Jeremia 39:9 - ÎVUKU RÎA ÛVORO MWARO

⁹ Nake Nebuzaradani na mûnene wa arangîri nîwocire andû acio engî maatigarire kûu îtûûrarî na arîa meevecanîte kûrî mûthamaki na makîmavira Babuloni marî mîgwate.

Jeremia 39:9 ပူးပေါင်းရင်းမြစ်များ

Kîam 37:36

Vîndî wa îo, Amidiani nîmeendetie Josefu Misiri kûrî mûnene ûmwe wa Mûthamaki wa Misiri wetagwa Potifa. Potifa nîke warûngamagîrîra athigari arîa meekaraga kwa mûnene.

2Atha 20:18

Anake amwe aku, arîa ûciarîte we mwene nîmakaathiîwa nao na matuwe ngaramba nîguo matungatage mûciî kwa mûthamaki wa Babuloni.”

2Atha 25:11

Nebuzaradani nîwacokire akînyita andû onthe arîa maatigîtwe îtûûrarî vamwe na andû arîa maathiîte na makerekereria kûrî mûthamaki wa Babuloni na akîmavira îthamîriorî.

2Atha 25:20

Nebuzaradani, mûnene wa arangîri nîwocire andû acio na akîmavira kûrî mûthamaki wa Babuloni kûu Ribula.

Isaia 5:13

Kwoguo nîngaavira andû akwa îthamîriorî nîûndû wa kwaga ûmenyo. Atongoria ao nîmagaakua nî yûra, na andû eengî nîmagaakua nî nyonda.

Jeremia 10:18

Nîûndû Ngai-Mûnene arauga atîrî, “Taroria, nîngûmwikia nja ya vûrûri ûyû, nîngamaretithîria mathîna meengî mûno.”

Jeremia 16:13

Kwoguo nîngûmwîngata kuuma vûrûri ûyû nîmûvire ûrîa mue wana kana methe menyu matanamenya. Mûrî kûu nîmûgaatungatîra ngai ciîngî ûtuku na mûthenya, na ndikamwîguîra ntha.’ ”

Jeremia 24:8

“Nwatî ûvoro wîgiî Zedekia mûthamaki wa Juda, nie Ngai-Mûnene nîrauga atî, wata ûrîa ngûyû icio irî njûku ûndû itangîrîka, nîguo ngamwîka ke mwene, atongoria andû arîa matigarire Jerusalemu na arîa matûûraga vûrûrirî wa Misiri, wana arîa maathamîre vûrûrirî wa Misiri.

Jeremia 38:19

Nake mûthamaki Zedekia nîwerire Jeremia atîrî, “Nînîretigîra Ayahudi arîa maaumire gûkû makîthiî gîtûûra gwa Akalidei, nîûndû navota kûnenganîrwa kûrî o, nao mamverithie.”

Jeremia 40:1

Kiugo nîgîakinyîre Jeremia kuuma kûrî Ngai-Mûnene vuva wa kûrekererua aume Rama nî Nebuzaradani mûnene wa arangîri a mûthamaki. Mûnene ûcio wa arangîri nîwocete Jeremia arî mwove na mvîngû vamwe na andû kuuma Jerusalemu na Juda arîa onthe maanyitîtwe mavirwe îthamîriorî Babuloni.

Jeremia 40:7

Anene onthe a athigari a mbaara vamwe na andû ao nîmegwire atî mûthamaki wa Babuloni nîwathuurîte Gedalia mûvîcî wa Ahikamu atuîke mûnene wa vûrûri. Wana nîmegwire atî nîwamûtuîte mûrûngamîrîri wa arûme, aka, na ciana na andû arîa athîni arîa mataavirwa îthamîriorî Babuloni.

Jeremia 52:26

Nake Nebuzaradani mûnene wa arangîri nîwamavirire kûrî mûthamaki wa Babuloni ûrîa warî îtûûrarî rîa Ribula.

Jeremia 52:27

Nake Nebukadinezarû mûthamaki wa Babuloni nîwamarivire na akîmaûragîra îtûûrarî rîa Ribula vûrûrirî wa Hamathi. Ûguo nîguo andû a Juda maatavirwe na makîthamua kuuma vûrûrirî wao.

Danieli 2:14

Na rîrîa Arioki mûnene wa andû arîa maarangagîra kwa mûthamaki aathiîte kûûraga andû arîa aûgî a Babuloni, Danieli nîwamwarîrie ciugo irî na ûûgî na wara,

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Gûco 4:27

Ngai-Mûnene nîakaamûnyagania mavûrûrirî marîa mengî, nwatî nî andû anini magaatigara kûu mavûrûrirî mau.