Jeremia 34:20 - ÎVUKU RÎA ÛVORO MWARO

²⁰ Andû acio nîngamarekereria kûrî nthû ciao, na kûrî andû arîa mendaga kûmaûraga. Ciimba ciao nîikaarîwa nî iconi cia rîerarî na nyamû cia kîthaka.

Jeremia 34:20 ပူးပေါင်းရင်းမြစ်များ

1Atha 14:11

Mûndû wa wonthe wa mûciî wa Jeroboamu ûrîa ûgaakuîra îtûûrarî, nîakaarîwa nî ngui, nake mûndû wa wonthe wa mûciî waku ûrîa ûgaakuîra mûgûndarî, nîakaarîwa nî nderi. Ûguo nîguo Ngai-Mûnene augîte.’ ”

1Atha 16:4

Mûndû wa wonthe wa nyomba yaku ûrîa ûgaakuîra îtûûrarî rîrîa rînene nîakaarîwa nî ngui, nake mûndû wa wonthe wa nyomba yaku ûrîa ûgaakuîra werûrî nîakaarîwa nî nderi.”

Thaburi 79:2

Nîmaatiganîrie mîîrî ya andû aku îrîwe nî nderi, mîîrî ya ndungata ciaku irîwe nî nyamû cia kîthaka.

Jeremia 11:21

Kwoguo, ûvoro wîgiî andû a Anathothi arîa marenda kûmbûraga Ngai-Mûnene arauga atîrî, “Ndûkarathe ûvoro ûkîgwetaga rîîtwa rîa Ngai-Mûnene, na weka guo nîtûgûkûraga.”

Jeremia 12:9

Andû arîa nthurîte mekariî ta iconi mbaro, irîa itharîkagîrwa na mbarî cionthe nî nderi. Thiî ûnganie nyamû cionthe irîa mbaganu, nîguo ciûke kîrugorî.

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 19:7

Vandû ava nîvo ngaacûkangîria mîvango yonthe ya andû a Juda na Jerusalemu. Nîngatûma mavootwe nî nthû ciao marî mbaararî na imaûrage. Nîngatûma ciimba ciao irîwe nî iconi na nyamû cia kîthaka.

Jeremia 21:7

Nie Ngai-Mûnene nîrauga atî vuva wa ûguo, nîngaavecana Zedekia mûthamaki wa Juda, ndungata ciake, na andû a îtûûra rîîrî, arîa magatigarua nî mîrimû, mbaara na yûra kûrî mûthamaki Nebukadinezarû wa Babuloni na nthû cienyu irîa ciendaga kûmûraga. Nebukadinezarû akamaûraga na rûviû na gûtirî mûndû ûgaatigara kana arekererue wana kana eguîrwa ntha.”

Jeremia 22:25

Ngûvecane kûrî andû arîa mendaga gûkûûraga arîa wîtigîrîte, na ngûrekererie kûrî Nebukadinezarû mûthamaki wa Babuloni na kûrî Akalidei.

Jeremia 38:16

Nake mûthamaki Zedekia nîwevîtire mbere ya Jeremia na nthitho akiugaga atîrî, “Wata ûrîa Ngai-Mûnene atûûraga mwoyo, Ngai ûrîa watûveere mwoyo, ndigaakûûraga, kana ngûrekereria kûrî andû aya marenda gûkûûraga.”

Jeremia 39:6

Mûthamaki wa Babulonia nîwaûragire avîcî a Zedekia marî Ribula, Zedekia akîonaga. Nebukadinezarû nîwacokire akîûraga atongoria onthe a Juda.

Jeremia 4:30

We Jerusalemu kaî wî na thîna-î! Wîkagîra nguo îno ndune nîkî? Wîgemagia ûthiû na ûgekîra mathaga ma thaabu nîkî? Kwîgemia gwaku nîkwa mana. Arîa makwendete nîmarakûnyarara, na magacaria ûrîa mangîkûûraga.

Jeremia 44:30

Nîngaarekereria Hofira mûthamaki wa Misiri kûrî nthû ciake na kûrî arîa mamûcaragia mamûûrage, wata ûrîa naarekererie Hezekia mûthamaki wa Juda kûrî Nebukadinezarû mûthamaki wa Babuloni ûrîa warî nthû yake na wendaga kûmûûraga.”

Jeremia 49:37

Nîngaatûma andû a Elamu metigîre nthû ciao, irîa ciendaga kûmaûraga. Nîngaûraga andû a Elamu nîrî na marakara meengî. Ngaamatûmîra athigari a mbaara mamaûrage mathire viû.

Jeremia 7:33

Ciimba cia andû aya ikaarîwa nî iconi cia rîerarî na nyamû cia kîthaka na gûtirî mûndû ûkaimakia.

Ezek 23:28

Mwathani Ngai arauga atîrî, “Nie nîngaakûrekereria kûrî andû arîa ûmenete, na wî kînyiria Kîamo.

Ezek 29:5

We vamwe na nthamaki icio nîngaamwikia werûrî na mîîrî yenyu nîîkagwa kûndû gûtarî kîndû na ndîkaathikwa. Mîîrî yenyu îgaatuîka irio cia nyamû cia kîthakarî na iconi cia rîerarî.

Ezek 32:4

Nîngaagwikia nthî nyûmû mûgûndarî kûndû gûtarî na kîndû, na nîngaatûma iconi cia rîerarî na nyamû cionthe cia kîthaka cia nthî yonthe ikûrîe.

Gûco 28:26

Ciimba cienyu ikethîrwa irî irio cia iconi na nyamû cia kîthaka na gûtirî mûndû ûgaaciîngata.

1Sam 17:44

Mûfilisiti ûcio nîwerire Daudi atîrî, “Nguvîvîria na nînengera iconi cia rîerarî na nyamû cia kîthaka kimba gîaku.”

1Sam 17:46

Ûmûnthî Ngai-Mûnene nîakûmva we, ngûvoote na ngûnuke kîongo na njoke mve iconi na nyamû cia kîthaka ciimba cia athigari a Afilisiti irîe, nîguo andû a nthî mamenye atî Isiraeli kwîthagîrwa kûrî na Ngai.