Jeremia 4:1 - ÎVUKU RÎA ÛVORO MWARO

¹ Ngai-Mûnene arauga atîrî, “Mue andû a Isiraeli mûngîenda kûnjokerera njokererani. Mûngîruta indo irîa irî mûgiro mbere yakwa na mûtuîke evokeku kûrî nie,

Jeremia 4:1 ပူးပေါင်းရင်းမြစ်များ

Kîam 35:2

Jakovu nîwerire andû a mûciî wake na arîa onthe maarî nake atîrî, “Tani ngai ng'eni irîa mûrî nacio, mwîtherie, mûrute nguo irîa mûrî nacio mwîkîre ciîngî.

2Atha 23:13

Mûthamaki Josia nîwagwatirie mûgiro kûndû kûrîa gûtûgîru gwa kûgoocagîrwa mûthamaki Solomoni aatumîte mwena wa îrathîro wa Jerusalemu, kûthiî îveti rîa Kîrîma gîa Sini. Solomoni aatumîte kûndû kûu nîûndû wa kûgooca mîvuanano ya; Ashitorethu, ngai ya nga ya andû a Sidoni; Kemoshi, ngai ya andû a Moabu; na Moleku, ngai ya Aamoni na agîkûgwatia mûgiro.

2Atha 23:24

Mûthamaki Josia nîwarutire kuuma Jerusalemu na Juda arogi, aragûri, na ngai cia mîvuanano, na indo cionthe irîa ciarî mûgiro. Josia eekire ûguo nîguo avingie mawatho marîa mandîke îvukuurî rîrîa mûthînjîri-Ngai Hilikia oonire hekarûrî ya Ngai-Mûnene.

2Maû 15:8

Rîrîa mûthamaki Asa eegwire ûrathi ûrîa warirue nî Azaria mûvîcî wa Odedi, nîwagîre na ûmîrîru. Nîwarutire mîvuanano yonthe îrîa yarî vûrûrirî wa Juda na wa Benjamini na îrîa yarî matûûrarî monthe marîa aatavîte vûrûrirî ûrîa ûrî irîma wa Efiraimu na agîtuma rîngî metha ya kîgongoona ya Ngai-Mûnene îrîa yarî kîvarorî Kîam hekarû.

2Maû 33:8

Ndikaareka andû a Isiraeli mengatwa kuuma vûrûrirî ûyû neerîre methe mao rîngî, ethîrwa nîmakaarûmîrîra na kinyi maûndû monthe megiî mawatho monthe na matuîro ma ciira marîa namaathire kûvîtûkîrîra kûrî Musa.”

2Maû 34:33

Mûthamaki Josia nîwathiririe mîvuanano yonthe îrîa yarî mûgiro vûrûrirî wonthe wa andû a Isiraeli na agîtûma andû onthe arîa maarî Isiraeli matungatagîre Ngai-Mûnene, Ngai wao. Andû matiatiga kûrûmîrîra Ngai-Mûnene, Ngai wa methe mao ûtûûrorî wonthe wa mûthamaki Josia.

Isaia 31:6

Mue andû a Isiraeli, garûrûkîrani ûcio mwaregire na vinya.

Jeremia 15:19

Kwoguo Ngai-Mûnene arauga atîrî, “Ûngînjokerera nîngûgûcokia ûrîa wekariî mbere, nawe nî ûkandungatîra rîngî. Ûngîaria maûndû marîa magîrîrîte na tî marîa matarî vata, we ûkaragia vandûrî vakwa. Andû nîmagagûcokerera, nwatî we ndûkaathiî kûrî o.

Jeremia 15:4

Nîngatûma matuîke andû a kûmakia mothamaki monthe ma nthî, nîûndû wa maûndû marîa Manase mûvîcî wa Hezekia ekire kûu Jerusalemu rîrîa aarî mûthamaki wa Juda.

Jeremia 18:11

Kwoguo rîu, îra andû a Juda na atûûri a Jerusalemu atî nie Ngai-Mûnene, nînîravanga maûndû macûku îgûrû rîao. Nînîravanga ûrîa ngûmaverithia. Garûrûkani muonthe, wa mûndû atigane na mîthiîre yake mîcûku, mûrûngarie mîthiîre yenyu na ciîko cienyu.

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Jeremia 25:5

Maamwîraga atîrî, “Mûndû wa wonthe nîatigane na mîthiîre yake mîcûku na maûndû ma waganu; nîguo mûtûûre vûrûrirî ûrîa Ngai-Mûnene aamûveere vamwe na methe menyu ûtuîke wenyu tene na tene.

Jeremia 3:1

Mûndû mûrûme angîta mûka, na athiî akînagûrwa nî mûndûmûrûme wîngî, mûndû mûrûme ûrîa wamûvikîtie mbere, nwa acokerere mûndûmûka ûcio rîngî? Na kinthî gwîka ûguo tî kûgwatia vûrûri wonthe mûgiro? Nwatî we Isiraeli nî ûvûrîte ûmaraa na anyanya engî, rîu we ûrenda kûnjokerera? Ûguo nîguo Ngai-Mûnene arauga.

