Jeremia 41:2 - ÎVUKU RÎA ÛVORO MWARO

² Ishumaeli mûvîcî wa Nethania vamwe na andû arîa îkûmi, nîmaatharîkîre Gedalia mûvîcî wa Ahikamu na makîmûraga. Gedalia nîke wathuurîtwe nî mûthamaki wa Babuloni atuîke mûnene wa vûrûri ûcio.

Jeremia 41:2 ပူးပေါင်းရင်းမြစ်များ

2Sam 3:27

Rîrîa Abineri aakinyire Heburoni, Joabu nîwamûvirire vandû keverirî vakuvî na kîvingo takwa kwarî na kaûndû eendaga kûmwîra. Nao marî wa vau Joabu nîwamundire Abineri îvu na Abineri akînakua. Joabu aaûragire Abineri nîûndû Abineri nîke waûragîte mûrwang'ina na Joabu ûrîa wetagwa Asaheli.

2Atha 25:25

Nwatî mwerirî wa mûgwanja (7), Ishumaeli mûvîcî wa Nethania wa kuuma nyombarî ya mûthamaki nîwathiîre Mizipa na athigari îkûmi na akîtharîkîra Gedalia na akîmûraga vamwe na Ayahudi na Akalidei arîa maarî nake kûu Mizipa. Nethania aarî mûvîcî wa Elishama.

Thaburi 109:5

Nîmekaga maûndû maro nao makandîva na maûndû macûku, nînîmendete, nwatî o nîmamenete.

Thaburi 41:9

Wana mûrata wakwa ûrîa mûnene na ûrîa nevokete mûno, ûrîa twarîcanagîra irio nake, nîangarûrûkîte.

Jeremia 40:14

na makîmwîra atîrî, “Ûrî mûmenyu atî Baalisi mûthamaki wa Aamori nîmûtûmu Ishumaeli mûvîcî wa Nethania aûke akûrage?” Nwatî Gedalia mûvîcî wa Ahikamu ndetîkia ûvoro ûcio.

Jeremia 40:16

Nwatî Gedalia mûvîcî wa Ahikamu nîwerire Johanani mûvîcî wa Karea atîrî, “Ndûgeke ûndû ûcio! Maûndû mau ûraria megiî Ishumaeli tî ma ma!”

Jeremia 40:5

“Weciria gûtigwa gûkû, coka kûrî Gedalia mûvîcî wa Ahikamu, mûvîcî wa Shafani. Gedalia nîwathuurirwe nî mûthamaki wa Babuloni atuîke wa kwatha matûûra ma Juda. Îkaraniani nake na mûtûûranie na andû acio engî, kana ûthiî varîa ûkwona vakwagîrîrîte.” Kwoguo mûnene wa arangîri nîwavere Jeremia kîveo na irio na akîmûrekia athiî.

Jeremia 40:7

Anene onthe a athigari a mbaara vamwe na andû ao nîmegwire atî mûthamaki wa Babuloni nîwathuurîte Gedalia mûvîcî wa Ahikamu atuîke mûnene wa vûrûri. Wana nîmegwire atî nîwamûtuîte mûrûngamîrîri wa arûme, aka, na ciana na andû arîa athîni arîa mataavirwa îthamîriorî Babuloni.

Jeremia 40:8

Kwoguo anene acio nîmaathiîre Mizipa kwona Gedalia. Nao maarî: Ishumaeli mûvîcî wa Nethania, Johanani mûvîcî wa Kareya, Seraia mûvîcî wa Tanihumethi, avîcî a Efai kuuma Netofa na Jezania mûvîcî wa Maaka.

Jeremia 41:3

Ishumaeli nîwaûragire Ayahudi onthe arîa maarî na Gedalia Mizipa, vamwe na athigari a Akalidei arîa maarî vau.

Johana 13:18

“Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’