Jeremia 44:4 - ÎVUKU RÎA ÛVORO MWARO

⁴ Mavinda meengî nînatûmire arathi ndungata ciakwa kûrî mue, ngîmwîra atî, ‘Mûtigeke maûndû mama macûku ûguo nthûrîte!’

Jeremia 44:4 ပူးပေါင်းရင်းမြစ်များ

2Maû 36:15

Ngai-Mûnene, Ngai wa methe mao nîwatûmanîte kûrî o maita meengî kûvîtûkîra kûrî anjaama ake, nîûndû nîwamegucagîra ntha wa vamwe na hekarû yake.

Nehemia 9:30

Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Nehemia 9:34

Athamaki etû, atongoria etû, athînjîri-Ngai etû, na methe metû matianathîkîra watho waku. Matiarûmîrîra maathani maku kana maûndû marîa wamakaanirie.

Jeremia 16:18

Nîngatûma marîve thirî wa mevia mao maita maîrî, nîûndû nîmagwatîtie vûrûri wakwa mûgiro na ngai cia mîvuano irîa itarî mwoyo na magecûria vûrûri wakwa na maûndû marî magigi.”

Jeremia 26:5

na mûthikîrîrie ciugo cia arathi ndungata ciakwa arîa mbîthîrîtwe ngîmûtûmîra vîndî wa vîndî, wana ethîrwa mûtiamathikîrîria,

Jeremia 29:19

Ngaameka ûguo nîûndû nîmaaregire kûthikîrîria ndûmîrîri yakwa îrîa namatûmagîra maita meengî na njîra ya arathi ndungata ciakwa, na makîrega kûnthikîrîria. Ûguo nîguo nie Ngai-Mûnene nîrauga.’ ”

Jeremia 32:33

Nîmamvuvatîrîte vandû va kûngarûrûkîra. Wana ethîrwa mbîthîrîtwe ngîmathomithia, nîmaregete kûnthikîrîria na kwathîkîra kîrîra gîakwa.

Jeremia 32:34

Nîmaaigire ngai cia mîvuanano hekarûrî îrîa ngoocagîrwa na makîmîgwatia mûgiro.

Jeremia 32:35

Nîmatumîte metha cia kîgongoona cia Baali Kîamndarî Kîam Hinomu, nîguo marutîre ngai ya Moleku anake ao na erîtu ao marî magongoona. Tînie namaathire meke ûguo, na ûndû ûcio ndûngîatonyire meciriarî makwa, atî nwa meke ûndû ta ûcio ûrî mûgiro wa gûtûma andû a Juda mevia.”

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 35:17

Kwoguo nie Ngai-Mûnene Mwene vinya wonthe Ngai wa Isiraeli nîrauga atî, nîngûretera andû a Juda na andû onthe a Jerusalemu maûndû monthe macûku marîa naririe îgûrû rîao, nîûndû nîmbarîtie nao na nîmaregete kûnthikîrîria; nînametire, nao matiambîtîka.”

Jeremia 7:13

Mue nîmwîkîte maûndû mama monthe, na mavinda meengî na namwarîrie na mûkîrega kûmbîgua, na namwîta mûkîrega kûmbîtîka.

Jeremia 7:17

Nîkwa ûtarona ûrîa mareka matûûrarî ma Juda na ma Jerusalemu?

Jeremia 7:18

Ciana ciunaga ngû, methe magakia mwaki, nao aa ng'ina magakanda mûtu wa kûruga mîgate ya ngai ya mûndûmûka îrîa metaga mûthamaki mûndûmûka wa îgûrû. Marutagîra ngai ciîngî matega ma ndivei, nîguo matûme ndakare.

Jeremia 7:25

Kuuma mûthenya ûrîa methe menyu maumire Misiri nginya ûmûnthî, ndwîre ndûmaga arathi, ndungata ciakwa kûrî o.

Ezek 16:36

Ngai-Mûnene arauga atîrî, “Nîwerutire nguo na ûgîtigwa ûrî njaga. Nîwenenganîre kûrî arîa maakwendaga na ûkîgooca mîvuano îo yaku, na ûkîruta ciana ciaku irî magongoona kûrî yo.

Ezek 16:47

Kûnarî ûguo we ndwaneganîra ûrûmîrîra mîtugo yao kana wîka ta ûrîa o meekaga maûndû marî na magigi. Takwa ûndû ûcio ûtaarî mûnene, we nîwatuîkire mûcûku mûno na ûkîmakîra onthe mîthiîrerî yaku.”

Ezek 18:31

Tecanîriani mevia marîa monthe mûmbîtîrîtie, na mûgîe na ngoro njerû na mwoyo mûcerû. Mue nyomba ya Isiraeli, mûngîkua nîkî?

Ezek 8:10

Nînatonyire ndaarî na ngîroria. Rûthingorî gwecûrîte mbica cia nyamû cionthe irîa ikurumaga na irî mûgiro na mîvuano îrîa andû a Isiraeli maagoocaga.

Danieli 9:6

Nîtûregete kwîgua arathi, ndungata ciaku arîa maaragîria athamaki etû, aathani, methe metû ma tene, na andû onthe a vûrûri na njîra ya rîîtwa rîaku.

Zakaria 7:7

Ndûmîrîri îo nîyo Ngai-Mûnene aamûkinyîîrie na njîra ya arathi arîa maarî kuo mbere. Vîndî îo îtûûra rîa Jerusalemu nîrîagaacîrîte na rîgatûûrwa nî andû eengî. Wanamo matûûra marîa maarigicîrîtie Jerusalemu, vûrûri wa mwena wa îveti, na vûrûri ûrîa ûrî nthî ya irîma nîgwatûûraga andû eengî.

1Pet 4:3

Mavinda mavîtûku mwîthîrîtwe mûgîka maûndû marîa andû arîa matetîkîtie Ngai meriragîria gwîka. Mûtûûrîte mûgîkaga maûndû ma ûra nthoni, mûrî na merirîria macûku, ûrîu, marugarî marîa matagîrîrîte ma waganu na mûgîkaga maûndû marî na nthoni ma kûgooca mîvuanano.