Jeremia 37:13 - ÎVUKU RÎA ÛVORO MWARO

¹³ Na rîrîa akinyire mwîrîgarî wa Benjamini mûrangîri ûmwe wetagwa Irija mûvîcî wa Shelemia, Shelemia mûvîcî wa Hanania, nîwanyitire mûrathi Jeremia na makîmwîra atîrî, “We ûrenda kûûra ûthiî gwa Akalidei!”

Jeremia 37:13 ပူးပေါင်းရင်းမြစ်များ

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 20:10

Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Jeremia 20:2

Pashuri nîwacokire akîriva mûrathi Jeremia, akîmûthaîka na mvîngû, na akîmwiga kîvingorî Kîam mwena wa îgûrû wa Benjamini kûu nyombarî ya Ngai-Mûnene.

Jeremia 21:9

Mûndû wa wonthe ûgatigwa îtûûrarî rîîrî nîakaaûragîrwa mbaararî nî yûra na mûrimû. Nwatî ûrîa ûkaumîra na enenganîre kûrî Akalidei arîa mamûrigicîrîtie, nîakaavonokia mwoyo wake.

Jeremia 27:6

Rîu nîmvecanîte mavûrûri mama monthe kûrî Nebukadinezarû, mûthamaki wa Babuloni, ndungata yakwa, wana nînîmûvete nyamû cia kîthaka imûtungatagîre.

Jeremia 28:14

Ngai-Mûnene, mwene vinya wonthe Ngai wa Isiraeli augîte atî nîagwîkîra andû a mavûrûri monthe îcoki rîa cuuma, na atî magatungatagîra Nebukadinezarû Mûthamaki wa Babulonia. Augîte atî nginya nyamû cia kîthaka igaatungatagîra Nebukadinezarû.”

Jeremia 36:12

nîwathiîre nyombarî ya mûthamaki agîtonya oficirî ya mwandîki kûrîa atongoria onthe mekarîte. Andû acio maarî: Elishama mwandîki, Delaia mûvîcî wa Shemaia, Elinathani mûvîcî wa Akibori, Gemaria mûvîcî wa Shafani, Zedekia mûvîcî wa Hanania, na atongoria onthe.

Jeremia 38:1

Shefatia mûvîcî wa Matani, Gedalia mûvîcî wa Pashuri, Jehukali mûvîcî wa Shelemia, Pashuri mûvîcî wa Malikia nîmegwire ciugo irîa Jeremia eeraga andû onthe atî,

Jeremia 38:4

Nao anene nîmeerire mûthamaki atîrî, “Mûndû ûyû nîwagîrîrwe nî kûragwa nî ûndû nîathirîtie athigari arîa matigîtwe gûkû îtûûrarî vinya vamwe na andû onthe nîûndû wa kwaria ciugo ta icio. Mûndû ûyû ndacaragia wagîrîru wa andû aya, nwatî amacaragîria maûndû macûku.”

Jeremia 38:7

Nwatî Ebedimeleku, ûrîa warî ngaramba kuuma Ethiopia na wekaraga nyomba kwa mûthamaki nîweguire atî nîmaikîtie Jeremia kîrikorî Kîam manjî kîrî na ndaka. Vîndî îo mûthamaki ekarîte kîvingorî Kîam Benjamini.

Maca 4:18

Nthû cietû ciekarire itwîthithîrîte, tûtingîavotire kûthiîrîra njîrarî cietû, mîthenya yetû yarî mîtare, mûthiia wetû warî mûkinyu.

Amosi 7:10

Amazia mûthînjîri-Ngai wa îtûûra rîa Betheli nîwavirîre mûthamaki Jeroboamu wa Isiraeli ndûmîrîri îno: “Amosi nîavangîte ûndû mûcûku gatagatî gaku na andû a Isiraeli. Maûndû marîa ethîrîtwe akîaria nwa macûkangie vûrûri ûyû.

Zakaria 14:10

Vûrûri wonthe nîûkaaraganua kuuma Geba mwena wa rûgûrû kûthiî nginya Rimoni mwena wa îveti wa îtûûra rîa Jerusalemu. Nwatî îtûûra rîa Jerusalemu nîrîgaatûgîrua na rîtigwe rîrûngamîte varîa rîrî kuuma mwîrîgarî wa mûvîrîga wa Benjamini nginya mwîrîgarî wa mbere na kûthiî mwîrîgarî ûrîa ûrî konarî, na kuuma nyombarî îrîa ndaca na îgûrû ya Hananeli kinya kîvivîrorî Kîam ndivei Kîam mûthamaki.

Luka 23:2

Nao nîmaambîrîrie kûmûthitanga makiugaga atîrî, “Tue tûranyitire mûndû ûyû akîvîtithia andû a vûrûri wetû. Arameeraga matikarutîre mûthamaki wa Roma mbeca cia gooti na akauga atî ke nîke Mesaya, mûthamaki.”

Ciîko 24:13

O wana matingîvota gûkwonia atî maûndû mau rîu maranthitanga nîûndû wamo nî ma ma.

Ciîko 6:11

Kwoguo nîmaavakire andû na nthitho nîguo mauge atîrî, “Tue nîtwîguîte Stefano akîmenereria Musa na akîmenereria Ngai!”

2Akor 6:8

Nîtûgathagîrîrua na nîtûcambagua; nîtûkumagua na nîtûrumagwa. Tue tûtucagwa ta andû a maveeni, nwatî twaragia ûma.