Jeremia 41:18 - ÎVUKU RÎA ÛVORO MWARO

¹⁸ nîûndû nîmetigagîra Akalidei kuuma vîndî îrîa Ishumaeli mûvîcî wa Nethania aaûragire Gedalia mûvîcî wa Ahikamu ûrîa wathuurîtwe atuîke mûnene wa vûrûri ûcio.

Jeremia 41:18 ပူးပေါင်းရင်းမြစ်များ

2Atha 25:22

Nebukadinezarû, mûthamaki wa Babuloni nîwathuurire Gedalia mûvîcî wa Ahikamu atuîke mûnene wa andû onthe arîa maatigîtwe vûrûrirî wa Juda. Ahikamu aarî mûvîcî wa Shafani.

2Atha 25:25

Nwatî mwerirî wa mûgwanja (7), Ishumaeli mûvîcî wa Nethania wa kuuma nyombarî ya mûthamaki nîwathiîre Mizipa na athigari îkûmi na akîtharîkîra Gedalia na akîmûraga vamwe na Ayahudi na Akalidei arîa maarî nake kûu Mizipa. Nethania aarî mûvîcî wa Elishama.

Isaia 57:11

Ngai-Mûnene araûria atîrî, “Mwegucaga guoya na mûgetigîra ûrîkû, atî nîguo mûveenanie, na mûtiandirikana, wana kana mwîciria ûvoro wakwa wanarî vanini? Mwatigire kûnîîtigîra nîûndû nîngirîte kavinda karaca?

Jeremia 40:5

“Weciria gûtigwa gûkû, coka kûrî Gedalia mûvîcî wa Ahikamu, mûvîcî wa Shafani. Gedalia nîwathuurirwe nî mûthamaki wa Babuloni atuîke wa kwatha matûûra ma Juda. Îkaraniani nake na mûtûûranie na andû acio engî, kana ûthiî varîa ûkwona vakwagîrîrîte.” Kwoguo mûnene wa arangîri nîwavere Jeremia kîveo na irio na akîmûrekia athiî.

Jeremia 42:1

Atongoria onthe a athigari a mbaara, Johanani mûvîcî wa Karea, na Azaria mûvîcî wa Hoshaia na andû onthe anene na anini,

Jeremia 42:11

Mûtigetigîre mûthamaki wa Babuloni ûrîa mwîtigagîra; mûtikamwîtigîre wana vanini; ûguo nîguo Ngai-Mûnene arauga. Nie nîrî vamwe namue nîguo nîmûvonokie na nîmûtethûre kuuma kûrî ke.

Jeremia 42:16

mbaara îrîa mwîtigagîra nîikaamwîthîrîria kuo, na yûra rîrîa mwîtigagîra nîmûgaacemania narîo kûu Misiri na nîmûgaakuîra kuo.