Jeremia 38:19 - ÎVUKU RÎA ÛVORO MWARO

¹⁹ Nake mûthamaki Zedekia nîwerire Jeremia atîrî, “Nînîretigîra Ayahudi arîa maaumire gûkû makîthiî gîtûûra gwa Akalidei, nîûndû navota kûnenganîrwa kûrî o, nao mamverithie.”

Jeremia 38:19 ပူးပေါင်းရင်းမြစ်များ

2Maû 30:10

Kwoguo, anjaama nîmaathiîre matûûrarî monthe vûrûrirî wa Efiraimu na Manase na nginya Zebuluni. Nwatî andû nîmaamathekerere na makîmanyûrûria.

Nehemia 4:1

Rîrîa Sanibalati eegwire atî tue Ayahudi nîtûratuma rîngî rûthingo, nîwarakarire mûno na nîwambîrîrie gûtûnyarara.

Ayubu 31:34

Ndianegua guoya ngîrûngama mbere ya mwîngî, ndianakira kana nîvingîra nyomba, ngîîtigîra kûnyararwa na kûthirîkua nî andû.

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Isaia 57:11

Ngai-Mûnene araûria atîrî, “Mwegucaga guoya na mûgetigîra ûrîkû, atî nîguo mûveenanie, na mûtiandirikana, wana kana mwîciria ûvoro wakwa wanarî vanini? Mwatigire kûnîîtigîra nîûndû nîngirîte kavinda karaca?

Jeremia 20:7

We Ngai-Mûnene nîûmveenetie nanie ngaveeneka, we ûrî na vinya kûngîra na wî mûmvootu. Mûthenya mûgima nduîkîte kîndû gîa kûthekererwa, nthekagîrîrwa nî andû onthe.

Jeremia 38:22

Kîonekirî kîu, nînonire aka arîa maatigirwe mûciî kwa mûthamaki wa Juda makîvirwa kûrî anene a mûthamaki wa Babuloni. Nao maathiîte makiugaga atî, ‘Arata aku arîa wetîkîtie mûno nîmakûveenetie na nîmakûvootete, nîûndû magûrû maku nîmavorokeru ndakarî, nîmareganîte nawe magagûtiganîria.’

Jeremia 38:5

Mûthamaki Zedekia nîwaugire atîrî, “Ethîrwa nîguo mûkwona kwagîrîrîte, mwîkeni wa ûrîa mûkwona, nie ndingîmûgiria.”

Jeremia 39:9

Nake Nebuzaradani na mûnene wa arangîri nîwocire andû acio engî maatigarire kûu îtûûrarî na arîa meevecanîte kûrî mûthamaki na makîmavira Babuloni marî mîgwate.

Johana 12:42

Nakuo kwarî na anene eengî a Ayahudi maamwîtîkirie, na nîûndû nîmeetigagîra Afarisai nîmaaremirwe nî kwaria cararûkû ûvoro ûmwîgiî nîguo matikengatwe kuuma îvoerorî.

Atir 16:25

Rîrîa meecûrirwe nî gîkeno nîmaaugire atîrî, “Îtani Samusoni nîguo atûthondekere mîthako!” Kwoguo nîmeetire Samusoni kuuma njeera. Nîwamathakîre mîthako na makîmûrûngamia gatagatî ka itugî igîrî.

Atir 9:54

Wa rîmwe Abimeleki nîwacokire agîta mwanake ûrîa wamûkuuagîra indo ciake cia mbaara na akîmwîra atîrî, “Comora rûviû rwaku na ûmbûrage. Ndikwenda andû makauga atî naûragirwe nî mûndûmûka.” Nake mwanake ûcio nîwamûmundire akîmûtûrîkania na agîkua.

1Sam 15:24

Nake Saûlo nîwerire Samueli atîrî, “Îî, nie nînjîvîtie. Nînaaregire gwîka ûrîa Ngai-Mûnene ambathîte, wana ûrîa we wambîrîte. Nînetigîre andû akwa na ngîka ûrîa meendaga.

1Sam 31:4

Saûlo nîwacokire akîra mwanake ûrîa wamûkuuagîra indo cia mbaara atîrî, “Comora rûviû rwaku na ûmbûrage nîguo Afilisiti aya matetigîrîte Ngai matigaûke kûnthekerera na mambûrage.” Nwatî mwanake ûcio nîwegwire guoya nyîngî mûno na ndangîavotire gwîka ûguo. Kwoguo Saûlo nîwocire rûviû rwake na akîîgwîthia îgûrû rîa ruo.