Jeremia 42:2 - ÎVUKU RÎA ÛVORO MWARO

² nîmaathiîre kûrî Jeremia na makîmwîra atîrî, “Wenda tu thikîrîria ûrîa tûrakûria! Îtîkîra gûtûthaithanîra kûrî Ngai-Mûnene Ngai waku, nîûndû wa andû aya matigarîte, (nîûndû twarî andû engî nwatî rîu tûtigarîte tûrî anini tu, wata ûguo ûrona).

Jeremia 42:2 ပူးပေါင်းရင်းမြစ်များ

1Atha 13:6

Mûthamaki Jeroboamu nîwerire mûndû ûcio wa Ngai atîrî, “Nakûthaitha nthaithîra Ngai-Mûnene, Ngai waku ûmwîre amvonie njara yakwa!” Mûndû ûcio wa Ngai nîwathaithire Ngai-Mûnene na njara ya mûthamaki nîyavonirue, na îgîkara wata mbere.

Thaburi 119:170

Tiga mathaithana makwa makinye kûrî we; mvonokia wata ûrîa waranîre.

Ntha 8:28

Kwoguo mûthamaki wa Misiri nîwamerire atîrî, “Nîngûmwîtîkîria mûthiî mûkarutîre Ngai-Mûnene, Ngai wenyu îgongoona werûrî ethîrwa tîmûthiî kûraca. Mvoerani.”

Ntha 9:28

Thaitha Ngai-Mûnene, nîûndû mbura îno ya mbembe na ngwa nî mbîganu. Nîngwîranîra atî nîngûmûrekia mûthiî mûtigekare gûkû makîria.”

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 37:4

Nwa kwîthîrwa Ngai-Mûnene Ngai waku, nîeguîte ûrîa Rabushake augîte, ûrîa watûmîtwe nî mwathi wake, mûthamaki wa Asîria, nîguo athekerere Ngai ûrîa ûtûûraga mwoyo, nake Ngai-Mûnene, Ngai waku nîakaaregana na maûndû mau eeguire. Kwoguo voera andû arîa matigarîte.’ ”

Isaia 42:20

Mue nîmwonete maûndû meengî, nwatî mûtitaûkagîrwa nî ûndû. Matû menyu nî mavingûre, nwatî mûtiîgucaga.”

Jeremia 15:11

We Ngai-Mûnene, ethîrwa ndianagûtungatîra ûrîa kwagîrîrîte kana ngûthaitha vandûrî va nthû ciakwa rîrîa maarî na thîna na ruuo, nîronyitwa nî irumi ciao.

Jeremia 2:27

Acio nîo meraga mûtî atî: “We nîwe vava,” na makeera îthiga atî: “We nîwe wanjiarire,” nîûndû nîmandiganîrîtie. Nwatî mavinda ma thîna maugaga atîrî, “Ûkîra na ûtûvonokie!”

Jeremia 21:2

“Ûria ûvoro wetû kûrî Ngai-Mûnene, nîûndû mûthamaki Nebukadinezarû wa Babuloni nîevarîrîtie gûtûtharîkîra, nwa kwîthîrwa Ngai-Mûnene nîagûtûringîra Kîamma nîguo Nebukadinezarû atigane natue.”

Jeremia 36:7

Nwa kwîthîrwa Ngai-Mûnene nwa egue mathaithana mao, na atî mûndû wa wonthe nwa atigane na mevia make, nîûndû Ngai-Mûnene nîakûverithia andû aya arî na marakara na mang'ûrîka meengî.”

Jeremia 37:20

Rîu nîrakûvoya ûnthikîrîrie, we mwathi wakwa mûthamaki. Nîrakûthaitha mûno ûthikîrîrie mathaithana makwa. Wenda tu ndûkanjokie njeera rîngî, kûu nyomba ya Jonathani nîguo ndigakuîre kuo.”

Jeremia 37:3

Mûthamaki Zedekia nîwatûmire Jehukali mûvîcî wa Shelemia, na mûthînjîri-Ngai Zefania mûvîcî wa Maaseia kûrî mûrathi Jeremia akîmwîra atîrî, “Tûvoere kûrî Ngai-Mûnene Ngai wetû.”

Jeremia 38:14

Mûthamaki Zedekia nîwacokire agîtûmanîra mûrathi Jeremia na akiuga avirwe macemanie nake mûrangorî wa kathatû wa hekarû ya Ngai-Mûnene. Nake mûthamaki nîwerire Jeremia atîrî, “Nîngûkûria kîûria na ndûkanthithe wanarî ûndû.”

