Jeremia 34:6 - ÎVUKU RÎA ÛVORO MWARO

⁶ Nake mûrathi Jeremia nîwacokire akîîra Zedekia mûthamaki wa Juda maûndû mau monthe, arî kûu Jerusalemu,

Jeremia 34:6 ပူးပေါင်းရင်းမြစ်များ

1Atha 21:19

Ûmwîre, nie Ngai-Mûnene namwîra atî, ‘Vuva wa kûûraga Nabothi, nîkwa ûrenda gwîyocera indo ciake wanacio?’ Ûmwîre nauga, atî ‘vandû wa varîa nthakame ya Nabothi yetîkire na îgîcûnwa nî ngui nwavo igaacûnîra nthakame yaku!’ ”

1Atha 22:14

Nwatî Mikaia nîwaugire atîrî, “Nevîta na Ngai-Mûnene ûrîa ûtûûraga mwoyo atî nie nîmbuga ûrîa Ngai-Mûnene akûmbîra mbuge!”

Jeremia 1:6

Nînacokire ngiuga atîrî, “Ûûi, Mwathani Ngai-Mûnene! Taroria, nie ndiîcî kwaria na nîûndû nîrî mûndû mwîthî.”

Jeremia 1:9

Ngai-Mûnene nîwacokire agîtambûrûkia njara na akîvutia mîromo yakwa na akîmbîra atîrî, “Taroria, nînekîra ciugo ciakwa kanyuarî gaku.

Ezek 2:7

We nîûkaamera ciugo ciakwa wana makûthikîrîria kana marege gûkûthikîrîria nîûndû andû acio nî aremi.

Mathaayo 14:4

Johana nîwekaraga akîîraga Herode atîrî, “Watho ndûgwîtîkîrîtie ûvikie Herodia!”

Ciîko 20:27

nîûndû nie ndianamûthitha ûndû wana ûmwe wa marîa Ngai avangîte gwîka.

1Sam 3:18

Kwoguo Samueli nîwamwîrire maûndû monthe atakûmûthitha wanarî ûndû. Nake Eli akiuga atîrî, “Ke nîke Ngai-Mûnene, tiga eke ûndû wa wonthe ûrîa ke akwona ûrî mwaro.”