Jeremia 3:12

Thiî wanîrîre ndûmîrîri îno kûrî andû a rûgûrû, na ûmeere atî: Njokererani mue andû a Isiraeli mûtarî evokeku; ûguo nîguo Ngai-Mûnene arauga. Nie tînîmûroria nîrî na marakara, nîûndû nîrî ntha; tîndûûra ndakarîte nîwe. Ûguo nîguo Ngai-Mûnene arauga.

Jeremia 3:14

Ngai-Mûnene arauga atîrî, “Njokererani, mue ciana ciakwa mûtarî evokeku; nîûndû nînie mwathi wenyu; nîngamwoca ûmwe kuuma îtûûrarî rîmwe, na andû aîrî kuuma wa mûciî; na nîmûvire Zayuni.

Jeremia 3:22

Njokererani mue ciana ciakwa mûtarî evokeku nîngamûvonia na nîmûtue evokeku. Taroria nîtwaûka kûrî we; nîûndû we nîwe Ngai-Mûnene Ngai wetû.

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 36:3

Nwa kwîthîrwa andû a Juda nîmakwîgua maûndû monthe macûku marîa mvangîte kûmeka, nîguo wa mûndû agarûrûke atigane na mîthiîre yake mîcûku, nanie nîmarekere mevia mao na maûndû macûku marîa mekîte.”

Jeremia 4:4

Mue andû a Juda na atûûri a Jerusalemu, îtherieni mûrî mbere yakwa nie Ngai-Mûnene, igani ngoro cienyu îrî ntheru mûrî mbere yakwa. Ethîrwa tî mwîka ûguo nîmbakanwa nî marakara, na gûtirî mûndû ûngîmavoria, nîûndû wa maûndû macûku marîa mwîkaga.”

Jeremia 7:3

Ngai-Mûnene mwene vinya wonthe, Ngai wa Isiraeli arauga atî mûrûngarie mîthiîre yenyu na ciîko cienyu, na nîngûmwîtîkîria mûthiî na mbere gûtûûra vûrûrirî ûyû.

Jeremia 7:5

“Rûngariani mîthiîre yenyu na ciîko cienyu na mwîkage maûndû ma kîvooto, kûrî mûndû na mûndû ûrîa wîngî.

Jeremia 7:7

Nîûndû mweka ûguo nîngûmwîtîkîria gûtûûra vûrûrirî ûyû, ûrîa naveere methe menyu matûûre kuo tene na tene.

Ezek 11:18

Rîrîa magaacoka vûrûrirî ûcio, nîmakaaruta indo cionthe irîa menete na mîvuanano yonthe kuuma kuo.

Ezek 18:13

nîakovithanagia indo agetia umithio na agoca maciaro makîria, nî agatûûra mwoyo? Ndagaatûûra mwoyo. Nîekîte maûndû monthe marîa marî mûgiro na nîagaakua. Ke nîagaacokererwa nî nthakame yake ke mwene.

Ezek 43:9

Rîu nîmatige kûgooca mîvuanano na mavire ciimba cia athamaki ao kûraca nanie, nanie nîngûtûûrania nao tene na tene.

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Hosea 2:2

Tetiani nyûkwe mûtetieni, nîûndû rîu ke tî mûka wakwa, nanie tînie mûthuuriwe. Mwîreni aume atigane na ûtharia wake, mwîreni atigane na ûraa wake.

Hosea 7:16

Nîmagarûrûkîrîte ngai ya Baali, mekariî ta ûta mûregerû. Atongoria ao makaûragîrwa mbaararî, nîûndû wa ciugo ciao cia mwîtîîo. Kwoguo nîmakaanyararwa marî vûrûri wa Misiri.

Joeli 2:12

“Nwatî kûnarî ûguo,” nie Ngai-Mûnene nauga atîrî, “Njokererani na ngoro yonthe, na njîra ya kwînyerekia, kûrîra na gûcakaya.

Zakaria 1:4

Mûtigekare ta methe menyu ma tene arîa meerirwe nî arathi arîa maarî kuo mbere matigane na mîthiîre yao mîcûku na ciîko ciao njûku, nwatî matianthikîrîria kana mambathîkîra nie Ngai-Mûnene mwene vinya wonthe.

Gûco 27:15

“ ‘Kûnyitwa nî kîrumi nî mûndû ûrîa ûkaarûtha ngai ya mûvuanano na akamîgoocaga na nthitho. Ngai-Mûnene nîathûrîte ûgooci wa mîvuanano.’ “Nao andû onthe nîmakaauga, ‘Ameni!’

Gûco 4:30

Rîrîa mûkaagîa na mathîna na maûndû mama monthe mekîke kûrî mue, nîmûgaacokerera Ngai-Mûnene, Ngai wenyu na mûmwathîkîre.

Josh 24:14

“Nake Joshua nîwathiîre na mbere kwîra andû a Isiraeli atîrî, “Rîu îtigagîreni Ngai-Mûnene na mûmûtungatagîre mûmwîvokete na ma. Tiganani na ngai irîa methe menyu ma tene maagoocaga marî Mesopotamia na marî Misiri. Tungatagîrani Ngai-Mûnene arî wenga.

Atir 10:16

Kwoguo nîmaatere ngai icio maarî nacio na magîtungatîra Ngai-Mûnene. Nake Ngai-Mûnene nîwegwire ntha nîûndû wa ûrîa Aisiraeli maanyarirîkîte.

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”