Jeremia 37:20 - ÎVUKU RÎA ÛVORO MWARO

²⁰ Rîu nîrakûvoya ûnthikîrîrie, we mwathi wakwa mûthamaki. Nîrakûthaitha mûno ûthikîrîrie mathaithana makwa. Wenda tu ndûkanjokie njeera rîngî, kûu nyomba ya Jonathani nîguo ndigakuîre kuo.”

Jeremia 37:20 ပူးပေါင်းရင်းမြစ်များ

Thaburi 119:170

Tiga mathaithana makwa makinye kûrî we; mvonokia wata ûrîa waranîre.

Jeremia 26:15

Nwatî menyani nama atî mwambûraga, mue na îtûûra rîîrî rîonthe atî nîmûgûcokererwa nî nthakame ya mûndû ûtarî na mavîtia, nîûndû nama nî Ngai-Mûnene wandûmire mbarie ciugo ino mûkîgucaga.”

Jeremia 36:7

Nwa kwîthîrwa Ngai-Mûnene nwa egue mathaithana mao, na atî mûndû wa wonthe nwa atigane na mevia make, nîûndû Ngai-Mûnene nîakûverithia andû aya arî na marakara na mang'ûrîka meengî.”

Jeremia 38:26

nawe ûgacoka ûmeere atî, ‘Nîkwa nîrathaithaga mûthamaki na njîra ya wînyivia mwîngî atî ndigacokue nyomba kwa Jonathani nîguo ndigakuîre kuo.’ ”

Jeremia 38:28

Jeremia nîwekarire kûrîa arangîri meekaraga nginya mûthenya ûrîa îtûûra rîa Jerusalemu rîatavirwe.

Jeremia 42:2

nîmaathiîre kûrî Jeremia na makîmwîra atîrî, “Wenda tu thikîrîria ûrîa tûrakûria! Îtîkîra gûtûthaithanîra kûrî Ngai-Mûnene Ngai waku, nîûndû wa andû aya matigarîte, (nîûndû twarî andû engî nwatî rîu tûtigarîte tûrî anini tu, wata ûguo ûrona).