Jeremia 38:4 - ÎVUKU RÎA ÛVORO MWARO

⁴ Nao anene nîmeerire mûthamaki atîrî, “Mûndû ûyû nîwagîrîrwe nî kûragwa nî ûndû nîathirîtie athigari arîa matigîtwe gûkû îtûûrarî vinya vamwe na andû onthe nîûndû wa kwaria ciugo ta icio. Mûndû ûyû ndacaragia wagîrîru wa andû aya, nwatî amacaragîria maûndû macûku.”

Jeremia 38:4 ပူးပေါင်းရင်းမြစ်များ

1Atha 21:20

Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

2Maû 24:21

Mûthamaki Joashi na andû ake nîmaavangire ûrîa makûûraga Zekaria na nîmaamûragîre kîvarorî gîa hekarû na mathiga.

Ezira 4:12

“Nîtûkwenda we mwathi wetû ûmenye atî Ayahudi arîa maaumire mavûrûrirî marîa mengî maku na magîûka gûkû nîmaathiîre Jerusalemu na magîtûûra kuo. Andû acio nîmaambîrîrîtie gûtuma rîngî îtûûra rîu rîaganu na rîareganire nawe. Nîmaratuma nthingo ciarîo rîngî wa vamwe na mîcingi na marî vakuvî kûirîkia.

Nehemia 6:9

Meendaga gûtûmakia magîciria nîtûgûtiga kûruta wîra. Nwatî nînavoire ngiuga atîrî, “Ngai tûma ngîe na vinya.”

Ntha 5:4

Nwatî mûthamaki nîwerire Musa na Aroni atîrî, “Mue mûrenda kûgiria andû marute wîra wao nîkî? Nîmacoke onthe wîrarî wao!

Jeremia 11:21

Kwoguo, ûvoro wîgiî andû a Anathothi arîa marenda kûmbûraga Ngai-Mûnene arauga atîrî, “Ndûkarathe ûvoro ûkîgwetaga rîîtwa rîa Ngai-Mûnene, na weka guo nîtûgûkûraga.”

Jeremia 18:23

Nwatî we Ngai-Mûnene nîwîcî mîvango yao yonthe ya kûmbûraga, ndûkamarekere maûndû mao macûku, kana ûthirie wîvia wao methorî maku. Tiga magwe nthî mbere yaku, marive ûrî na marakara.

Jeremia 26:11

Athînjîri-Ngai na arathi nîmaacokire makîra anene na andû onthe atîrî, “Mûndû ûyû avatiî gûtuîrwa kûûragwa, nîûndû nîarathîte maûndû macûku megiî îtûûra rîîrî. Muonthe nîmweîguîra na matû menyu.”

Jeremia 29:7

Caragiani thayû wa îtûûra rîrîa natûmire mûthamîrue na mûvoyage Ngai-Mûnene nîûndû warîo, nîûndû maûndû mao nîmagûtuîka maro.

Jeremia 38:16

Nake mûthamaki Zedekia nîwevîtire mbere ya Jeremia na nthitho akiugaga atîrî, “Wata ûrîa Ngai-Mûnene atûûraga mwoyo, Ngai ûrîa watûveere mwoyo, ndigaakûûraga, kana ngûrekereria kûrî andû aya marenda gûkûûraga.”

Jeremia 38:25

Anene mangîkegua atî nîmbarîtie nawe, na macoke makwîre atî, ‘Tatwîre ûrîa mûraririe na mûthamaki na aragûcokerie atîa na tîtûkûûraga,’

Jeremia 43:3

Baruku mûvîcî wa Neria nîke ûkûringîrîrîtie warie maûndû mama, nîguo twîkare gûkû tûcoke tûûragwe nî Akalidei, kana matûvire îthamîriorî Babuloni.”

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Amosi 7:10

Amazia mûthînjîri-Ngai wa îtûûra rîa Betheli nîwavirîre mûthamaki Jeroboamu wa Isiraeli ndûmîrîri îno: “Amosi nîavangîte ûndû mûcûku gatagatî gaku na andû a Isiraeli. Maûndû marîa ethîrîtwe akîaria nwa macûkangie vûrûri ûyû.

Luka 23:2

Nao nîmaambîrîrie kûmûthitanga makiugaga atîrî, “Tue tûranyitire mûndû ûyû akîvîtithia andû a vûrûri wetû. Arameeraga matikarutîre mûthamaki wa Roma mbeca cia gooti na akauga atî ke nîke Mesaya, mûthamaki.”

Ciîko 16:20

Nao nîmaamaretire kûrî acirithania na makiuga atîrî, “Andû aya nî Ayahudi, na nîmaratûma kûgîe na mathîna gûkû îtûûrarî rîîrî rîetû.

Ciîko 17:6

Nwatî rîrîa maaregire kûmona, nîmaakururirie Jasoni na etîkia amwe makîmavira mbere ya athani a îtûûra na makiugîrîria atîrî, “Andû aya nîmatûmîte kûgîe na thîna kûndû kuonthe! Na rîu nîmaûka îtûûrarî rîetû,

Ciîko 24:5

Tue nîtûrîkîtie kwona atî mûndû ûyû nî mûcûku. Ke nîwambagîrîria gacagaca gatagatîrî ka Ayahudi onthe arîa marî nthî yonthe, na nîke mûtongoria wa Kîamma Kîam Anazari.

Ciîko 28:22

Nwatî nîtûrenda kûmenya meciria maku, nîûndû nîtwîcî atî kûndû kuonthe andû nîmaramenereria gîkundi kîu Kîam ndini kîrîa we ûrî wakîo.”