Jeremia 4:19 - ÎVUKU RÎA ÛVORO MWARO

¹⁹ Ruuo, ruuo! Nînîraturwa mûno! Ngoro yakwa îratuma na vinya, ndingîvota gûkira; nîûndû mûgambo wa karumbeta, na kîng'ora Kîam mbaara.

Jeremia 4:19 ပူးပေါင်းရင်းမြစ်များ

Kîam 49:6

Ngoro yakwa, menyerera ndûkanyitanîre mîariorî yao ya nthitho wana ndûkathiî mîcemaniorî yao, nîûndû wa marakara mao nîmaaûragire andû, nîûndû wa ûmaramaru wao nîmaatwire ndegwa ithua.

2Atha 4:19

Wa rîmwe, nîkaambîrîrie kûrîra gakîraga îthe atîrî, “Nînîratuurwa nî kîongo! Nînîratuurwa nî kîongo!” Îthe nîwerire ndungata yake atîrî, “Gakuue ûkavire kûrî ng'ina.”

2Atha 8:11

Elisha nîwaroririe Hazaeli ûthiûrî wake na vinya nginya Hazaeli akîgua nthoni, na wa rîmwe Elisha nîwatumûkire na kîrîro.

Thaburi 103:1

We ngoro yakwa, kumia Ngai-Mûnene, mwoyo wakwa wonthe nîûkumie rîîtwa rîake rîtheru.

Thaburi 116:7

Ngoro yakwa, gîa na thayû, nîûndû Ngai-Mûnene nîambîkîte maûndû maro.

Thaburi 119:136

Methori manyûrûrûkaga kuuma methorî makwa ta rûnjî, nîûndû andû mativingagia watho waku.

Thaburi 119:53

Nînyitagwa nî marakara meengî, rîrîa ngwona andû arîa aganu makiuna watho waku.

Thaburi 146:1

Kumia Ngai-Mûnene! Kumia Ngai-Mûnene, we ngoro yakwa!

Thaburi 16:2

Mbîraga Ngai-Mûnene atîrî, “We wî Mwathani wakwa; maûndû monthe maro nîrî namo maumaga kûrî we.”

Isaia 15:5

Ngoro yakwa nîîrarîrîra Moabu! Andû a kuo maûrîte makathiî Zoari, na Egilathi-shelishiya. Maunûkîtie na njîra îrîa îthiîte Luhithi makîrîraga; marî njîrarî mathiîte Horonaimu, nîmarauga mbu nî ûrîa macûkangîtue.

Isaia 16:11

Kwoguo nînîracakaya ngoro nîûndû wa Moabu, na ngegua kîeva nîûndû wa Kiri-heresi.

Isaia 21:3

Maûndû marîa noonire na ngîgua nîmaatûmire mbîgua ûrûrû mûno, nîrî mwîcûre nî ûrûrû mwîngî, ûrûrû ta wa mûndûmûka agîciara. Nînîratuurwa mûno nginya ngaremwa nî kwîgua, nîrî mûmaku mûno nginya ngaremwa nî kwona.

Isaia 21:4

Ngoro yakwa nî îratumatuma, na nîrîmwîcûre nî guoya. Nîneriragîria kîvwaî gîkinye, nwatî rîrîa gîakinyire nîgîatûmire minaine.

Isaia 22:4

Kwoguo rîu nîramwîra atîrî: Mûtigatindanîre nanie, tiganani nanie ndîre methori ma ruuo, mûtikethînie kûmvoreria nîûndû wa ûrîa andû akwa macûkangîtue.

Jeremia 13:17

Nwatî ethîrwa tîmûnthikîrîria, nîngûrîra nîîthithîte nîûndû wa mwîtîîo wenyu; nîndîra na ûrûrû mwîngî ngîtûrûraga methori nîûndû andû a Ngai-Mûnene nîatave.

Jeremia 20:9

Nînacokire ngiuga atî: “Ndikamûgweta, kana mbaria rîngî ngîgwetaga rîîtwa rîake,” ngororî yakwa îthagîrwa îgîakana ta mwaki, ûvingîrîtwe mavîndîrî makwa. Nîngeragia mûno ndûkaume kuo nwatî nînemagwa.

Jeremia 23:9

Ûvoro wîgiî arathi acio nie nîregua nthînîkîte ngororî, mavîndî makwa monthe nîmarainaina, mbîkariî ta mûrîu, ta mûndû mûvote nî ndivei, nîûndû wa Ngai-Mûnene, na nîûndû wa ciugo ciake ntheru.

Jeremia 4:21

Nîmona vendera îno ya mbaara nginya-rî, na mbîgue mûgambo wa karumbeta?

Jeremia 4:5

Ugîrîria Juda na wanîrîre Jerusalemu uuge atîrî, “Vuvani tûrumbeta kûu vûrûrirî, anîrîrani mwîre andû magomane vamwe; mathiî matûûrarî marîa mairigîre.

Jeremia 42:14

na muge atî mûrenda kûthiî gûtûûra Misiri, kûrîa mûtagaacemania na mbaara kana mwîgua mûgambo wa tûrumbeta, kana mûtura irio;

Jeremia 49:2

Nwatî rîu kavinda nîgagûkinya, rîrîa ngaanîrîra mûgambo wa mbaara, îgûrû rîgiî Raba îtûûra rîa Aamoni. Rîgatuîka ta maganjo, na icagi cia rîo ivîvue na mwaki. Isiraeli nîagaacoka atave arîa maamûtavîte. Ûguo nîguo Ngai-Mûnene Mwene vinya wonthe arauga.

