Jeremia 36:4 - ÎVUKU RÎA ÛVORO MWARO

⁴ Jeremia nîwacokire agîîta Baruku mûvîcî wa Neria na akîmwîra andîke îvukuurî rîa gîkûnjo maûndû monthe marîa Ngai-Mûnene aamwîrîte.

Jeremia 36:4 ပူးပေါင်းရင်းမြစ်များ

Isaia 30:8

Ngai nîwambîrire atîrî, “Rîu thiî wandîke ûvoro ûcio kîvengererî, na ûwandîke îvukuurî, nîguo ûtuîke ûira wa mavinda marîa magaaûka nginya tene na tene.

Isaia 8:1

Ngai-Mûnene nîwambîrire atîrî, “Oca rûvaû rûnene na wandîke îgûrû rîaruo na ndemwa nene ingîthomeka: “Tava na îvenya! Oca narua!”

Jeremia 25:13

Nîngatûma ciugo irîa naririe ciîgiî vûrûri ûyû na maûndû monthe marîa mandîkîtwe îvukuurî rîîrî marîa Jeremia aarathîte îgûrû rîa mavûrûri monthe mavinge.

Jeremia 30:2

“Nie Ngai-Mûnene, Ngai wa Isiraeli nîrakwîra wandîke maûndû monthe marîa nakwîra îvukuurî.

Jeremia 32:12

Nînanenganîre maarûa îo ya ûgûri wa mûgûnda kûrî Baruku mûvîcî wa Neria; Neria ararî mûvîcî wa Mahiseia. Namûnengeere maarûa îo mbere ya Hanameli mûvîcî wa mama, na mbere ya aira aîrî arîa meekîrîte kîrore maarûarî îo ya kûgûra mûgûnda na mbere ya Ayahudi onthe arîa maarî vau nja ya kîvaro Kîam arangîri.

Jeremia 36:14

Nao atongoria onthe nîmaatûmire Jehudi mûvîcî wa Nethania, Nethania mûvîcî wa Shelemia, Shelemia mûvîcî wa Kushi akeere Baruku atîrî, “Oca îvuku rîa Gîkûnjo rîrîa wathomere andû onthe na ûûke narîo ava.” Kwoguo Baruku mûvîcî wa Neria nîwocire îvuku rîu rîa gîkûnjo na akîthiî kûrî o.

Jeremia 36:21

Mûthamaki nîwacokire agîtûma Jehudi akagîre îvuku rîu rîa gîkûnjo. Jehudi nîwarîgîrire oficirî kwa Elishama na akîrîthomera mûthamaki na atongoria onthe arîa maamûrigicîrîtie.

Jeremia 36:23

Jehudi athoma icunjî ithatû kana inya, mûthamaki nîwatembûrangaga icunjî icio na kaviû, na agîcikia mwakirî. Nîwatembûrangire îvuku rîonthe rîa gîkûnjo na akîrîvîvia rîkîthira.

Jeremia 36:26

Mûthamaki nîwathire mûvîcî Jerahimeeli, Seraia mûvîcî wa Azirieli na Shelemia mûvîcî wa Abideli manyite Baruku mwandîki, na mûrathi Jeremia, nwatî Ngai-Mûnene nîwamathithire.

Jeremia 36:27

Vuva wa mûthamaki kûvîvia îvuku rîa gîkûnjo rîrîa rîarî na ciugo irîa Baruku aandîkîte akîragwa nî Jeremia, kiugo Kîam Ngai-Mûnene nîgîakinyîre Jeremia akîrwa atîrî,

Jeremia 36:28

“Oca îvuku rîngî rîa gîkûnjo na wandîke ciugo cionthe irîa wandîkîte îvukuurî rîa mbere rîrîa Jehoiakimu, mûthamaki wa Juda aravîvirie.

Jeremia 36:32

Jeremia nîwacokire agîoca îvuku rîngî rîa gîkûnjo na akîrînengera Baruku ûrîa mwandîki, na akîandîka maûndû monthe marîa Jeremia aamwîraga. Nîwandîkire maûndû monthe marîa mandîkîtwe îvukuurî rîa mbere rîa gîkûnjo rîrîa Jehoiakimu mûthamaki wa Juda aavîvirie na mwaki. Ciugo ciîngî wata irîa ciarî îvukuurî rîa mbere nîciongereerwe.

Jeremia 36:6

Kwoguo mûthenya wa mbere wa kwîvinga kûrîa irio, nîûkaathiî nyombarî ya Ngai-Mûnene na ûthomere andû onthe ciugo cia Ngai-Mûnene irîa nakwathire wandîke îvukuurî rîîrî rîa gîkûnjo ngîkwîraga. Nîûkaithoma mbere ya andû onthe a Juda arîa makethîrwa maûkîte kuuma matûûrarî mao.

Jeremia 43:3

Baruku mûvîcî wa Neria nîke ûkûringîrîrîtie warie maûndû mama, nîguo twîkare gûkû tûcoke tûûragwe nî Akalidei, kana matûvire îthamîriorî Babuloni.”

Jeremia 51:59

Mwaka wa kana wa wathani wake, Zedekia mûthamaki wa Juda nîwathiîre Babuloni vamwe na mûnene wa athigari ake wîtagwa Seraia mûvîcî wa Neria. Neria aarî mûvîcî wa Mahaseia. Nie Jeremia nînagîre na kanya ga kwîra Seraia ndûmîrîri îno.

Jeremia 51:60

Nînandîkire îvukuurî maûndû macûku marîa mavatiî gûkinyîra Babuloni na maûndû mengî megiî Babuloni.

Ezek 2:9

Rîrîa naroririe, nonire njara îtambarûkîtue na kûrî nie îrî na îvuku rîa gîkûnjo rîrî rîandîke.

Danieli 7:1

Mwaka wa mbere Belishazaru arî Mûthamaki wa Babuloni, Danieli arî toro nîwarotire na akîona kîoneki. Nîwacokire akîandîka kîroto kîu gîake.

Zakaria 5:1

Nînaacokire ngîroria rîngî, na ngîona îvuku rîa gîkûnjo rîrî rîerarî rîgûrûkîte!

Aroma 16:22

Nie Teretio, na nînie mwandîki wa maarûa îno vandûrî va Paûlo nînamûkethia nîûndû wa Mwathani.