Jeremia 39:5 - ÎVUKU RÎA ÛVORO MWARO

⁵ Nwatî athigari a mbaara a Akalidei nîmaamarûmîrîre na magîkinyîra Zedekia vakuvî na Jeriko. Mamûnyita nîmaamûvirire kûrî mûthamaki Nebukadinezarû îtûûrarî rîa Ribula vûrûrirî wa Hamathi, nake mûthamaki nîwamûtuîrîre.

Jeremia 39:5 ပူးပေါင်းရင်းမြစ်များ

2Sam 8:9

Rîrîa Toi mûthamaki wa Hamathi eegwire atî Daudi nîwavooteete athigari onthe a mbaara a Hadadezeri,

2Atha 17:24

Mûthamaki wa Asîria nîwarutire andû kuuma matûûrarî ma Babuloni, Kutha, Ava, Hamathi, na Sefarivaimu, na akîmavira matûûrarî manene ma Samaria kûrîa andû a Isiraeli maatûûraga mbere ya mavirwe îthamîriorî. Nîmegwatîre matûûra manene ma Samaria na magîtûûra kuo.

2Atha 23:33

Neko mûthamaki wa Misiri nîwamûvirire Ribula vûrûrirî wa Hamathi arî mûgwate, nîguo ndakathiî na mbere kwathana arî Jerusalemu. Mûthamaki Neko nîwatûmire vûrûri wa Juda ûrute gooti ya kilo ngiri ithatû na magana mana (3,400) cia sîlûva na kilo mîrongo îthatû na inya (34) cia thaavu.

2Atha 25:6

Athigari acio nîmaanyitire Zedekia na makîmûvira kûrî mûthamaki Nebukadinezarû, ûrîa vîndî îo warî îtûûrarî rî Ribula. Nebukadinezarû nîwamûtuîrîre arî kûu.

2Maû 33:11

Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

Isaia 22:3

Atongoria enyu onthe nîmaaûrire, nao nîmaanyitirwe wana mataikîtie mûguî wanarî ûmwe. Andû enyu onthe arîa maanyitîkanire nî maatavirwe, wana ethîrwa nîmaaûrîte makathiî kûndû kûraca.

Jeremia 21:7

Nie Ngai-Mûnene nîrauga atî vuva wa ûguo, nîngaavecana Zedekia mûthamaki wa Juda, ndungata ciake, na andû a îtûûra rîîrî, arîa magatigarua nî mîrimû, mbaara na yûra kûrî mûthamaki Nebukadinezarû wa Babuloni na nthû cienyu irîa ciendaga kûmûraga. Nebukadinezarû akamaûraga na rûviû na gûtirî mûndû ûgaatigara kana arekererue wana kana eguîrwa ntha.”

Jeremia 24:8

“Nwatî ûvoro wîgiî Zedekia mûthamaki wa Juda, nie Ngai-Mûnene nîrauga atî, wata ûrîa ngûyû icio irî njûku ûndû itangîrîka, nîguo ngamwîka ke mwene, atongoria andû arîa matigarire Jerusalemu na arîa matûûraga vûrûrirî wa Misiri, wana arîa maathamîre vûrûrirî wa Misiri.

Jeremia 38:18

Nwatî ûngîrega kwîvecana kûrî atongoria a mûthamaki wa Babuloni, îtûûra rîîrî nîrîkûvecanwa kûrî Akalidei na marîvîvie na mwaki, na ndûkavota kwîvonokia kuuma kûrî o.”

Jeremia 38:23

“Aka aku wana avîcî aku nîmakaavirwa gwa Akalidei, na we mwene ndûkavonoka ume njararî ciao, nwatî nîûkanyitwa nî mûthamaki wa Babuloni na îtûûra rîîrî rîvîvue na mwaki.”

Jeremia 4:12

Rûkûngi rûnene ûguo rumîte kûrî Ngai-Mûnene. Rîu nînie Ngai-Mûnene nîramatuîra ciira!”

Jeremia 44:30

Nîngaarekereria Hofira mûthamaki wa Misiri kûrî nthû ciake na kûrî arîa mamûcaragia mamûûrage, wata ûrîa naarekererie Hezekia mûthamaki wa Juda kûrî Nebukadinezarû mûthamaki wa Babuloni ûrîa warî nthû yake na wendaga kûmûûraga.”

Jeremia 49:23

Ûvoro wîgiî Damesiki Ngai-Mûnene arauga atîrî, “Andû a matûûra ma Hamathi na Aripadi nîmamakîte, nîûndû nîmeguîte maûndû macûku. Marainaina nî guoya, ta îria rîkinaiana, na rîtingîvorera.

Maca 1:3

Andû a Juda nîavire îthamîriorî, marî ngombo na marî na mathîna meengî. Matûûranagia na andû a ndûrîrî, na mationaga vandû mangîvurûka. Arîa onthe mamarûmîrîrie nîmaamanyitire, matiarî na gwa kûûrîra.

Maca 4:20

Nîmaanyitire mûnene, ûrîa wathuurîtwe nî Ngai-Mûnene, ûrîa twevokete atî nîke ûgatûgitîra kuuma kûrî nthû cietû.

Ezek 23:24

Nao nîmagaakûtharîkîra kuuma mwena wa rûgûrû marî na ikaari cia mbaara na cia gûkuua mîrigo na gîkundi Kîam andû eengî. Nîmagaakûrigicîria kuuma na mîena yonthe marî na ngo nene na nini na ngovia cia cuuma cia kûgitîra ciongo. Nîngaametîkîria magûtuîre ciira, na nîmagaagûtuîra kûringana na watho wao.

Habakuku 1:7

Acio nî andû a kwîguithia andû guoya na a kûmakania; kîvooto na ûndû ûrîa mwagîrîru umanaga na o.

Ndari 13:21

Kwoguo athigani acio nîmaaunûkirie na makîthigana vûrûri ûcio mambîrîrîtie werû wa Zini nginya Rehobi vakuvî na njîra îrîa îthiîte Hamathi.

Josh 13:5

Wana vûrûri wa Gebali, Lebanoni yonthe îrîa îrî mwena wa îrathîro kuuma Baali-gadi nthî ya kîrîma Kîam Herimoni kûthiî nginya mwanyarî wa Hamathi.

Josh 4:13

Andû ta ngiri mîrongo îna (40,000) mevarîrîtie nîûndû wa mbaara nîmaavîtûkîre methorî ma Ngai-Mûnene na makîthiî vandû varaganu vakuvî na Jeriko.

Josh 5:10

Andû a Isiraeli nîmeekarire Giligali werûrî vandû varaganu vakuvî na Jeriko varîa maambîte magema. Na kîvwaî Kîam mûthenya wa îkûmi na kana wa mweri ûcio nîmaagîre na kîrugo gîa gûkûngûîra pasaka.

Atir 3:3

Ndûrîrî irîa ciatigirwe vûrûrirî wa Kanaani ciarî anene atano a Afilisiti, Akanaani onthe, Asidoni na Ahivi arîa maatûûraga kîrîmarî Kîam Lebanoni kuuma kîrîma Kîam Baali Herimoni nginya mwanyarî wa Hamathi.