Jeremia 50:22

Mbu ya mbaara nîîreguua vûrûrirî, nî gûcûkangie mûno!

Jeremia 6:24

Andû a Jerusalemu marauga atîrî, “Nîtwîguîte ûvoro wao, njara cietû ikathira vinya; nîtûgîte na ûrûrû ta rwa mûndûmûka agîciara.

Jeremia 8:18

Nîrî na kîeva gîtangîthira, nîrî mûrwaru ngoro.

Jeremia 8:21

Andû akwa marî ativie wananie nîrî mûtivie ngoro, nîracakaya na ngathirwa nî vinya viû.

Jeremia 9:1

Narî kethîrwa kîongo gîakwa nî kîthima Kîam manjî, na metho makwa matherûkage methori, nîguo ndîrage ûtukû na mûthenya, nîûndû wa andû akwa arîa maûragîtwe.

Jeremia 9:10

Nie naugire atîrî, “Nîngûrîrîra na njakaîre irîma, na njakaîre kûndû gwa kûrîthua, nîûndû kuonthe nî kûmîte, gûtirî mûndû ûvîtûkagîrîra kuo, na gûtiîgucagwa mûgambo wa ng'ombe. Iconi cia rîerarî na nyamû cia kîthaka nîciûrîte ikathiî.

Maca 1:16

“Nîûndû wa maûndû mau nînîrarîra, metho makwa magetûrûra methori. Gûtirî mûndû wanarî ûmwe ûngîmvoreria; gûtirî mûndû ûngînyûmîrîria, ciana ciakwa itigîtwe itarî kîndû, nîûndû nîrîmûvoote nî nthû yakwa.

Maca 1:20

“Ngai-Mûnene ta roria wone gûkaa gwakwa, mwoyo wakwa ndûrî na vinya. Ngoro yakwa nî munîkangu nîûndû mbîthîrîtwe nîrî mûremi. Njîrarî kûrî na mbûragano, nyomba nakuo nîta gîkuû.

Maca 2:11

Metho makwa mecûrîtwe nî methori, ngoro yakwa nî nthînîku mûno, mwoyo wakwa ûrî na kîeva kîngî mûno nîûndû wa andû akwa gûcûkangua, nîûndû ciana irîa nini iragirîkîra mîcemaniorî ya matûûra.

Danieli 4:19

Rîrîa Danieli ûrîa wîtagwa Beliteshazaru eeguire ûguo, nîwamakire na agîtangîka mûno meciriarî make. Kwoguo mûthamaki nîwamwîrire atîrî, “Danieli, ndûkathînîke nîûndû wa kîroto, kana nîûndû wa ûrîa kiugîte.” Nwatî Beliteshazaru nîwamûcokerie atîrî, “Mwathi wakwa, kîroto gîkî na ûrîa kiugîte kîroethîrwa kîgiî arîa makûmenete na nthû ciaku.

Danieli 7:15

“Rîrîa nie Danieli noonire cioneki icio, nînavavûkire na ngîthînîka mûno ngororî.

Danieli 7:28

“Ûcio nîguo mûthiia wa maûndû marîa nonire. Nie Danieli, nînathînîkire mûno ngororî na ngîtukia kîthithi, nwatî nînaigire maûndû mau monthe ngororî yakwa.”

Danieli 8:27

“Nie Danieli nînathirirwe nî vinya ngoro na ngîrwara mîthenya mîngî. Nînaacokire ngîvora na ngîcoka wîrarî ûrîa naveetwe nî Mûthamaki. Nînamakire mûno nîûndû wa kîoneki kîu na ndiavota gûtaûkîrwa nî kîo.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Habakuku 3:16

Mbîgucaga ûguo ngamakania, mîromo yakwa îkainaina nî guoya, mavîndî makwa makagondoka, magûrû makwa makainaina. Nîmbetererete ngirîrîrîtie mûthenya ûcio wa mûthiro, ûrîa ûgaûka kûrî andû arîa matûtharîkagîra.

Ndari 10:9

Vîndî îrîa mûrarûa na nthû yenyu îrîa îmûthithûkîrîte kûu vûrûrirî wenyu, vuvagani tûrumbeta na vinya mûno. Nie Ngai-Mûnene Ngai wenyu, nîngaamûtethia na nîmûvonokie kuuma kûrî nthû cienyu.

Aroma 10:1

Ariû na aarî a îthe wetû, wendi wa ngoro yakwa yonthe na mavoya makwa kûrî Ngai nî atî, andû etû mavonoke.

1Akor 14:8

Ethîrwa karumbeta nwa kavuvwe ûndû gatangîguîka waro, nû ûngîîvarîria kûthiî mbaararî?

Agal 4:19

Ciana ciakwa mendete, wa rîngî nîregua nîrî na ûrûrû mwîngî mûno nîûndû wenyu wata ûrûrû ûrîa mûndûmûka egucaga akîgîa na mwana. Nîmbîgua ûrûrû ûcio nginya rîrîa mûgaatuîka arûmîrîri a ma a Kristû.

Atir 5:21

Mwîcûro wa manjî ma Kishoni nîwamatwarire, mwîcûro warî na vinya wa rûnjî rwa Kishoni. Nîngaathiî na mbere, nîngaathiî na mbere na vinya.