Jeremia 36:26 - ÎVUKU RÎA ÛVORO MWARO

²⁶ Mûthamaki nîwathire mûvîcî Jerahimeeli, Seraia mûvîcî wa Azirieli na Shelemia mûvîcî wa Abideli manyite Baruku mwandîki, na mûrathi Jeremia, nwatî Ngai-Mûnene nîwamathithire.

Jeremia 36:26 ပူးပေါင်းရင်းမြစ်များ

1Atha 17:3

“Uma gûkû ûthiî mwena wa îrathîro na wîthithe vakuvî na karûnjî ga Kerithi, mwena wa îrathîro wa Jorodani.

1Atha 17:9

“Ûkîra na ûthiî îtûûrarî rîa Zarefathu, vakuvî na Sidoni na wîkare kuo. Nîmbathîte mûndûmûka wa ndigwa ûtûûraga kuo, namwîra akûvecage irio.”

1Atha 18:4

na rîrîa Jezebeli aaûragaga arathi a Ngai-Mûnene, Obadia nîwocire arathi îgana rîmwe na akîmathitha ngurungarî marî ikundi igîrî cia arathi mîrongo îtano, na akîmava mîgate na manjî.)

1Atha 19:10

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga!”

1Atha 19:14

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga.”

1Atha 22:26

Mûthamaki Ahabu nîwathire ûmwe wa ndungata ciake akîmwîra atîrî, “Nyita Mikaia na ûmûvire kûrî Amoni, mûnene wa îtûûra na kûrî Joashi, mûvîcî wa mûthamaki.

2Atha 11:2

Nwatî Jehosheba, mwarî wa mûthamaki Joramu nîwocire Joashi, mûvîcî wa Ahazi na nthitho kuuma gatagatîrî ka anake a mûthamaki arîa maarî vakuvî kûragwa. Nîwamûthithire nyombarî ya kûmama marî na mûndû ûrîa wamûtungataga. Jehosheba aarî mwarwang'ina na Ahazia. Ûguo nîguo Jehosheba aathithire Joashi nîguo Athalia ndakamwone amûûraga.

2Maû 18:26

na mûmeere mamwikie njeera na avecagwe kamûgate kanini na manjî nginya rîrîa ngaacoka na thayû.”

Thaburi 105:15

Ameera atîrî, “Mûtikavutie andû arîa nyamûrîte, mûtigeke arathi akwa ûndû mûcûku.”

Thaburi 121:8

Ngai-Mûnene agaakûmenyagîrîra ûkiumagara na ûgîcoka; kuuma rîu nginya tene na tene.

Thaburi 27:5

Vîndî ya thîna nîakaangitîra, nîakaanthitha hekarûrî yake, na ambigage îgûrû vandû vagitîre.

Thaburi 32:7

Nîîthithaga kûrî we, ûkaangitagîra ndikanyitwe nî thîna. Nîngûkwinîra nîûndû wa kûmvonokia.

Thaburi 57:1

Mbîguîra ntha, we Ngai, mbîguîra ntha, nîûndû mbûkaga kûrî we nîguo ûngitîre. Ngitagîrwa nî kîruru Kîam mathagu maku, nginya rîrîa kîvuvûkanio Kîam mathîna gîkaathira.

Thaburi 64:2

Ngitîra kuuma kûrî mîvango ya andû arîa aganu, kuuma kûrî mîvango ya andû arîa acûku.

Thaburi 91:1

Mûndû ûrîa wîthithaga kûrî Ngai-Mûnene, ûrîa ûtûûraga rungu rwa kîruru Kîam Ngai mwene vinya wonthe,

Isaia 26:20

Ûkani andû akwa, tonyani nyombarî cienyu na mwîvingîre kuo; îîthitheni kavinda kanini nginya rîrîa marakara ma Ngai makaathira.

Jeremia 1:19

Nîmakaarûa nawe nwatî matigakûvoota, nîûndû ngethagîrwa nîrî vamwe nawe nîguo ngûvonokagie. Ûguo nîguo Ngai-Mûnene arauga.”

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 26:24

Nwatî Jeremia ethagîrwa akîgitîrwa nî Ahikamu mûvîcî wa Shefani, nîguo ndakarekererue kûrî andû aûragwe.

Jeremia 36:19

Nao atongoria onthe nîmerire Baruku atîrî, “Thiîni mûkethithe we na Jeremia na mûtikareke mûndû wana ûrîkû amenya varîa mûrî.”

Jeremia 36:5

Jeremia nîwacokire akîatha Baruku akîmwîra atîrî, “Nie ndirî mwîtîkîrie gûtonya nyombarî ya Ngai-Mûnene.

Jeremia 38:6

Kwoguo nîmocire Jeremia makîmwova na mîkanda na makîmwikia kîrikorî Kîam manjî Kîam Malikia mûvîcî wa Mûthamaki kîrîa Kîamrî kûrîa arangîri meekaraga. Kîriko kîu gîtiarî na manjî, Kîamrî na ndaka ntheri. Maamûnyûrûrûkirie mamwovete na mîkanda, nake Jeremia nîwavorokere ndakarî.

Johana 11:57

Nao anene a athînjîri-Ngai na Afarisai nîmaathanîte atî mûndû wa wonthe ûkaamenya kûrîa Jesû arî, athiî akamamenyithie nîguo mamûnyite.

Johana 7:32

Afarisai nîmegwire andû makîaria na kîvwe ûvoro wîgiî Jesû. Kwoguo Afarisai acio marî vamwe na anene a athînjîri-Ngai, nîmaatûmire arangîri mathiî makanyite Jesû.

Johana 8:20

Jesû aaririe maûndû mama monthe vîndî îrîa aathomithanagia hekarûrî arî vakuvî na kanyomba karîa kaaigagwa tûthandûkû tûrîa twekagîrwa mûvothi. Nwatî gûtirî mûndû wana ûmwe wamûnyitire nîûndû îvinda rîake rîtiarî rîkinyu.

Johana 8:59

Nao nîmoocire mathiga nîguo mamwikie, nwatî Jesû nîwethithire na akiuma kûu hekarûrî.

Ciîko 12:11

Nake Petero nîwamenyire ûrîa gwekîkîte kûrî ke, na akiuga atîrî, “Rîu nînamenya atî Mwathani na ma nîatûmîte mûraika wake aûke andethûre kuuma kûrî Herode na kuuma kûrî maûndû monthe marîa Ayahudi mareciragia nîmagwîka.”