Jeremia 39:18 - ÎVUKU RÎA ÛVORO MWARO

¹⁸ Nîûndû nama nîngaakûgitîra na ndûkaûragîrwa mbaararî; nwatî nîûkavonokia mwoyo waku nîûndû wîthîrîtwe ûrî mwîvokeku mbere yakwa. Ûguo nîguo nie Ngai-Mûnene nauga.”

Jeremia 39:18 ပူးပေါင်းရင်းမြစ်များ

1Maû 5:20

Nîmaaigire mwîvoko wao kûrî Ngai na makîmûvoya amatethie. Nake Ngai nîwegwire mavoya mao na nîwamatethirie makîvoota andû a Hagiri vamwe na andû arîa maarî ngwatanîro nao.

Ayubu 5:20

Vîndî ya yûra nîagaakûvonokia kuuma kûrî gîkuû, na vîndî ya mbaara nene nîgagûtethûra kuuma kûrî gîkuû.

Thaburi 147:11

Nwatî Ngai-Mûnene akenagua nî arîa mamwîtigagîra, arîa mevokaga wendo wake ûtathiraga.

Thaburi 2:12

mûgooceni mwînyivîtie, nîguo ndakarakare na îvenya, mûkua mûtakinyitie. Kûrathimwa nî andû onthe arîa mathiîcaga kûrî Ngai amagitîre.

Thaburi 33:18

Ngai-Mûnene nîaroragia arîa mamwathîkagîra, arîa mevokete wendo wake ûtathiraga.

Thaburi 34:22

Ngai-Mûnene nîavonokagia mîoyo ya andû ake; arîa mathiîcaga kûrî ke nîguo amagitîre matikaaverithua.

Thaburi 37:3

Îîvokeni Ngai-Mûnene na mwîkage waro, nîguo mûtûûre vûrûrirî ûyû mûrî na thayû.

Thaburi 84:12

We Ngai-Mûnene, mwene vinya wonthe, kûrathimwa nî mûndû ûrîa ûkwîvokete.

Thaburi 91:7

Andû ngiri îmwe nwa magwe vakuvî nawe, andû ngiri îkûmi magwe mwena waku wa ûrîo, nwatî gûtirî mûthiro ûgaagûkuvîvîria.

Isaia 26:3

We Ngai-Mûnene, arîa magwîtîkîtie, nîûmaigaga marî na thayû mûkinyanîru, nîûndû nwawe mevokete.

Jeremia 21:9

Mûndû wa wonthe ûgatigwa îtûûrarî rîîrî nîakaaûragîrwa mbaararî nî yûra na mûrimû. Nwatî ûrîa ûkaumîra na enenganîre kûrî Akalidei arîa mamûrigicîrîtie, nîakaavonokia mwoyo wake.

Jeremia 38:2

Ngai-Mûnene augîte atî, “Mûndû wa wonthe ûgatigwa vûrûri ûyû nîakaaûragîrwa mbaararî, aûragwe nî yûra na mîrimû. Nwatî ûrîa ûkaumîra na evecane kûrî Akalidei nîagaatûûra mwoyo na avonokie mwoyo wake.

Aroma 2:12

Andû onthe arîa mevîtie matarî wathorî makaathirua vatarî watho, nao andû arîa mevîtie marî wathorî magaatuîrwa kûringana na watho.

Aefeso 1:12

Tigani tue arîa twathuurirwe na twarî a mbere kwîrîgîrîra Kristû tûkumie riiri wa Ngai!

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.