Jeremia 4:3 - ÎVUKU RÎA ÛVORO MWARO

³ Ngai-Mûnene arera andû a Juda na atûûri a Jerusalemu atîrî, “Rîmani ngamba cienyu na mûtikavande mbegû mîguarî.

Jeremia 4:3 ပူးပေါင်းရင်းမြစ်များ

Kîam 3:18

Nthî îkaameraga ria na mîgua nîûndû waku. Nawe ûkaarîcaga mîmera ya nthî.

Ntha 23:11

Nwatî mwaka wa mûgwanja rekaga ûvurûke. Kîndû kîrîa kîonthe kîngîkûra kuo ndûgakethe nîguo andû enyu arîa athîni moonage gîa kûrîa. Nakîo kîrîa matigaria nyamû cia kîthaka ikarîcaga. Mûgekaga wa ûguo mîgûndarî yenyu ya mîthavibu na ya mîtamaiyû îrîa îciaraga matunda.

Hosea 10:12

Îvandîreni ûthingu, namue nîmûgaaketha wendo; Rîmani mîgûnda îrîa yatigirwe, nîûndû kavinda ga kûnjaria nie Ngai mûnene nîgakinyu, nanie nîngaamurîria kîrathimo ta mbura.

Mathaayo 13:22

Nacio mbeû irîa ciagwîre mîguarî, ivananîtue na andû arîa megucaga ndûmîrîri îo, nwatî mîtangîko ya gûkû nthî, na kwenda ûtonga, nîîthararagia ndûmîrîri îo nginya magatura maciaro.

Mathaayo 13:7

Nacio ciîngî nîciagwîre mûtheturî ûrîa warî na ria rîa mîgua. Nayo mîgua îo yakûra nîyaithararirie ikîrega gûkûra.

Maariko 4:7

Nacio mbeû ciîngî nîciagwîre mûtheturî ûrîa warî na mbîtîkîra ya mvîndî cia mîgua. Nayo mîgua îo yakûra, nîyaithararirie na ikîrega gûciara.

Luka 8:14

Nacio mbeû irîa ciagwîre mbîtîkîrarî ya mvîndî cia mîgua, nî andû arîa mathikagîrîria ndûmîrîri ya Ngai, nwatî waganu, ûtonga, na ikeno cia gûkû nthî ikathararia ndûmîrîri îo, na maciaro mayo makarega gûkûra.

Luka 8:7

Nacio ciîngî nîciagwîre mûtheturî ûrîa warî na mbîtîkîra ya mvîndî cia mîgua. Nayo mîgua îo nîyameranîrie na mbeû icio na îkîithararia.