Jeremia 36:3 - ÎVUKU RÎA ÛVORO MWARO

³ Nwa kwîthîrwa andû a Juda nîmakwîgua maûndû monthe macûku marîa mvangîte kûmeka, nîguo wa mûndû agarûrûke atigane na mîthiîre yake mîcûku, nanie nîmarekere mevia mao na maûndû macûku marîa mekîte.”

Jeremia 36:3 ပူးပေါင်းရင်းမြစ်များ

Nehemia 1:9

Nwatî mûngîkaanjokerera na mwathîkîre maathani makwa na mwîkage ûrîa maugîte, nîngaamûcokia vandû varîa nthuurîte va kûngoocagîra, wana ethîrwa mûnyaganîtie mûgakinya mîthiiarî yonthe ya nthî.’

Thaburi 139:24

Nduîria wone kana nîrî na mîthiîre mîcûku, na ûndongorie njîrarî ya gûtûûra tene na tene.

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Jeremia 18:11

Kwoguo rîu, îra andû a Juda na atûûri a Jerusalemu atî nie Ngai-Mûnene, nînîravanga maûndû macûku îgûrû rîao. Nînîravanga ûrîa ngûmaverithia. Garûrûkani muonthe, wa mûndû atigane na mîthiîre yake mîcûku, mûrûngarie mîthiîre yenyu na ciîko cienyu.

Jeremia 18:8

naguo vûrûri ûcio narîtie ûvoro waguo ûgarûrûke ûtigane na maûndû macûku, nîngericûkwa ndige gûûcûkangia wata ûrîa navangîte.

Jeremia 23:14

Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 26:3

Nwa kwîthîrwa nîmakûthikîrîria na matigane na maûndû mao macûku, nanie nwa nîricûkwe gwîka maûndû macûku marîa nîvarîrîtie kûmeka nîûndû wa waganu wao ûrîa mekaga.

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 36:7

Nwa kwîthîrwa Ngai-Mûnene nwa egue mathaithana mao, na atî mûndû wa wonthe nwa atigane na mevia make, nîûndû Ngai-Mûnene nîakûverithia andû aya arî na marakara na mang'ûrîka meengî.”

Ezek 12:3

nîûndû nî aremi. Kwoguo mûndû, varîria mîrigo yaku ûthiî îthamîriorî na ûthiî mûthenya magîkwonaga, ûrîre kûndû kwîngî. Nwakwîthîrwa magataûkîrwa wana ethîrwa nî andû aremi.

Ezek 18:23

Mûreciria nwa ngenerere gîkuû Kîam mûndû mwîvia? Ûguo nîguo Ngai-Mûnene araûria? Naarî. Kinthî tîkava agarûrûke atige njîra îo atûûre mwoyo.

Zefania 2:3

Cokererani Ngai-Mûnene mue muonthe arîa avoreri, mue arîa mwîkaga ûrîa kwagîrîrîte, cariani ûthingu cariani wînyivia. Kwavoteka ûkethîrwa ûtarî vamwe na andû arîa makaverithua, mûthenya ûrîa Ngai-Mûnene akonania marakara make.

Mathaayo 13:15

Nîûndû ngoro cienyu nî nyûmû, na nî mûkunîkîte matû, na mûkavinga metho menyu. Gûtangîkariî ûguo o nwa mataûkîrwe nî maûndû marîa monaga na metho mao, na megucaga na matû mao. Nao nwa manjokerere, na nie ngamavonia.’

Maariko 4:12

‘Kûroria maroragie, na matione; kwîgua megucage, na matitaûkîrwe. Nîûndû mangîtaûkîrwa, nwa macokerere Ngai, nake akamovera mevia mao.’ ”

Luka 20:13

Nake mwene mûgûnda nîweyûririe atîrî, ‘Rîu nîmbîka atîa? Nîmatûmîra mûriû wakwa ûrîa mendete na nîrî na ma nîmakûmûva gîtîîo!’

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Ciîko 26:20

Nînaambîrîrie kûvunjîria andû ngîmeeraga atî nwanginya merire mevia mao, macokerere Ngai na meke ciîko cia kwonania atî na ma nîmerirîte. Nie naambire kûvunjia ûvoro ûyû Damesiki, ngîcoka ngîûvunjia Jerusalemu na vûrûrirî wonthe wa Judea na nginya kûrî andû a ndûrîrî.

Ciîko 28:27

nîûndû ngoro cia andû aya nî nyûmû, na nîmakunîkîte matû mao, na makavinga metho mao. Kethîrwa tî ûguo metho mao nî mangîrona, na matû mao nîmangîregua. Namo meciria mao nîmangîrî gûtaûkîrwa, makanjokerera, nanie ngamavonia.’

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Gûco 30:2

na mûcokerere Ngai-Mûnene Ngai wenyu, mue na njiarwa cienyu na mûvingie maûndû monthe marîa ngûmwatha ûmûnthî na ngoro yonthe na mwoyo wonthe;

Gûco 30:8

Nîmûgaacoka kwathîkîra Ngai-Mûnene rîngî na kûvingia maathani make monthe marîa ngûmûva ûmûnthî.

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

2Pet 3:9

Mwathani ndavingagia ciîranîro ciake arî na ûtururu ta ûrîa andû amwe meciragia. Vandû va ûguo nîamûkiragîrîria nîûndû gûtirî mûndû wana ûmwe endaga akaaûra, nwatî endaga andû onthe merire mevia mao.

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”