Jeremia 35:4 - ÎVUKU RÎA ÛVORO MWARO

⁴ Nînamavirire nyombarî ya Ngai-Mûnene, kûu kanyombarî ga ciana cia Hanani mûvîcî wa Igadalia, mûndû wa Ngai. Kanyomba kau kaarî vakuvî na nyomba ya atongoria îgûrû rîa nyomba ya Maaseia mûvîcî wa Shalumu, mûrangîri wa mûrango wa hekarû.”

Jeremia 35:4 ပူးပေါင်းရင်းမြစ်များ

1Atha 12:22

Nwatî Ngai nîwerire mûrathi Shamaia

1Atha 13:1

Ngai-Mûnene nîwathire mûndû wa Ngai kuuma Juda athiî Betheli. Nake rîrîa aakinyire nîwethîrîrie Jeroboamu arûngamîte vau metharî ya kîgongoona akîenda kûruta îgongoona.

1Atha 13:26

Rîrîa mûrathi ûcio mûkûrû eegwire ûguo nîwaugire atîrî, “Ûcio nî mûndû wa Ngai ûrîa waregire kwathîkîra ûrîa Ngai-Mûnene aamwathîte! Kwoguo Ngai-Mûnene nîwatûmire mûnyambû ûthiî ûmûtharîkîre na ûmûrage, wata ûrîa Ngai-Mûnene aamwîrîte.”

1Atha 17:18

Mûndûmûka ûcio wa ndigwa nîwerire Elija atîrî, “Mûndû wa Ngai, wambîkire ûguo nîkî? Nîkwa waûkire kûririkania Ngai mevia makwa nîguo mûvîcîwa akue?”

1Atha 17:24

Nake mûndûmûka wa ndigwa nîwerire Elija atîrî, “Rîu nînetîkia atî wî mûndû wa Ngai na atî maûndû marîa Ngai-Mûnene aragia na njîra yaku nîma ma!”

1Atha 20:28

Mûndû wa Ngai ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene arauga atî: ‘nîûndû Asîria maugîte atî nie nî ngai ya irîma na tî wa ciandarî, nîngûkûvotithia kûvoota andû acio eengî ûguo na nîmûkaamenya atî nînie Ngai-Mûnene.’ ”

2Atha 1:9

Mûthamaki nîwacokire agîtûma mûnene wa athigari mîrongo îtano na athigari acio mathiî makagîre Elija. Mûnene ûcio nîwethîre Elija ekarîte nthî gacûmbîrî ga kîrîma na akîmwîra atîrî, “Mûndû wa Ngai, mûthamaki akwîra ûnyûrûrûke.”

2Atha 12:9

Mûthînjîri-Ngai Jehoiada nîwacokire agîoca kathandûkû, agîtûra îrima gîkunîkorî gîa ko na agîkaiga vakuvî na metha ya kîgongoona, mwena wa ûrîo mûndû agîtonya hekarûrî. Nao athînjîri-Ngai arîa maarangîrîte mûrango wa hekarû nîmeekîrire kathandûkûrî kau mbeca cionthe irîa ciaviragwa hekarûrî.

2Atha 25:18

Nebuzaradani, mûnene wa arangîri a mûthamaki nîwanyitire Seraia, mûthînjîri-Ngai mûnene na Zefania, mûthînjîri-Ngai mûtethereria wa Mûthînjîri-Ngai mûnene vamwe wa arangîri engî athatû a kîvingo marî mîgwate.

2Atha 5:14

Kwoguo Namani nîwathiîre rûnjîrî rwa Jorodani. Nîwetovokirie kuo maita mûgwanja, wata ûrîa eerîtwe nî mûrathi Elisha na nîwavonire viû na mwîrî wake ûgîkara ta wa kaana.

2Atha 5:20

Gehazi, ndungata ya Elisha nîwaugire atîrî, “Taroria, mwathi wakwa nîwarega kwamûkîra kîrîa Naamani aramûreterete na nîwamûrekereria athiî. Nevîta na Ngai-Mûnene ûrîa ûtûûraga mwoyo, atî nînîmûrûmîrîria na îvenya na mboce kîndû kuuma kûrî ke.”

2Atha 6:10

Kwoguo mûthamaki wa Isiraeli nîwatûmanîre athigari ake matikathiî vandû vau Elisha aamwîrîte ûvoro wavo maita meengî nîguo ekarage emenyererete.

2Atha 7:17

Mûthamaki wa Isiraeli nîwaigîte mûthigari ûrîa wamûtethagîrîria, arî mûrangîri wa kîvingo. Mûthigari ûcio nîwakinyangirwe nî andû na agîkua, wata ûrîa Elisha erîte mûthamaki rîrîa mûthamaki aathiîte kûrî ke.

