Jeremia 36:19 - ÎVUKU RÎA ÛVORO MWARO

¹⁹ Nao atongoria onthe nîmerire Baruku atîrî, “Thiîni mûkethithe we na Jeremia na mûtikareke mûndû wana ûrîkû amenya varîa mûrî.”

Jeremia 36:19 ပူးပေါင်းရင်းမြစ်များ

1Atha 17:3

“Uma gûkû ûthiî mwena wa îrathîro na wîthithe vakuvî na karûnjî ga Kerithi, mwena wa îrathîro wa Jorodani.

1Atha 18:10

Nînîvîta na Ngai-Mûnene, Ngai waku ûrîa ûtûûraga mwoyo, atî mûthamaki nîaugîte ûcarue mavûrûrirî monthe nthî ng'ima. Rîrîa mûthamaki wa vûrûri mûna auga atî ndûrî vûrûrirî wake, Ahabu nîwendaga mûthamaki ûcio evîte atî ndûrî vûrûrirî ûcio.

1Atha 18:4

na rîrîa Jezebeli aaûragaga arathi a Ngai-Mûnene, Obadia nîwocire arathi îgana rîmwe na akîmathitha ngurungarî marî ikundi igîrî cia arathi mîrongo îtano, na akîmava mîgate na manjî.)

2Maû 25:15

Kwoguo Ngai-Mûnene nîwarakarirue nî ûndû ûcio, agîtûma mûrathi kûrî Amazia akamûrie atîrî, “Nîndûî kîratûma ûgooca ngai cia mîvuanano cia andû a Edomu na ngai icio itiavonokia andû ao kuuma kûrî mue?”

Nthi 28:12

Rîrîa andû arîa athingu matuîka athani, andû nîmakûngûagîra, nwatî andû arîa aganu matuîka athani, andû nîmaûraga nî o.

Jeremia 26:16

Nao anene na andû onthe nîmerire athînjîri-Ngai na arathi atîrî, “Mûndû ûyû ndagîrîrwe nî gûtuîrwa kûragwa nîûndû atwarîria na rîîtwa rîa Ngai-Mûnene Ngai wetû.”

Jeremia 36:26

Mûthamaki nîwathire mûvîcî Jerahimeeli, Seraia mûvîcî wa Azirieli na Shelemia mûvîcî wa Abideli manyite Baruku mwandîki, na mûrathi Jeremia, nwatî Ngai-Mûnene nîwamathithire.

Amosi 7:12

Amazia nîwacokire akîîra Amosi atîrî, “We Mûrathi, uma gûkû ûthiî vûrûri wa Juda, ûrîcage irio kuo na ûrathage maûndû ûrî kuo.

Luka 13:31

Vîndî wa îo, Afarisai amwe nîmaathiîre varîa Jesû aarî na makîmwîra atîrî, “Nî kava ume gûkû nîûndû Herode nîarenda gûkûûragithia.”

Ciîko 5:40

Nîmeerire atûmwa matonye, makîmarivithia, makîmakaania matigaacoke kwaria na rîîtwa rîa Jesû, na makîmarekereria.