Jeremia 42:21 - ÎVUKU RÎA ÛVORO MWARO

²¹ Ûmûnthî nie nînamwîra ûrîa wonthe Ngai-Mûnene Ngai wenyu andûmire kûrî mue, namue mwarega gwîtîkia.

Jeremia 42:21 ပူးပေါင်းရင်းမြစ်များ

Thaburi 81:12

Kwoguo nînaamarekirie mathiî na mbere na ûremi wao, na ngîreka meke wa ûrîa meendaga.

Jeremia 43:1

Rîrîa Jeremia arîkirie kwîra andû onthe ciugo cionthe irîa Ngai-Mûnene, Ngai wao amwathîte ameere,

Jeremia 43:4

Kwoguo Johanani mûvîcî wa Karea na anene onthe a athigari a mbaara vamwe na andû onthe, matiathîkîra mûgambo wa Ngai-Mûnene, atî mekare vûrûrirî wa Juda.

Jeremia 43:7

Andû acio nîmaathiîre vûrûrirî wa Misiri, nîûndû nîmareganire na Ngai-Mûnene, na nîmaathiîre magîkinya îtûûrarî rîtagwa Tahifanihesi.

Ezek 2:7

We nîûkaamera ciugo ciakwa wana makûthikîrîria kana marege gûkûthikîrîria nîûndû andû acio nî aremi.

Ezek 3:17

“Mûndû nînagûtua mûrangîri wa andû a Isiraeli. Kwoguo thikîrîria ûrîa ngûkwîra na ûthiî ûgakaanie andû a Isiraeli vandûrî vakwa.

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Ezek 33:32

Kûrî o wîkariî ta mûndû ûrî na mûgambo mwaro wa kwina nyîmbo cia gûkenia andû na akîvûraga kînanda waro mûno, nîûndû andû nîmegucaga ûrîa ûkuga, nwatî matiîkaga ûrîa wamera.

Ciîko 20:20

Mue nîmwîcî nînaamûvunjîrie na ndiamûthithaga ûndû wana ûrîkû ûrîa ûngîamûgunire. Mue nîmwîcî nînavunjirie na ngîthomithania mbere ya andû na ngîvunjia mîciîrî yenyu.

Gûco 29:19

Na gûtikethîrwe kûrî na mûndû gatagatîrî kenyu ûregua kîrîkanîro gîkî mwevîta, nwatî eîre na ngoro atî wana angîrega gûkîvingia, ndangîona ûndû mûcûku. Mûndû ûcio agaatûma muonthe mûverithue, arîa aro wana arîa acûku.

Gûco 30:15

“Taroriani, ûmûnthî nîramwîra mûthuure ûndû ûmwe gatagatî ka ûndû mwaro na ûndû mûcûku: gîkuû na mwoyo.

Gûco 30:19

Nîngwîta îgûrû na nthî ituîke aira ûmûnthî mûkîthuura ûndû ûmwe gatagatî ka maûndû mama namwîra; kîrathimo kana kîrumi, gîkuû kana mwoyo. Thuurani mwoyo nîguo mue na njiarwa cienyu mûtûûre.