Jeremia 36:5 - ÎVUKU RÎA ÛVORO MWARO

⁵ Jeremia nîwacokire akîatha Baruku akîmwîra atîrî, “Nie ndirî mwîtîkîrie gûtonya nyombarî ya Ngai-Mûnene.

Jeremia 36:5 ပူးပေါင်းရင်းမြစ်များ

Nehemia 6:10

Kavindarî wa kau Nînathiîre gûcerera Shemaia mûvîcî wa Delaia. Delaia aarî mûvîcî wa Mehetabeli ûrîa wekaraga avingîrîtwe gwake nyomba. Nake nîwambîrire atîrî, “Tiga tûkethithe varîa vatheru Mûno hekarû ndaarî na tûvinge mîrango, nîûndû marenda gûka gûkûraga. Vîndî wa cionthe ûtukû magaaûka makûûrage.”

Thaburi 88:8

Nîûtûmîte arata akwa mandiganîria; nîûtûmîte nduîka kîndû kîrî magigi kûrî o. Mvingîrîtwe nîguo ndikavote kûûra.

Jeremia 20:2

Pashuri nîwacokire akîriva mûrathi Jeremia, akîmûthaîka na mvîngû, na akîmwiga kîvingorî Kîam mwena wa îgûrû wa Benjamini kûu nyombarî ya Ngai-Mûnene.

Jeremia 32:12

Nînanenganîre maarûa îo ya ûgûri wa mûgûnda kûrî Baruku mûvîcî wa Neria; Neria ararî mûvîcî wa Mahiseia. Namûnengeere maarûa îo mbere ya Hanameli mûvîcî wa mama, na mbere ya aira aîrî arîa meekîrîte kîrore maarûarî îo ya kûgûra mûgûnda na mbere ya Ayahudi onthe arîa maarî vau nja ya kîvaro Kîam arangîri.

Jeremia 32:2

Vîndî îo athigari a mbaara a mûthamaki wa Babuloni nîmaathiûrûrûkîrie îtûûra rîa Jerusalemu. Nake mûrathi Jeremia aavingîrîtwe kanyombarî ka arangîri kûu mûciî kwa mûthamaki wa Juda.

Jeremia 33:1

Kiugo Kîam Ngai-Mûnene nîgîakinyîre Jeremia rîngî wa arî mûvingîre nyombarî ya arangîri atî:

Jeremia 37:15

Anene acio nîmaarakarire mûno nîûndû wa Jeremia na nîmaamûrivire na makîmwova, na makîmwiga nyomba kwa Jonathani îrîa yagarûrîtwe îgatuîka njeera.

Jeremia 38:28

Jeremia nîwekarire kûrîa arangîri meekaraga nginya mûthenya ûrîa îtûûra rîa Jerusalemu rîatavirwe.

Jeremia 38:6

Kwoguo nîmocire Jeremia makîmwova na mîkanda na makîmwikia kîrikorî Kîam manjî Kîam Malikia mûvîcî wa Mûthamaki kîrîa Kîamrî kûrîa arangîri meekaraga. Kîriko kîu gîtiarî na manjî, Kîamrî na ndaka ntheri. Maamûnyûrûrûkirie mamwovete na mîkanda, nake Jeremia nîwavorokere ndakarî.

Jeremia 40:4

Rîu, nîngûkwovora mvîngû njara. Ethîrwa nîûkwona kwagîrîte tûthiî nawe Babuloni, ûka tûthiî, na nîngûkûmenyerera waro. Nwatî ethîrwa ndûrona kwagîrîrîte tûthiî nawe Babuloni, ndûgaûke. Ûrîmwîtîkîrie kûthiî vandû wa vonthe ûngîenda vûrûrirî ûyû.

2Akor 11:23

Nî ndungata cia Kristû? Nie nîraria ta mûndû wa ngoma. Nwatî nîrî ndungata mbaro kûmakîra. Nie nîndutîte wîra mûmû makîria yao. Naanaikua njeera maita meengî kûmakîra, nanarivwa na ivoko mûno kûmakîra na maita meengî nie nanethîrwa nîrî vakuvî gûkua.

Aefeso 3:1

Nîûndû wa gîtûmi gîkî, nie Paûlo njovetwe nîûndû wa gûtungatîra Jesû Kristû, nîmvoyaga Ngai nîûndû wenyu mue andû a Ndûrîrî.

Aefeso 6:20

Nîrî mwarîrîria wa ûvoro mwaro, na nîreka ûguo rîu nîrî gûkû njeera. Mvoyagîrani nîguo mvunjagie ûvoro mwaro ndarî na guoya wata ûrîa mbagîrîrwe nî kwaria.

2Tim 2:9

Nîûndû wa kûvunjia ûvoro mwaro, nînyariragwa na ngekîrwa mvîngû ta mûgeri ngero. Nwatî ûvoro wa Ngai tî mwove na mvîngû.

Ahib 11:36

Amwe nîmaanyûrûragua na makarivwa na ivoko, na engî nîmoovirwe na mînyororo na makîvirwa njeera.