Jeremia 4:7 - ÎVUKU RÎA ÛVORO MWARO

⁷ Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 4:7 ပူးပေါင်းရင်းမြစ်များ

2Atha 24:1

Vîndî wa îo Jehoiakimu aarî mûthamaki, Nebukadinezarû, mûthamaki wa Babuloni nîwatharîkîre Juda, na Jehoiakimu agîtuîka ndungata yake îvinda rîa mîaka îthatû (3). Nîwacokire akîregana nake.

2Atha 25:1

Mûthenyarî wa îkûmi, mweri wa îkûmi mwakarî wa kenda, Zedekia arî mûthamaki, Nebukadinezarû mûthamaki wa Babuloni nîwathiîre na athigari ake onthe na makîtharîkîra îtûûra rîa Jerusalemu na magîtuma rûthingo marîthiûrûrûkîrîtie.

Isaia 1:7

Vûrûri wenyu nî mûcûkangie, namo matûûra menyu makavîvua na mwaki. Ageni maregwatîra vûrûri wenyu wa mûkîonaga, na magacûkangia indo cionthe.

Isaia 5:9

Nîmbîguîte Ngai-Mûnene mwene vinya wonthe akiuga atîrî, “Nama nyomba nyîngî igaatigwa irî ntheri, nyomba nene na mbaro itarî na andû a gwîkara kuo.

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Jeremia 2:15

Nthû ciake ciîthîrîtwe ikîmûraramîra ta mûnyambû, matuîte vûrûri wake werû, matûûra nî maganjo matitûragwa.

Jeremia 22:6

Nîûndû ûvoro wîgiî nyomba ya mûthamaki wa Juda Ngai-Mûnene arauga atîrî, “We wîkariî ta vûrûri wa Gileadi kûrî nie, na ta tûthûrûmûndû twa Lebanoni; nwatî nama nîngatûma ûtuîke werû, îtûûra rîtatûûragwa nî andû.

Jeremia 22:7

Nîngûvarîrîria andû a gûgûcûkangia, wa mûndû arî na indo cia mbaara njararî, nao nîmagaatema mîtarakwe îrîa mîaro, na mamikie mwakirî.

Jeremia 25:38

Ngai-Mûnene nîatiganîrîtie andû ake, ta ûrîa mûnyambû ûtiganagîria ngurunga yaguo; vûrûri wao ûtuîkîte werû mûtheri, nîûndû wa mbaara ya arîa mavinyanagîrîria, na nîûndû wa marakara ma Ngai-Mûnene.

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 26:9

Nîndûî gîatûma ûrathe ûkîgwetaga rîîtwa rîa Ngai-Mûnene ûkiugaga ‘hekarû îno îgekara ta Shilo, na îtûûra rîîrî nîrîgûcûkangua rîtuîke îganjo na rîtigwe gûtarî mûndû wa gûtûûra kuo.’ ” Nao andû onthe nîmaagomanire marigicîrîtie Jeremia kûu hekarûrî.

Jeremia 27:8

“Nwatî vûrûri wa wonthe kana ûthamaki ûngîkarega gûtungatîra Nebukadinezarû mûthamaki wa Babuloni na kûmwathîkîra, nîngaverithia vûrûri ûcio na mbaara, yûra na mîrimû na nîûthirie viû na njîra ya mûthamaki Nebukadinezarû.

Jeremia 33:10

Ngai-Mûnene arauga atîrî, “Îtûûra rîîrî rîtuîkîte ta werû, kûndû gûtatûûragwa nî andû kana nyamû. Matûûrarî ma Juda na njîrarî cia Jerusalemu irîa ciatiganîrue nî andû na nyamû, nîgûkeguua rîngî

Jeremia 34:22

Tathikîrîria, nie Ngai-Mûnene nîngaatha mûthamaki wa Babuloni na athigari ake na nîngamacokia îtûûrarî rîîrî. Nîmakaarîtharîkîra, marîtave na marîvîvie na mwaki. Nîngatûma matûûra ma Juda matuîke maganjo na kûndû gûtatûûragwa nî andû. Nie Ngai-Mûnene nînie nauga ûguo.”

Jeremia 4:29

Rîrîa mûkegua mûgambo wa athigari, marî na mbarathi na engî marî na moota, andû onthe nîmakaavinyûra maûre. Amwe magaatonya mûtitûrî engî matwe mathigarî; matûûra monthe nîmagaatiganîrua na gûtirî mûndû ûgatigwa kuo.

Jeremia 44:2

“Ngai-Mûnene, mwene vinya wonthe, Ngai wa Isiraeli arauga atî: We nîwonete maûndû monthe macûku marîa mbîkîte îtûûrarî rîa Jerusalemu na matûûra monthe ma Juda. Taroria, nginya ûmûnthî matûûra mau nî maganjo, na gûtirî mûndû ûtûûraga kuo.