2Atha 7:2

Mûnene ûrîa ûtethagîrîria mûthamaki nîwerire Elisha atîrî, “Ûguo gûtingîvoteka, wana kethîrwa Ngai-Mûnene ke mwene nwa aurithie mbura kuuma îgûrû!” Nake Elisha nîwacokirie atîrî, “Nîûkeyonera na metho maku ûndû ûcio ûgîkîka, nwatî ndûkaarûma irio icio.”

1Maû 9:27

Maatûûraga vakuvî na hekarû nîûndû nîo maarî arangîri a hekarû na nîo maavetwe wîra wa kûvingûraga ivingo vîndî cionthe kîraûko.

2Maû 8:14

Solomoni nîwarûthire mûvango wa wîra wa wa mûthenya wa athînjîri-Ngai na Alawi arîa maatethagia athînjîri-Ngai kwina na kûruta wîra wao kûringana na watho wa îthe Daudi. Nîwavangire arangîri a ivingo ikundi na akîmava wîra wa gwîkaragia ivingo cionthe wa mûthenya kûringana na ûrîa Daudi ndungata ya Ngai aathanîte.

Thaburi 84:10

Gûtinda hekarûrî yaku mûthenya ûmwe, nîwaro gûkîra gûtinda kûndû kwîngî mîthenya ngiri. Nîkava kûrûngama mûromorî wa hekarû ya Ngai wakwa, gûkîra gûtûûra nyombarî cia andû arîa aganu.

Jeremia 21:1

Îno nîo ndûmîrîri îrîa yakinyîre Jeremia yumîte kûrî Ngai-Mûnene, rîrîa mûthamaki Zedekia aatûmire Pashuri mûvîcî wa Malikia, na Zefania mûthînjîri-Ngai mûvîcî wa Maseia, makamwîre atîrî,

Jeremia 26:10

Rîrîa anene a Juda meegwire maûndû mama, nîmaumire nyombarî ya mûthamaki na makîthiî hekarûrî na magîkara nthî vandû vetagwa Mwîrîga Mûcerû.

Jeremia 35:3

Kwoguo nînocire Jaazania mûvîcî wa Jeremia, mûvîcî wa Habazinia, na aa mûrwang'ina vamwe na ciana ciake cionthe na andû onthe a mbarî ya Rekabu.

Jeremia 52:24

Nake Nebuzaradani, mûnene wa arangîri nîwanyitire Seraia Mûthînjîri-Ngai, Mûnene wa athînjîri-Ngai, na Zefania ûrîa warî mûnini wake, na arangîri engî athatû.

Ezek 40:38

Kîvarorî Kîam mwena wa nja kwarî na kanyomba gaatumîtwe kanyitanîte na gacîra ka gûtonya ka mwena wa ndarî. Mûromo wako waumîrîrîte kanyombarî ka gûtonya kîvarorî. Kanyombarî kau nîkuo kwathambagîrua nyamû irîa ciûragîtwe nîûndû wa magongoona ma kûvîvua.

Ezek 43:8

Athamaki ao maatumire mîromo na mbaû cia mîromo ya nyomba ciao cia ûthamaki vakuvî na mîromo ya hekarû yakwa ivakanîtue nî rûthingo. Nîmaagwatirie gîko rîîtwa rîakwa rîtheru na njîra ya maûndû marî magigi marîa meekire, kwoguo nîrî na marakara nînaamathiririe.

Gûco 33:1

Gîkî nîkîo kîrathimo kîrîa Musa, mûndû wa Ngai aatigîre andû a Isiraeli mbere ya akue.

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

2Tim 3:17

nîguo mûndû wonthe ûtungatagîra Ngai ethagîrwa arî mwagîrîru na arî mwîvarîriu gwîka ûndû wa wonthe mwaro.

Josh 14:6

Andû amwe a kuuma mûvîrîgarî wa Juda nîmaathiîre kûrî Joshua kûu Giligali. Ûmwe wao aarî Kalebu mûvîcî wa Jefune wa mbarî ya Kenezi. Nake Kalebu nîwerire Joshua atîrî, “We nîwicî ûrîa Ngai-Mûnene eerire Musa mûndû wa Ngai ûvoro wîgiî nie nawe vîndî îrîa twarî Kadeshi-barinea.

1Sam 2:27

Nake mûrathi nîwatûmirwe nî Ngai-Mûnene kûrî Eli akamwîre atîrî, “Nie nîneyonithanirie kûrî îthe wenyu wa tene Aroni na andû a mûciî wake vîndî îrîa maarî ngombo cia mûthamaki wa Misiri.