke maganjo na kûndû gûtatûûragwa nî andû. Nie Ngai-Mûnene nînie nauga ûguo.”

Jeremia 36:7

Nwa kwîthîrwa Ngai-Mûnene nwa egue mathaithana mao, na atî mûndû wa wonthe nwa atigane na mevia make, nîûndû Ngai-Mûnene nîakûverithia andû aya arî na marakara na mang'ûrîka meengî.”

Jeremia 4:27

Ngai-Mûnene arauga atîrî, “Vûrûri wonthe ûgaatuîka ta werû, nwatî ndigaûcûkangia viû.

Jeremia 4:4

Mue andû a Juda na atûûri a Jerusalemu, îtherieni mûrî mbere yakwa nie Ngai-Mûnene, igani ngoro cienyu îrî ntheru mûrî mbere yakwa. Ethîrwa tî mwîka ûguo nîmbakanwa nî marakara, na gûtirî mûndû ûngîmavoria, nîûndû wa maûndû macûku marîa mwîkaga.”

Jeremia 42:18

“Ngai-Mûnene mwene vinya wonthe, Ngai wa Isiraeli arauga atî: wata ûrîa marakara na mang'ûrîka makwa makinyîre andû arîa matûûraga Jerusalemu, nwa ta guo marakara makwa makamûkinyîra, ethîrwa nîmûkûthiî Misiri. Mûgaatuîka ta kîndû gîa kûmenwa, kîndû gîa kûmakania, kîrumi, na gîconoko. Mûtikona gûkû tûrî rîngî.”

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Jeremia 7:17

Nîkwa ûtarona ûrîa mareka matûûrarî ma Juda na ma Jerusalemu?

Jeremia 7:20

Kwoguo nie Mwathani Ngai nîrauga atî: rîu nîngwîtûrûra marakara makwa manene gûkû na makinyîre andû na nyamû cia kîthaka mîtî na mîmera yonthe ya nthî. Marakara makwa magaakana ta mwaki ûtangîvoreka.”

Jeremia 7:34

Na kûu matûûrarî ma Juda na tûcîrarî twa Jerusalemu nîngatûma gûtikegue mûgambo wa kûthekania na wa gîkeno, mûgambo wa mûviki na mûvikania, nîûndû vûrûri wonthe ûgatwîka îganjo.”

Jeremia 8:3

Andû arîa maatigarire a rûrîrî rûrû rwaganu, arîa matûûraga kûrîa namanyaganirie nîmakerirîria gûkua gûkîra gûtûûra mwoyo, ûguo nîguo Ngai-Mûnene, mwene vinya wonthe arauga.”

Maca 1:1

Îtûûra rîrîa rîecûrîte andû kaî rîrî na îvooru î! Nîrîatîîtwe nî mavûrûri, nwatî rîu rîkariî ta mûka wa ndigwa, mbere rîarî mwarî wa mûthamaki, rîu rîtuîkîte ngombo.

Maca 1:13

“Nîwatûmire mwaki kuuma îgûrû ûrîa wamvîvirie mavîndî. Nîwambigîre mûtego na akînjokia vuva, nîwacokire akîndiganîria ngîtinda nîrî mûgirîku.

Maca 5:18

nîûndû kîrîma gîa Zayuni nîgîatiganîrue, rîu nî mbwe itûûraga kuo.

Ezek 20:33

Ngai-Mûnene arauga atîrî, “Wata ûrîa ndûûraga mwoyo, nîngaamwatha na vinya, na ûvoti wakwa wonthe nîrî na marakara.

Ezek 20:34

Nîngaamûruta kuuma kûrî ndûrîrî nîmûcokanîrîrie vamwe kuuma mavûrûrirî marîa mûnyaganîrîtie na nîngaamwonia vinya wakwa na ûvoti wakwa.

Ezek 24:13

Ciîko ciaku cia ûmaramari we Jerusalemu nîcio ikûgwatîtie mûgiro. Nageririe gûkûtheria ûkîrema. Kwoguo nîwîkara ûtarî mûtheru nginya rîrîa ûkegua ûrito wa marakara makwa.

Ezek 24:8

Nthakame îo meetûrûrire nîmîtigîte wa kûu îthigarî îtarî ngunîkîre nîguo mbakanwe nî marakara nîrîvîrîrie.”

Ezek 5:13

“Ûguo nîguo marakara makwa makaathira na mvorerie mang'ûrîka makwa kûrî o nîguo mbîganîre. Vuva wa ûguo nîmakaamenya atî nie Ngai-Mûnene nîmaverithîtie nîûndû wa kûrega gûtuîka evokeku kûrî nie.

Ezek 6:12

Arîa marî kûraca makarwara na makue. Arîa marî vakuvî makaaûragîrwa mbaararî, nake ûrîa ûkaavonoka maûndû mau maîrî akaaûragwa nî yûra. Ûguo nîguo ngaathiria marûrû makwa kûrî o.

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Danieli 9:12

Nîwavingirie maûndû marîa waugire nîûgaatwîka vamwe na athani etû. Nîwacûkangirie Jerusalemu gûkîra ûrîa wanacûkangia matûûra marîa mengî monthe ma nthî.

Alawi 26:28

nîngaaregana namue nîrî na marakara, na nîmûverithie maita mûgwanja nîûndû wa mevia menyu.

Alawi 26:31

Nîngaacûkangia matûûra menyu viû, njûkangie viû kûndû kûrîa mûgoocagîra na ndikaamûkîra magongoona menyu.

Nahumu 1:2

Ngai-Mûnene nî Ngai wî wîru; nîerîvagîrîria na arî marakara meengî, nîerîvagîrîa kûrî arîa mareganaga nake nîarakaraga nî nthû ciake.

Zakaria 1:2

“Nie Ngai-Mûnene nînaarakarire mûno nî methe menyu ma tene.

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Zakaria 7:14

Nînaamanyaganirie na njîra ta ya rûkûngi rûnene mavûrûrirî mataicî na magîtûûra kuo marî ageni. Vûrûri ûrîa maatigire watuîkire werû, na gûtirî mûndû wathiîcaga kana akauma kuo. Vûrûri ûcio mwaro gûtirî mûndû watûûrire kuo.”