Jeremia 35:6 - ÎVUKU RÎA ÛVORO MWARO

⁶ Nwatî nîmaacokirie atîrî, “Tîtûnyua ndivei nîûndû Jonadabu mûvîcî wa Rekabu, îthe wetû nîwatwathire atî, ‘Mûtikanyua ndivei, mue wana njiarwa cienyu tene na tene.

Jeremia 35:6 ပူးပေါင်းရင်းမြစ်များ

Kîam 25:27

Rîrîa tûvîcî tûu tuoîrî twakûrire, Esaû nîwatuîkire mûguîmi mwaro, kwoguo aatindaga kîthakarî. Nwatî Jakovu aarî mûkiri na kwoguo aatindaga mûciî.

Kîam 36:7

Aaumire kûu nîûndû vûrûri ûrîa ke na Jakovu maatûûraga ndwameganaga. Maarî na ndîthia nyîngî na matingîavotire gwîkarania vamwe.

2Atha 10:15

Jehu nîwambîrîre rûgendo rîngî, na arî njîrarî, nîwacemanirie na Jehonadabu mûvîcî wa Rekabu. Jehu nîwamûkethirie na akîmûria atîrî, “Wîna meciria ta makwa? Nîûkûnyita mbaru?” Nake Jehonadabu nîwacokirie atîrî, “Îî, nîngûkûnyita mbaru.” Jehu nîwacokire akîmwîra atîrî, “Ethîrwa nî guo, rete njara yaku.” Nîmaagwatanire njara na Jehu akîmûtethereria gûtwa gîkaarirî Kîam mbarathi.

2Atha 10:23

Jehu nîwatonyire hekarûrî ya Baali marî na Jehonadabu mûvîcî wa Rekabu na akîra andû acio magoocaga Baali atîrî, “Roraniani mwone atî gûtirî ndungata ya Ngai-Mûnene gatagatîrî kenyu tiga agooci a Baali onga.”

1Maû 16:19

Vîndî îo andû a Ngai matiarî eengî, maarî ageni vûrûrirî wa Kanaani.

1Maû 2:55

Nacio mbarî ino irûmîrîrîte ciarî cia andû maarî na ûûgî na wara wa kwandîka na gûkovia mandîko na ciatûûraga Jabezi. Mbarî icio ciarî Atirathi, Ashimeathi na Asukathi. Acio maaumîte kûrî Keni ûrîa warî wa kuuma Hamathi nyombarî ya Rekabu.

Thaburi 105:12

Vîndî îo andû a Ngai maarî anini, matiarî na îgweta, na maarî ageni vûrûrirî wa Kanaani.

Ntha 20:12

“Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.

Jeremia 35:10

Tue tûtûûraga magemarî na nîtwathîkîrîte na tûgeka maûndû monthe marîa Jonadabu îthe wetû aatwathire.

Jeremia 35:14

Maûndû marîa Jonadabu mûvîcî wa Rekabu aathire ciana ciake, atî matikanyue ndivei, nîmaamarûmîrîre, na nginya ûmûnthî matiananyua ndivei nîûndû nîmathîkîrîte watho wa îthe wao. Nwatî mbîthîrîtwe ngîaria namue mavinda kwa mavinda na mûtimbîgucaga.

Alawi 10:9

“We kana avîcî aku mûtikanyue ndivei kana njovi rîrîa mûgûtonya îgemarî rîa Ngai-Mûnene. Mweka ûguo nî mûgaakua. Watho ûyû nîûtûûra ûrûmagîrîrwa nî njiarwa ciaku cionthe tene na tene.

Luka 1:15

Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru.

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.

Atir 13:14

Ndakarîe kîndû wa kîonthe kiumîte mîthaviburî, ndakanyue ndivei, kana njovi kana arîa irio wa cionthe irî mûgiro. Nîwagîrîrwe nî kûvingia maûndû monthe marîa naamwathire eke.”

Atir 13:7

Nwatî nîambîrire atî nîngûgîa îvu na nîngaaciara kavîcî. Nîacokire ambîra atî ndikanyue ndivei kana njovi kana kîndû kîrî mûgiro nîûndû kavîcî kau nîgakaamûrîrwa Ngai ûtûûrorî wako wonthe na gakethîrwa karî Mûnazari.”