Jeremia 40:15

Johanani mûvîcî wa Karea nîwacokire akîaria na Gedalia na nthitho kûu Mizipa na akîmwîra atîrî, “Tiga nthiî ngaûrage Ishumaeli mûvîcî wa Nethania na gûtirî mûndû wîngî ûkamenya. Nîndûî kîratûma ende gûkûûraga atî nîguo andû onthe a Juda arîa makûrigicîrîtie manyaganie na Ayahudi arîa maatigarire mathirue?”

Jeremia 42:20

namwîra atî mûrî aûru, na mûtûûrîre wenyu ûrî ûgwatirî nîûndû nîmwandûmire kûrî Ngai-Mûnene Ngai wenyu na mûkîmbîîra atî, ‘Tûvoere kûrî Ngai-Mûnene Ngai wetû, na ûrîa wonthe Ngai-Mûnene Ngai wetû akauga, nîtûgeka.’

Maca 1:1

Îtûûra rîrîa rîecûrîte andû kaî rîrî na îvooru î! Nîrîatîîtwe nî mavûrûri, nwatî rîu rîkariî ta mûka wa ndigwa, mbere rîarî mwarî wa mûthamaki, rîu rîtuîkîte ngombo.

Ezek 12:16

Nwatî nîngaatûma andû anini mavonoke kuuma mbaararî, kuuma kûrî yûra, na kuuma kûrî mîrimû. Nao nîmakeraga andû a mavûrûri kûrîa makeethîrwa marî, maûndû macûku marîa maneka na nîmakaamenya atî nie nînie Ngai-Mûnene.”

Hosea 8:10

Wana ethîrwa nîmeyendetie kûrî andû a ndûrîrî, nie nîngaamaûngania wa rîmwe. Vîndî îo nîrîo makegua maûndû makîmaritûvîra marî rungu rwa mûthamaki ûrîa ûmavinyagîrîria.

Alawi 26:22

Nîngaarekereria nyamû njûku ciûke kûrî mue nîguo ciûrage ciana cienyu, ciûrage nyamû irîa mûrîthagia na mûtigare andû anini mûno, na njîra cienyu iture andû a kûthiîra.

Amosi 7:2

Rîrîa ngige ciarîîre mîmera yonthe vûrûrirî nînaugire atîrî, “Ûûi Ngai-Mûnene, Ngai nakûthaitha movere. Njiarwa cia Jakovu îgatûûra mwoyo atîa? Nî anini mûno!”

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.

Ciîko 8:24

Nake Simoni nîwerire Petero na Johana atîrî, “Mwenda mvoerani kûrî Mwathani nîguo ndikone ûndû wana ûmwe wa mau mwagweta.”

Gûco 28:62

Wana ethîrwa mwîngîvîte ta njata cia îgûrû mûgaatigara andû anini, nîûndû nîmwaregire kwathîkîra Ngai-Mûnene Ngai wenyu.

Gûco 28:63

Wata ûrîa Ngai-Mûnene akenirue na akîmwîka maûndû maro na agîtûma mwîngîve mûno, nwa ta guo agaakena akîmûretithîria mathîna na akîmûthiria. Nîmûkaarutwa vûrûrirî ûrîa mûthiîte kwîgwatîra.

Gûco 4:27

Ngai-Mûnene nîakaamûnyagania mavûrûrirî marîa mengî, nwatî nî andû anini magaatigara kûu mavûrûrirî mau.

Jakuvu 5:16

Kwoguo umbûranagîrani mevia menyu na mûvoyanagîre nîguo mue mûvonue. Mavoya ma mûndû mûthingu nîmethagîrwa na ûvoti mûnene.

1Sam 12:19

Nao andû acio nîmeerire Samueli atîrî, “Twakûthaitha ûtûvoere kûrî Ngai-Mûnene, Ngai waku, nîguo tûtigakue. Rîu nîtwamenya atî nîtwongererete mevia marîa mengî monthe metû na wîvia wa gwîtia mûthamaki.”

1Sam 12:23

Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.

1Sam 7:8

Nao andû a Isiraeli nîmeerire Samueli atîrî, “Thiî na mbere gûtûvoera kûrî Ngai-Mûnene Ngai wetû nîguo atûvonokie kuuma kûrî Afilisiti.”