Jeremia 44:12 - ÎVUKU RÎA ÛVORO MWARO

¹² Nîndiga nona atî andû a Juda arîa matigarîte na arîa matuîte atî nîmathiî gûtûûra Misiri nîmathira onthe, anene na anini. Nîmakuîra gûkû Misiri, marî mbaararî na makue nî yûra. Nîmagaatuîka gîko, kîndû gîa kûmakania, kîrumi na gîconoko.

Jeremia 44:12 ပူးပေါင်းရင်းမြစ်များ

Isaia 1:28

Nwatî arîa mareganaga nake vamwe na evia nîmagacûkangua; na andû arîa mamûtiganagîria nîmakaaûragwa.

Isaia 65:15

Andû akwa arîa nthuurîte magaatûmagîra rîîtwa rîenyu rîrîa makwenda mûnyitwe nî kîrumi. Makaaugaga atî: ‘Nie Mwathani Ngai-Mûnene nîngûmûraga.’ Nwatî nîngaava ndungata ciakwa rîîtwa rîcerû.

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 18:16

Nîmatûmîte vûrûri wao ûtuîka kîndû gîa kûmakania, ûtuîke kîndû gîa kûnyararwa tene na tene. Andû onthe arîa mavîtûkagîrîra vakuvî naguo, mamakaga makainainia ciongo ciao.

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Jeremia 26:6

nîngacoka mbîke hekarû îno ta ûrîa nekire Shilo, na nîngatûma îtûûra rîîrî rîtuîke kîrumi kûrî mavûrûri monthe ma nthî.’ ”

Jeremia 29:18

Nîngamarûmîrîria na mbaara, yûra na mîrimû na ndûme mothamaki monthe ma nthî mamakage mamoona. Nîmagaatuîka kîrumi, na meguithie andû guoya, macivagwe na manyararagwe nî mavûrûri monthe kûrîa namanyaganirie.

Jeremia 29:22

Na nîûndû wa maûndû mau makamanyita, andû onthe arîa maathamîrue Babuloni kuuma Jerusalemu nîmakaagwetaga ciugo ino rîrîa makûrumana: Ngai-Mûnene aromwîka ta ûrîa ekire Zedekia na Ahabu, arîa mûthamaki wa Babulonia avîvirie na mwaki.

Jeremia 42:1

Atongoria onthe a athigari a mbaara, Johanani mûvîcî wa Karea, na Azaria mûvîcî wa Hoshaia na andû onthe anene na anini,

Jeremia 42:22

Kwoguo, rîu menyani nama atî kûndû kûu mwîrirîrîtie kûthiî gûtûûra, nîmûgaakuîra kuo nî mbaara, yûra na mîrimû.”

Jeremia 43:11

Nîagaaûka na acûkangie vûrûri wa Misiri. Arîa maavangîrîtwe kûûragwa na mîrimû nîmakaaûragwa nayo, arîa maavangîrîtwe gûtavwa mavirwe îthamîriorî nîmagaatavwa, arîa maavangîrîtwe kûragîrwa mbaararî nîmakaaûragîrwa kuo.

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Hosea 9:6

Rîrîa mûkaûrîra gûcûkangua kwa vûrûri wenyu, nîmûkaagwatwa ûgeni Misiri, nwatî mûkathikwa Memufisi. Igîîna cienyu cia sîlûva igecûra mavûngo, mîgua îgecûra magemarî menyu.

Zakaria 8:13

Mue andû a Juda na a Isiraeli, kavinda kavîtûku andû a ndûrîrî methîrîtwe makîmwona mûrî andû agwate nî kîrumi. Nîngaamûvonokia na nîmûgaatuîka kîrathimo. Kwoguo îyûmîrîrieni na mûtigetigîre.”

Ndari 5:27

Ethîrwa mûndûmûka ûcio nîekîte ciîko cia ûtharia, nîakeegua ûrûrû mwîngî mûno. Nîakaaimba îvu na ciîga ciake cia ûciari ithire vinya, na ethîrwe arî na kîrumi gatagatîrî ka andû ao.