Jeremia 42:11 - ÎVUKU RÎA ÛVORO MWARO

¹¹ Mûtigetigîre mûthamaki wa Babuloni ûrîa mwîtigagîra; mûtikamwîtigîre wana vanini; ûguo nîguo Ngai-Mûnene arauga. Nie nîrî vamwe namue nîguo nîmûvonokie na nîmûtethûre kuuma kûrî ke.

Jeremia 42:11 ပူးပေါင်းရင်းမြစ်များ

2Atha 25:26

Andû onthe a Isiraeli, arîa anini na arîa anene, vamwe na anene a athigari nîmaacokire makiuma kûu na makîthiî Misiri, nîûndû nîmeetigagîra Akalidei.

Thaburi 118:6

Ngai-Mûnene arî vamwe nanie, gûtirî kîndû nîngîtigîra; mûndû angîvota kûmbîka atîa?

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Isaia 43:5

Mûtigetigîre nîûndû nîrî vamwe namue! Nîngaamûretere njiarwa cienyu kuuma mwena wa îrathîro, na nîmacokanîrîrie kuuma mwena wa îthûîro.

Jeremia 1:19

Nîmakaarûa nawe nwatî matigakûvoota, nîûndû ngethagîrwa nîrî vamwe nawe nîguo ngûvonokagie. Ûguo nîguo Ngai-Mûnene arauga.”

Jeremia 1:8

Ndûkametigîre nîûndû ngethagîrwa nîrî vamwe nawe nîguo ngûgitagîre, ûguo nîguo Ngai-Mûnene augîte.”

Jeremia 15:20

Kûrî andû aya nîngagûtua rûthingo rwa vinya rwa gîcango; nîmakaarûa nawe nwatî matigaakûvota, nîûndû nîrî vamwe nawe ngûvonokie na ngûkûûre.

Jeremia 27:11

Nwatî andû a vûrûri wa wonthe ûrîa ûkathîkîra na ûtungatîre mûthamaki wa Babuloni, nîngareka mekare vûrûrirî wao na maûrîmage na matûûre kuo. Ûguo nîguo nie Ngai-Mûnene nauga.”

Jeremia 27:12

Nie Jeremia, nînerîte Zedekia mûthamaki wa Juda maûndû wata mau namwîrîte atîrî, “Athîkagîra mûthamaki wa Babuloni, ûmûtungatîre vamwe na andû ake na nîûgûtûûra mwoyo.

Jeremia 27:17

Mûtikamathikîrîrie; tungatîrani mûthamaki wa Babuloni na nîmûgûtûûra mwoyo. Îtûûra rîîrî nîrîtuîka maganjo nîkî?

Jeremia 41:18

nîûndû nîmetigagîra Akalidei kuuma vîndî îrîa Ishumaeli mûvîcî wa Nethania aaûragire Gedalia mûvîcî wa Ahikamu ûrîa wathuurîtwe atuîke mûnene wa vûrûri ûcio.

Ndari 14:9

Kwoguo mûtikaregane na Ngai-Mûnene na mûtigetigîre andû arîa marî vûrûrirî ûcio. Nîtûmataguna ta mûgate. Kîrîa kîmagitagîra nîkîthengutie kûrî o. Ngai-Mûnene arî vamwe natue, mûtikametigîre.”

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Ciîko 18:10

Nie nîrî vamwe nawe, na gûtirî mûndû wana ûmwe ûgûkûtharîkîra agwîke naaî, nîûndû andû eengî îtûûrarî rîîrî nî akwa.”

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Gûco 20:4

Ngai-Mûnene Ngai wenyu nîke ûkaamûrûagîrîra kûrî nthû cienyu na akamûva ûvootani.’

2Tim 4:17

Nwatî Mwathani aarî vamwe nanie na nîwamûvere vinya wa kûvecana ûvoro mwaro kûrî andû onthe a ndûrîrî, kwoguo nînarutirwe magegorî ma simba.

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”