Jeremia 46:18

Wata ûrîa nie Mûthamaki ndûûraga mwoyo, nie Ngai-Mûnene mwene vinya wonthe, nthû nîgaûka kûmûtharîkîra, ta Taboru gatagatî ka irîma, na ta kîrîma gîa Karimeli kîrî rûtere rwa îria.

Jeremia 49:19

Taroria, wata ûrîa mûnyambû umagîra mûtitûrî wa rûnjî rwa Njorodani, na ûgatonya ndîthiarî mbaro ya ng'ondu, nwataguo ngengata andû a Edomu wa rîmwe kuuma vûrûrirî wao. Nîngaiga mûtongoria wa ûrîa ngathuura kuo. Nîûndû, nû ûngîringithanua nanie? Nû ûngînjirithia? Nî mûrîthi ûrîkû ûngîregana nanie?

Jeremia 5:6

Kwoguo mûnyambû kuuma werûrî nîûkamaûraga; Kîamthi kuuma werûrî nîgîkamacûkangia. Ngarî nîîtegete îtharîkîre matûûra mao, mûndû wonthe ûkauma kûu matûûrarî agaatarûrangwa icunjî, nîûndû mevia mao nî meengî, na mekaraga magîtiganagîria Ngai.

Jeremia 50:17

Ngai-Mûnene arauga atîrî, “Andû a Isiraeli mekariî ta ng'ondu ivinyûrîtue na ikanyaganua nî mûnyambû. Maambire kûtharîkîrwa nî mûthamaki wa Asîria, magîcoka makîtharîkîrwa nî Nebukadinezarû mûthamaki wa Babuloni.

Jeremia 50:44

“Taroria, nîngaûka wa rîmwe ndûme andû a Babuloni maume îtûûrarî rîao wa rîmwe ta mûnyambû umîrîte kîthakarî Kîam Jorodani na ûkathiî ndîthiarî ya ng'ondu. Na nîngathuura mûtongoria wakuo wa ûrîa ngenda. Nû ûngîgananua na nie? Nû wî na ûndû angînjukîra? Nî mûtongoria ûrîkû ûngîregana nanie?

Jeremia 8:16

Nîtûregua mbarathi ciao ikîgamba irî Dani, mûgambo wa mbarathi ciao cia njamba, ûratûma vûrûri wonthe ûthingitha. Nthû ciûkîte gûcûkangia vûrûri wetû na indo cionthe irîa irî kuo, gûcûkangia îtûûra na andû arîa matûûraga kuo.”

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Ezek 12:20

Matûûra marîa marî na andû magaatigwa marî manangîku na vûrûri ûtuîke werû. Namue nîmûgaacoka mûmenye atî, nie nînie Ngai-Mûnene.”

Ezek 21:31

Nîngamwîtûrûrîra marakara makwa, nîmûvuvîrîre mîruke ya marakara îkariî ta mwaki. Nîngaacoka nîmûnenganîre kûrî andû ndûrîka, arîa marî wara wa gûcûkangia.

Ezek 32:2

“Mûndû, ina rwîmbo rwa macakaya nîûndû wa mûthamaki wa Misiri na ûmwîre: We mûthamaki wa Misiri wîtucaga ta mûnyambû gatagatî ka ndûrîrî, nwatî we wîkariî ta njûnamatu îrî manjîrî. Umagîra manjîrî na vinya na ûkaunjuga manjî na magûrû maku na ûgacûkia nyûnjî.

Danieli 5:19

Nîûndû wa ûnene ûcio Ngai aamûveere, andû a mîvîrîga yonthe, mavûrûri monthe na andû a nthiomi cionthe, nîmaainainire mûno na makîmwîtigîra. Nebukadinezarû aarî na ûvoti wa kûûraga mûndû wa wonthe kana kûrega kûûraga mûndû ûrîa angîendire. Aarî na ûvoti wa kûnenevia mûndû ûrîa wonthe eendaga kûnenevia kana kûnyivia mûndû ûrîa wonthe eendaga kûnyivia.

Danieli 7:4

Ya mbere yekariî ta mûnyambû, na yarî na mathagu maîrî mekariî ta ma nderi. Wa ndoretie, mathagu mayo nî maagûkire na îgîûkîrua îkîrûngama ta mûndû; na îgîcoka îgîkîrwa meciria ta ma mûndû.

Alawi 26:31

Nîngaacûkangia matûûra menyu viû, njûkangie viû kûndû kûrîa mûgoocagîra na ndikaamûkîra magongoona menyu.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.