Jeremia 39:4 - ÎVUKU RÎA ÛVORO MWARO

⁴ Rîrîa Zedekia mûthamaki wa Juda na athigari ake onthe maamonire, nîmaaumire kûu îtûûrarî ûtukû makîûra. Mavîtûkîrîre mûgûndarî wa maûa wa mûthamaki, matonyerete mûrangorî ûrîa warî gatagatî ka nthingo igîrî na makîthiî merekerete Araba.

Jeremia 39:4 ပူးပေါင်းရင်းမြစ်များ

2Maû 32:5

Hezekia nîwarutire wîra na vinya wa gûtuma rîngî rûthingo rwa Jerusalemu kûrîa rwarî rwomomoku na agîtuma nyomba ndaca na îgûrû cia arangîri rûthingorî rûu. Nîwatumire rûthingo rwa kaîrî mwena wa nja wa rûthingo rûu na agîtuma kûndû kûrîa gwecûrîtue mûthetu mwena wa îrathîro wa îtûûra rîa Daudi nîguo kûgîe na vinya. Wana nîwarûthire ngo na indo nyîngî cia mbaara.

Isaia 22:11

Nîmwatumire îtangi gatagatî ka nthingo igîrî nîguo rigage manjî rîrîa magwîtîka kuuma kariarî karîa ka mbere. Nwatî mûtiacaria Ngai ûrîa wavangire maûndû mau, na mûtiaûria ûtethio wa Ngai ûrîa wavangire maûndû mau kuuma tene.

Isaia 22:3

Atongoria enyu onthe nîmaaûrire, nao nîmaanyitirwe wana mataikîtie mûguî wanarî ûmwe. Andû enyu onthe arîa maanyitîkanire nî maatavirwe, wana ethîrwa nîmaaûrîte makathiî kûndû kûraca.

Isaia 29:2

Kûnarî ûguo nîngaatûma Jerusalemu kûgîe kîeva, na nîgûkaagîa kîrîro na macakaya, na kûrî nie îtûûra rîu rîkethîrwa rîkariî ta metha ya kîgongoona îrî na nthakame.

Jeremia 32:4

Zedekia mûthamaki wa Juda ndakaûra aume njararî cia Akalidei, nwatî nîakwonana nake ûthiû kwa ûthiû na maranîrie nake ke mwene.

Jeremia 32:5

Zedekia nîakaavirwa Babuloni na nîagaatûûra kûu nginya rîrîa ngatua ûrîa ngeeka nake. Wana arûa na andû a Babuloni, ndakavootana. Ûguo nîguo nie Ngai-Mûnene nauga.’ ”

Ezek 12:12

Mûtongoria ûrîa ûrî gatagatî kao nîagaakuua mûrigo wake kûrî na nduma, na aumîrîre îrimarî rîrîa aatûrîkirie rûthingorî na athiî. Nîagaakunîka ûthiû wake nîguo ndakoone vûrûri kûrîa athiîte.

Ezek 12:4

Ûkaaruta mûrigo waku ûthiî îthamîriorî mûthenya makîonaga. Na ûkaathiî kîvwaî magîkwonaga ta ûrîa andû arîa mathiîcaga îthamîriorî mekaga.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Alawi 26:36

Nîngaatûma andû enyu arîa marî îthamîriorî mecûrwe nî guoya nginya mamakague nî mûgambo wa îthangû rîkinainua nî rûkûngi. Mûkaaûraga takwa mûvinyûrîtue mûkîûrîra mbaara, na mûkaagûcaga wana gûtarî nthû imûvinyûrîtie.

Amosi 2:14

Andû arîa marî îvenya mûno matikoona gwa kûûrîra, andû arîa marî vinya mwîngî nîmakaathirwa nî vinya, na athigari matikaavota kûvonokia mîoyo yao.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.