Jeremia 43:10 - ÎVUKU RÎA ÛVORO MWARO

¹⁰ Nîûgacoka wîre andû a Juda atî: Ngai-Mûnene mwene vinya wonthe, Ngai wa Isiraeli augîte atî: nîngatûma ndungata yakwa mûthamaki Nebukadinezarû wa Babuloni, nake nîakaiga gîtî gîake Kîam ûthamaki îgûrû rîa mathiga mama nathika ava, na aige îgema rîake rîa ûthamaki îgûrû rîa mo.

Jeremia 43:10 ပူးပေါင်းရင်းမြစ်များ

1Atha 20:12

Benihadadi eegwire ndûmîrîri îo ya mûthamaki Ahabu vîndî îrîa ke na atongoria arîa maagwatanîrîte nake maanyunyaga marî magemarî mao. Nîwathire andû ake mevarîrie kûtharîkîra îtûûra; nao nîmeevarîrie.

1Atha 20:16

Mûthamaki Ahabu na athigari ake maambîrîîrie kûtharîkîra thaa thita cia mûthenya. Vîndî îo Benihadadi na athamaki arîa aarî nao mîrongo îthatû na aîrî (32) maarî magemarî mao makînyua ndivei.

Thaburi 18:11

Eekunîkîrîte na nduma, athiûrûrûkîrîtue nî matu mairû marî na manjî.

Thaburi 27:5

Vîndî ya thîna nîakaangitîra, nîakaanthitha hekarûrî yake, na ambigage îgûrû vandû vagitîre.

Thaburi 31:20

Nîûmathithaga varîa we ûrî, kûraca kuuma kûrî mîvango mîcûku ya andû, nîûmaigaga vandû ûmagitîrîte, kuuma kûrî irumi cia nthû ciao.

Isaia 44:28

Nînie mbîraga mûthamaki Cairasi atî: ‘We nîwe ûgaatuîka mûthamaki vandûrî vakwa, we nîûkaavingia mîvango yakwa yonthe: nîûkaathana Jerusalemu îtumwe rîngî, na mûcingi wa hekarû ûtumwe rîngî.’ ”

Isaia 45:1

Ngai-Mûnene arera Cairasi atîrî, “We wî mûthamaki ûrîa nthuurîte! Nîngwîkîrîte vinya nîguo ûvoote mavûrûri marîa marî mbere yaku; na kûvûrûra athamaki mavinya mao; nie nîngûkûvingûrîra ivingo cia îtûûra, na gûtirî kîvingo gîkaavingwa.

Jeremia 1:15

Rîu, nînîreta mîvîrîga yonthe ya mothamaki ma mwena wa rûgûrû. Nao athamaki a mo nîmakaaiga itî ciao cia ûthamaki mîromorî ya Jerusalemu na maciige ithiûrûkîrîtie nthingo ciarîo na matûûra monthe ma Juda.

Jeremia 43:9

“Oca mathiga manene, na ûmathike gatagatî ka matuvarî marîa marî mwîrîgarî wa mûciî wa mûthamaki wa Misiri îtûûrarî rîa Tahifanihesi, andû a Juda makîonaga.

Jeremia 46:13

Kiugo Kîam Ngai-Mûnene nîgîakinyîre mûrathi Jeremia kîgiî Nebukadinezarû mûthamaki wa Babuloni akîthiî kûtharîkîra vûrûri wa Misiri akîrwa atîrî,

Jeremia 49:38

Nîngaiga gîtî gîakwa Kîam ûthamaki kûu vûrûrirî wa Elamu na njûkangie athamaki na anene akuo.

Ezek 5:12

Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Mathaayo 22:7

Nake mûthamaki nîwarakarire. Kwoguo nîwatûmire athigari ake makaûrage aûragani acio, na mavîvie îtûûra rîao.