Jeremia 41:9 - ÎVUKU RÎA ÛVORO MWARO

⁹ Kîriko Kîam manjî kîrîa Ishumaeli aikirie ciimba cia andû arîa aûragîte, Kîamrî kînene na kîenjîtwe nî mûthamaki Asa, akîîgitîra kuuma kûrî mûthamaki Baasha wa Isiraeli. Ishumaeli nîwecûririe îrima rîu na ciimba irîa aaûragîte.

Jeremia 41:9 ပူးပေါင်းရင်းမြစ်များ

2Sam 17:9

Wana rîu avota kwîthîrwa ethithîte ngurungarî wana kana vandû vengî. Rîrîa Daudi akatharîkîra andû aku, mûndû wa wonthe ûrîa ûkeegua ûvoro ûcio, akaauga atî andû aku nîmavootetwe.

Isaia 14:19

nwatî we ûtetwe nja kûraca na mbîrîra yaku, wîkariî ta kîvuno kîrî na magigi, kimba gîaku nî gîkinyange, gîkunîkîrîtwe nî ciimba cia andû maûragîtwe na rûviû, na gîgaikua îrimarî rîa mathiga.

Ahib 11:38

Andû acio mationaga vata wa gûtûûra nthî. Maaûrûraga ta ageni werûrî na irîmarî na matûûraga makurungurî na marimarî menjîtwe nthî.

Atir 6:2

Andû a Midiani maarî na vinya gûkîra Aisiraeli. Nao Andû a Isiraeli nîmeethithire ngurungarî na kûndû kwîngî kûu irîmarî.

1Sam 13:6

Rîrîa Afilisiti maatonyerere andû a Isiraeli na vinya ûndû andû a Isiraeli matangîavotire gwîtethia, andû amwe a Isiraeli nîmeethithire ngurungarî, marimarî, mîanyarî ya mathiga marîa manene, na ndaarî ya iriko cia manjî;

1Sam 14:11

Nao oîrî nîmeeyonithanirie kûrî Afilisiti, nao Afilisiti nîmaaugire atîrî, “Aia! Taroriani mwone Ahibirania amwe makiuma marimarî kûrîa marethithîte!”

1Sam 14:22

Nao Aisiraeli arîa engî meethithîte vûrûrirî ûrîa ûrîa irîma wa Efiraimu megua atî Afilisiti nîkwa maaûrîte, wanao nîmaanyitanîre na Saûlo na Jonathani na makîthiî kûrûa na Afilisiti.

1Sam 24:3

Saûlo nîwakinyire ngurungarî ya vandû vaarî na njaga cia ng'ondu rûtere rwa njîra na nîwatonyire ndaarî nîguo etethie. Nakuo kûu ngurungarî îo ndaarî nîkuo Daudi na andû ake meethithîte.