Jeremia 34:22 - ÎVUKU RÎA ÛVORO MWARO

²² Tathikîrîria, nie Ngai-Mûnene nîngaatha mûthamaki wa Babuloni na athigari ake na nîngamacokia îtûûrarî rîîrî. Nîmakaarîtharîkîra, marîtave na marîvîvie na mwaki. Nîngatûma matûûra ma Juda matuîke maganjo na kûndû gûtatûûragwa nî andû. Nie Ngai-Mûnene nînie nauga ûguo.”

Jeremia 34:22 ပူးပေါင်းရင်းမြစ်များ

2Sam 16:11

Daudi nîwerire Abishai na ndungata ciake cionthe atîrî, “Ethîrwa mûvîcîwa ke mwene nîarenda kûmbûraga, kinthî Mûbenjamini ûyû ndangîmbîka maûndû macûku makîria? Ngai-Mûnene nîke ûmwîrîte arumane, kwoguo tiganani nake arumane.

2Atha 25:6

Athigari acio nîmaanyitire Zedekia na makîmûvira kûrî mûthamaki Nebukadinezarû, ûrîa vîndî îo warî îtûûrarî rî Ribula. Nebukadinezarû nîwamûtuîrîre arî kûu.

2Atha 25:9

Nîwavîvirie hekarû, nyomba ya mûthamaki na nyomba cionthe cia Jerusalemu. Nyomba cionthe nene îtûûrarî nîciavîvirue.

2Maû 36:17

Kwoguo, Ngai-Mûnene nîwatûmire mûthamaki wa Akalidei amatharîkîre. Nao Akalidei nîmaaûragire andû ao arîa maarî ethî marî hekarûrî. Matiegucagîra andû ntha wana ethîrwa arî mûndû mwîthî kana mûndûmûka, mûndûmûrûme mûkûrû kana ûrîa mûrwaru. Ngai-Mûnene nîwamarekererie onthe kûrî mûthamaki wa Akalidei.

Isaia 13:3

Nie mwene nîmbathîte arîa nyamûrîte, nîmbîtîte andû akwa arîa njamba arîa makenaga rîrîa navootana, makarûe na arîa mandakarîtie.”

Isaia 24:12

Îtûûra rîu rîgaatigwa rîrî maganjo; ivingo cia rîo nî munange.

Isaia 37:26

“Senakeribu nîkwa ûteguîte atî naavangire ûndû ûyû kuuma tene? Ûrîa nîreka rîu naaûvangire kuuma tene. Nakûveere vinya wa kwomomora matûûra marîa mairigîre matuîke maganjo.

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Isaia 64:10

Matûûra maku marîa matheru matuîkîte werû; Zayuni gûtuîkîte werû, Jerusalemu gûtuîkîte maganjo.

Jeremia 2:15

Nthû ciake ciîthîrîtwe ikîmûraramîra ta mûnyambû, matuîte vûrûri wake werû, matûûra nî maganjo matitûragwa.

Jeremia 32:29

Akalidei arîa mararûa na îtûûra rîîrî nîmakaarîvîvia na mwaki. Nîmakavîvia nyomba kûrîa ngai cia Baali ivîvagîrua ûbani, na kûrîa ngai cia mîvuanano irutagîrwa matega ma ndivei, nîguo mbakanwe nî marakara.

Jeremia 33:10

Ngai-Mûnene arauga atîrî, “Îtûûra rîîrî rîtuîkîte ta werû, kûndû gûtatûûragwa nî andû kana nyamû. Matûûrarî ma Juda na njîrarî cia Jerusalemu irîa ciatiganîrue nî andû na nyamû, nîgûkeguua rîngî

Jeremia 34:2

“Thiî kûrî Zedekia Mûthamaki wa Juda ûmwîre Ngai-Mûnene Ngai wa Isiraeli arauga atî: Nîrî vakuvî kûnenganîra îtûûra rîîrî kûrî Mûthamaki wa Babuloni, nake nîakaarîvîvia na mwaki.

Jeremia 38:23

“Aka aku wana avîcî aku nîmakaavirwa gwa Akalidei, na we mwene ndûkavonoka ume njararî ciao, nwatî nîûkanyitwa nî mûthamaki wa Babuloni na îtûûra rîîrî rîvîvue na mwaki.”

Jeremia 39:8

Nao Akalidei nîmaavîvirie nyomba ya mûthamaki, nyomba cia andû na makîomomora nthingo cia Jerusalemu.

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Jeremia 50:13

Nîûndû wa ûrîa nie Ngai-Mûnene ndakarîte, gûtirî mûndû wanarî ûmwe ûgatûûraga Babuloni; îtûûra rîu nîrîcûkangua viû. Arîa onthe makavîtûkagîra vakuvî narîo nîmakaamaka, makamaka makiugaga, we! we! we! Nî ûrîa rîcûngangîtue.

Jeremia 52:13

Nake nîwavîvirie hekarû, nyomba ya mûthamaki na nyomba cionthe cia andû a vata kûu Jerusalemu.

Jeremia 52:7

Kwoguo rûthingo rwa îtûûra nîrwatûrîkirue, nao athigari a mbaara makiuma îtûûrarî rîu ûtukû, makîûra. Nao mavîtûkîrîre mûgûndarî kwa mûthamaki na makîthiî makiumîrîra kîvingorî kîrîa Kîamrî gatagatî ka nthingo irîa igîrî. Maathiîre maroretie mwena wa werû wa Araba.

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Maca 1:1

Îtûûra rîrîa rîecûrîte andû kaî rîrî na îvooru î! Nîrîatîîtwe nî mavûrûri, nwatî rîu rîkariî ta mûka wa ndigwa, mbere rîarî mwarî wa mûthamaki, rîu rîtuîkîte ngombo.

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Mika 7:13

Nwatî nthî nî îgaatuîka werû, nîûndû wa waganu wa andû arîa matûûraga kuo.

Zakaria 1:12

Nake mûraika ûcio wa Ngai-Mûnene nîwaûririe atîrî, “We Ngai-Mûnene mwene vinya wonthe wîthîrîtwe ûrakarîrîte Jerusalemu na matûûra ma Juda mîaka mîrongo mûgwanja. Nîwîkara îvinda rîgana atîa ûtakûmeguîra ntha?”

Zakaria 7:14

Nînaamanyaganirie na njîra ta ya rûkûngi rûnene mavûrûrirî mataicî na magîtûûra kuo marî ageni. Vûrûri ûrîa maatigire watuîkire werû, na gûtirî mûndû wathiîcaga kana akauma kuo. Vûrûri ûcio mwaro gûtirî mûndû watûûrire kuo.”

Mathaayo 22:7

Nake mûthamaki nîwarakarire. Kwoguo nîwatûmire athigari ake makaûrage aûragani acio, na mavîvie îtûûra rîao.