Jeremia 4:24 - ÎVUKU RÎA ÛVORO MWARO

²⁴ Nînaroririe irîmarî na ngîona ikinaina, wana tûrîma tuonthe tûkinaina.

Jeremia 4:24 ပူးပေါင်းရင်းမြစ်များ

1Atha 19:11

Ngai-Mûnene nîwamwîrire atîrî, “Uma ûthiî ûrûngame mbere ya Ngai-Mûnene îgûrû rîa kîrîma.” Vîndî wa îo Ngai-Mûnene nîwavîtûkîrîre vau. Naruo rûkûngi rûnene mûno nîrwainainirie irîma na rûgîatûranga mathiga tûcunjî mbere ya Ngai-Mûnene, nwatî Ngai-Mûnene ndaarî rûkûngirî. Vuva wa rûkûngi nîgwacokire gûkîgîa kîthingithia, nwatî Ngai-Mûnene ndaarî kîthingithiarî.

Thaburi 18:7

Nthî nîyagîre na kîthingithia na îkinaina, itina cia irîma wana cio nîciainainire, nîûndû Ngai aarî mûrakaru.

Thaburi 77:18

Mûrurumo wa ngwa yaku warî kîvuvûkaniorî, mveni nîciatûmire nthî ng'ima kûgîe na ûtheri; na nthî nîyainainire na îkîthingitha.

Thaburi 97:4

Rûveni rwake rwîkagîra ûtheri nthî yonthe; nthî îrwonaga îkainaina.

Ntha 19:18

Nakîo kîrîma kîonthe gîa Sinai nîgîakunîkîtwe nî ndogo nîûndû Ngai-Mûnene aanyûrûrûkîte arî mwakirî agîûka îgûrû rîa kîrîma. Nayo ndogo yaunûkagia ta ndogo ya îtogi rînene, na andû nîmaatetemaga nî guoya.

Isaia 13:13

Kwoguo nîngaatûma îgûrû rinaine, na nthî nîkaathingitha yume vandû va yo, mûthenya ûrîa nie, Ngai-Mûnene mwene vinya wonthe, ngonania marakara makwa manene.

Isaia 24:20

Nthî îratûgûgana ta mûrîu wa njovi, îrainaina ta îgema. Mevia mayo nîmamîritûvîrîte mûno; îkagwa na ndîkaarûngama rîngî.

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 8:16

Nîtûregua mbarathi ciao ikîgamba irî Dani, mûgambo wa mbarathi ciao cia njamba, ûratûma vûrûri wonthe ûthingitha. Nthû ciûkîte gûcûkangia vûrûri wetû na indo cionthe irîa irî kuo, gûcûkangia îtûûra na andû arîa matûûraga kuo.”

Jeremia 9:10

Nie naugire atîrî, “Nîngûrîrîra na njakaîre irîma, na njakaîre kûndû gwa kûrîthua, nîûndû kuonthe nî kûmîte, gûtirî mûndû ûvîtûkagîrîra kuo, na gûtiîgucagwa mûgambo wa ng'ombe. Iconi cia rîerarî na nyamû cia kîthaka nîciûrîte ikathiî.

Ezek 38:20

Nthamaki irî îriarî, iconi irîa igûrûkaga na nyamû cia kîthakarî, ciûmbe irîa ikurumaga na andû onthe a nthî, nîmakaainaina mamona. Irîma nîikomomorwa, nguva nîikomomoka na nthingo cionthe igwe nthî.

Mika 1:4

Irîma nî ikaararûka ta mûvûra irî rungu rwa magûrû make; ikaanyûrûrûka ciandarî ta manjî makînyûrûrûka kuuma kîrîmarî.

Habakuku 3:10

Irîma ciakwonire igîtetema, gûkîgîa na mwîcûro wa manjî kuuma maturî. Manjî ma îria kûrîa kûriku makîruruma, na magikia makûmbî ma manjî na îgûrû.

Habakuku 3:6

Aarûngamire nthî îkinaina, aaroririe mavûrûri makîthingitha. Irîma cia tene na tene nîcianyaganirue, tûrîma tûrîa tûtûûraga tene na tene nîtwavaraganirue. Kûu nîkuo njîra ciake irî kuuma tene na tene.

Kûguû 6:14

Narîo îgûrû nîrîekûnjire ta îvuku rîa gîkûnjo na rîkîthirîkîra. Nacio irîma cionthe na icîgîrîra nîciathengutirue varîa ciethagîrwa irî.