Jeremia 37:15 - ÎVUKU RÎA ÛVORO MWARO

¹⁵ Anene acio nîmaarakarire mûno nîûndû wa Jeremia na nîmaamûrivire na makîmwova, na makîmwiga nyomba kwa Jonathani îrîa yagarûrîtwe îgatuîka njeera.

Jeremia 37:15 ပူးပေါင်းရင်းမြစ်များ

Kîam 39:20

na akîathana Josefu anyitwe na aikue njera kûrîa andû arîa ove a mûnene maaigagwa, na agîkara kuo.

2Maû 16:10

Mûthamaki Asa nîwarakarire mûno nî ciugo cia mûrathi Hanani na nîwamûvingîrithirie njera. Kuuma vîndî îo Asa nîwambîrîrie kûvinyîrîria andû amwe.

2Maû 18:26

na mûmeere mamwikie njeera na avecagwe kamûgate kanini na manjî nginya rîrîa ngaacoka na thayû.”

Jeremia 18:23

Nwatî we Ngai-Mûnene nîwîcî mîvango yao yonthe ya kûmbûraga, ndûkamarekere maûndû mao macûku, kana ûthirie wîvia wao methorî maku. Tiga magwe nthî mbere yaku, marive ûrî na marakara.

Jeremia 26:16

Nao anene na andû onthe nîmerire athînjîri-Ngai na arathi atîrî, “Mûndû ûyû ndagîrîrwe nî gûtuîrwa kûragwa nîûndû atwarîria na rîîtwa rîa Ngai-Mûnene Ngai wetû.”

Jeremia 32:2

Vîndî îo athigari a mbaara a mûthamaki wa Babuloni nîmaathiûrûrûkîrie îtûûra rîa Jerusalemu. Nake mûrathi Jeremia aavingîrîtwe kanyombarî ka arangîri kûu mûciî kwa mûthamaki wa Juda.

Jeremia 37:20

Rîu nîrakûvoya ûnthikîrîrie, we mwathi wakwa mûthamaki. Nîrakûthaitha mûno ûthikîrîrie mathaithana makwa. Wenda tu ndûkanjokie njeera rîngî, kûu nyomba ya Jonathani nîguo ndigakuîre kuo.”

Jeremia 37:4

Vîndî îo Jeremia aarî na wîathi wa gûcera kûrî andû nîûndû ndaarî mwove njera.

Jeremia 38:26

nawe ûgacoka ûmeere atî, ‘Nîkwa nîrathaithaga mûthamaki na njîra ya wînyivia mwîngî atî ndigacokue nyomba kwa Jonathani nîguo ndigakuîre kuo.’ ”

Jeremia 38:6

Kwoguo nîmocire Jeremia makîmwova na mîkanda na makîmwikia kîrikorî Kîam manjî Kîam Malikia mûvîcî wa Mûthamaki kîrîa Kîamrî kûrîa arangîri meekaraga. Kîriko kîu gîtiarî na manjî, Kîamrî na ndaka ntheri. Maamûnyûrûrûkirie mamwovete na mîkanda, nake Jeremia nîwavorokere ndakarî.

Jeremia 39:15

Vîndî îrîa Jeremia aarî kwa arangîri arî mwove, nîwakinyîrwe nî kiugo Kîam Ngai-Mûnene akîrwa atîrî,

Mathaayo 21:35

Nao arîmi acio nîmaanyitire ngombo icio, makîriva îmwe, makîûraga îo îngî na îngî makîmîriva na mathiga.

Mathaayo 23:34

Kwoguo, nîngaamûtûmîra arathi, andû aûgî na arimû. Amwe nîmûkaamaûraga, engî mûmambe mûtîrî na acio engî mûmarivîre mavoerorî na ivoko; mûcoke mûmengate kuuma îtûûra rîmwe kûthiî rîrîa rîngî.

Luka 22:64

Nîmaacokire makîmûmika metho na makîmûria atîrî, “Mûrathi ûyû, ta îcirîrie nû wakûringa!”

Johana 18:22

Rîrîa Jesû aarîkirie kuga ûguo, mûrangîri ûmwe ûrîa warî vau nîwamûringire na rûvî na akîmûria atîrî, “Ûngîvota gûcokeria Mûthînjîri-Ngai mûnene ûguo atîa?”

Ciîko 5:18

Nîmaanyitire atûmwa na makîmavingîra njeera îrîa yavingagîrwa andû onthe.

Ciîko 5:28

na akîmeera atîrî, “Tue tûramûkaanirie na vinya tûkîmwîra mûtikathomithanie na rîîtwa rîa mûndû ûcio. Nwatî mue ta roriani ûrîa mwîkîte! Mue mûthomithanîtie Jerusalemu kuonthe, na mûrenda tûcokwe nî nthakame ya mûndû ûcio!”

Ciîko 5:40

Nîmeerire atûmwa matonye, makîmarivithia, makîmakaania matigaacoke kwaria na rîîtwa rîa Jesû, na makîmarekereria.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.